الحلقة ~ 55 💜
🌸《ماقبل الآخيرة 》🌸
نادر.. هدا محمد.. دقيقة بس
لجين.. به
نادر... الو ؟....
ورد عليه صوت غريب
نادر..من معاي ؟...
ايه اني !!
.وين محمد ؟؟......
شششنوووووووووو !!!!!!!!!!
انييي جااااااي مسسااافة الطريق...
ولجين ونور مخلوووعين...ششششنو فيييي !!
نادر..مششششعارف مششعارف .. مححمد فالمممسسشفى...كلمني واحد تواا قالي لقينا سيارته طايحة من فوق الكوبري .......
لجين.. شنووووووووووو !!
نور..😳😳😳😳😳
ونادر هبل وقعد يلف حوالين نفسه
نادر... اني بنممشي المستشفى
لجين.. اسستنى بنجي معاااك
نور.. ححتى اني
نادر.. باااهي ارركبوو فيسسع....
وركبو كلهم وطار نادر عالمستشفى وأول ماخش مشي يجري للريسبشن...
نادر.. عفوااا جااكم وااحد توا فالطوارئ اسمه محمد عبد السلام......... ممكن نعرف وينه !!
الموظفة.. لحظة استاد .. وقعدت تقلب فالوراقي .. استاد الحالة توا فالعمليات ..
ومشو بسرعة قدام غرفة العمليات وقعدو يستنو ونادر علي نار وماشي جاي وقريب يهبل ولجين نفس الشي وحتى نور المسكينة الي مش فاهمة شي....
وجي راجل... ااحم .. عفوا...
نادر.... تفضل !
الراجل.. انت صاحب الولد الي دار حادث ؟
نادر.. اي اني.. انت الي كلمتني !
الراجل .. ايه ... لقيت رقمك اخر واحد ف تليفونه... سيارته انقلبت بيه وطاح من فوق الكوبري شكله كان يسوق بسرعة.. وكان ينزف هلبا وجبناه هني عالمستشفى.. بس السيارة كلها مشت ف خبر كان..
نادر.. بارك الله فيك ياخوي والله مش عارف كيف نشكرك ......
الراجل .. ولا يهمك تفضل التليفون متاعه كان معاي ..وربي ينوضه بالسلامة ان شاء الله ...
نادر.. شكرا .. بارك الله فيك
ومشي..
اما لجين كانت واقفة ف مكانها وتبكي .....
لجين.. علاش هكي بس يانهى علاش
نادر.. نهى ؟؟ شن دخل نهى ؟؟
لجين .. ك ن ت.. ب نحكيلك ...ووو .... بدت تبكي
نادر.. شن بتحكيلي !!
لجين.. م ح م د.. سمعنا.. و ح ن ي نحكو..... وهيا، نهى ....نخطبت لاحمد ولد خالتها ......
نادر.. ششن هوااا !!!!!!!!!!
ونور واقفة تهدي ف لجين و نادر معاش نطق ب ولا حرف من الصدمة.... ومش قادر يفكر ف شي تاني غير صاحبه الي بين الحياة والموت .....
وطلع دكتور وكان يمسح ف جبينه من العرق ......
نادر.. عفواا دكتووووور ،، لو سمحت قوولي محممد شن صاارله !!
الدكتور.. انت من اقاربه ؟
نادر.. اااي ايي اني صاحبه
الدكتور.. كان عنده نزيف حاد والضربة جت كلها ع الدماغ وسببتله ارتجاج فلمخ .. وزاد انه المريض نزف وفقد هلبا دم....وهوا حاليا غايب عن الوعي.. وحني قدرنا نوقفو النزيف الحمدلله و بنزيدوله دم..ومزال في شوية كسور ورضوض ف جسمه ..بس نبضه مش مستقر.... وحطيناه فلعناية لحد مايستقر نبضه ويفيق
نادر.. باهي و هوا امتى بيفيق !!
الدكتور قعد ساكت شوية... مش معروف !.. حني درنا كل الي علينا ..واملنا انه يفيق قبل 24 ساعة والا.....
نادر.. والا شنو ؟؟؟ شن بيصير فييه !!
الدكتور.. المريض لقدر الله في احتمال كبير يخش ف غيبوبة..وحني معاش هانقدرو ندير حاجة وقتها وبتكون حياته ف خطر ... ادعو ربي انه ينوض قبل 24 س ...
نادر..........
الدكتور.. نستأذن منك .. وربي ينوضه بالسلامة
أنت تقرأ
🔥 مِن الحُب ماقتل 🔥
Romanceالثقة صعب تعطيها لأي حد 💛 .. والي تشوفه بعينك مش ديما الحقيقة 💛 .. مهما كان اي حد قريب منك إحترس ، لان الطعنة هاتجيك من أقرب الناس ليك 🔥 .. تأليف .. ميرا ياسر💛
