الحلقة ~ 15 💜
ولما خشت شبحت نهى واقفة على واحد بس مقدرتش تشوفه مني لانه كان عاطي بالضهر ..
لجين.. من هدا زعما ؟ نخش ولا نستنى لين يمشي..
نادين.. ياهمي تي هيا خشي حتى انتي شن واقفة تستني ......
لجين..لالا خلي نخش احسن ... شكل الفرخة مكبدة من وراي هههههه خلي نمشي نشوفه مني
وكيف بتمشي لجين لنهى سمعت صوت حد ينادي عليها ....
نادين.. الززفت هدا وقتكك هواا !!!
نادر.. لجييين ..
لجين.. ناادر.. اهلين.. شن تدير هني 😂
نادر.. ههههههه جيت نطمن عليك .. قتلي نهى انك جاية اليوم ف حبيت نشوفك.. شن حالك اليوم ؟
لجين.. انا بخير الحمدلله ☺
وقعد نادر يتكلم مع لجين شوي ..
~~~~~~~~~~~~~
نهى .. انتا انسان مش طبيعي.. وسيباته وطلعت ...
وهيا طالعة لقت لجين و نادر عالباب..
نادر.. اوو حتى انتي هني ههههههه
لجين .. اي كنت خاشة نشوفها توا بس كانت واقفة ع واحد ههههههه
وتلفتت لجين باش تشاور عليه .. وين مشي😳 كان واقف هني الولد 😅
نهى تلفتت لقت عمر مشي .. ههههه .. اي
لجين.. من هدا 😜😜
نهى توترت ومعرفتش شن ترد.. ااه .. هدا .. هادا محمد ،هوا وصلني للكلية هني وسايرني للكافتيريا
نادر.. محمد صاحبي ؟
نهى .. اه ؟ اي ،😅
لجين.. هههههههه وصلك صار.. جميل جميل
نهى.. ههههههه
<وقالت نهى ف سرها "ياهمي غير شن خلاني نقول اسمه وندبسه".. 😓>
وغيرت نهى الموضوع بسرعة
نهى.. شن رأيكم نقعمزو نشربو حاجة ؟
وقعمزو يهدرزو نهى ونادر ولجين ويضحكو وجوهم حلو
《عند نادين 》
اتصل عمر ب نادين ...
نادين.. اوووف ياربي شن هااالحصلة الي طيحت روحي فيها
<وردت>
عمر.. تي وينك قعدت نستنا فيك مجيتيش
نادين.. اسفة صارلي ظرف مقدرتش نجي.. خلاص خليها مرة تانية
عمر.. خيرك نادين في حاجة ؟
نادين.. لالا مفي شي.. لازم نسكر عندي محاضرة ..
عمر.. اوك .. نحبك. سلام
نادين.. سلامات
وسكرت التليفون وهيا متعفلقة لانها كانت تبي لجين تخش تشوف نهى واقفة مع عمر وخطتها فشلت طبعا 😛 .....
《 عند البنات 》
نادر.. مدامه محمد فلكلية هني نقولوله يجي يقعمز معانا شويا ولا شن رأيكم ؟؟
نهى.. اه ؟ لالا بلاش نزعجوه .. بالك عنده حاجة مهمة
نادر.. ههههههههه .. اياح .. محمد 😂 وحاجة مهمة ضحكتيني ...😂😂
أنت تقرأ
🔥 مِن الحُب ماقتل 🔥
Romanceالثقة صعب تعطيها لأي حد 💛 .. والي تشوفه بعينك مش ديما الحقيقة 💛 .. مهما كان اي حد قريب منك إحترس ، لان الطعنة هاتجيك من أقرب الناس ليك 🔥 .. تأليف .. ميرا ياسر💛
