🔥 مِن الحُب ماقتل 🔥

56 والأخيرة - الجزء التاني

الحلقة ~ 56 💜

                  🌸《الجزء الثاني 》 🌸

بعد مرور يومين

فلكلية..>>

رجعنا للسستم القديم 😂 نهى فلمحاضرة هيا ونادر ومحمد يبي يجي بيدير روحه بيخدم لاكن هوا يبي يشوف نهى ونهى تتعارك معاه باش يقعد فالحوش ويرتاح 😀

ولجين تمت محاضراتها ومشت لنهى ونادر فلكلية فلكلية .......

ونهى كيف طالعة من المحاضرة لقت محمد مقعمزلها😛

نهى.. تيي انت ششن جابكك مش قلنا تقعمز ترتاح فلحووش ولاا..
محمد.. قلقت من التقعميز -_- اصلا بنبدا نعطي من اليوم الدكتور الي كان يعطي بدالي مسافر... وحتى اني بنسافر بعد اسبوعين
نهى.. شن هوا😳 مسسافر علاااااش !
محمد.. ههههههه ياحمارة البعتة اجلتها مليون مرة علي خاطرك كان اجلتها مرة تانية بتريح عليا.. غير استعجليلي روحك باش نلبسو الدبل قبل لانمشي 😛
نهى..باهي لما نروح الحوش نكلمهم نحددو يوم
محمد.. بتولي ختشيبتي :3
نهى... وانت بتسافر وبتقعد سنتين ياقرد بنستاحشتك 😢
محمد...هههههههه سنتين يمشو خت فت ولما نروح تكوني تخرجتي ونتزوجو طول :3 لانه خطر عليك نقعد معاك سنتين وحني مخطوبين 😜 نبدو بعاد احسن لان الشيطان شاطر😂
نهى.. مصح وجهك قليل ادب 😐
محمد.. 😇 .. وين كنتي ماشية ؟
نهى.. بنمشي اني ولجين لحوش نادر باش نشوفو نور.. ونتفاهمو معاها ونحلو قصتها هيا وعمر
محمد.. ااه ، باهي ان شاء الله ربي يهدي سرهم .... هوا راجل ويستاهل كل خير .....
نهى.. اي وحتى راجلي :3 😂 هي نتلاقو بعدين باش منعطلوش سسلاام
محمد..كلميني لما تروحي ...
نهى.. حاضر .. نحبك❤
محمد.. ااه ياقلبي غير شن بيصبرني سنتين :3 🌚
نهى.. نهرب احسنلي 😂 تشااو
محمد.. هههههه سلام❤

ومشت نهى وخدت لجين ونادر مزال ميعرفش بالموضوع وهما طلعو بكري قصدا باش يكون نادر فلكلية وهما يعرفو يتكلمو مع نور .....

《عند نور》

سما.. يابااردة اضحكي عاد من مبكري واني نضحك فيك :/ خلاص انسي ربي هايعوض عليك بالاحسن منه معاش تفكري فيه
نور.. سما قتلك معاش تدويلي فالموضوع.. اني كويسة ومافيا شي
سما.. تي ششن مافيك ششي شوفي لروحك فلمراية كيف وجك رايح اسود كله وضعفتي وحالتك وحالة وجوك اخي بكل وتقوليلي ماخيرني شي..  
نور.. به خلاص فوتي الموضوع توا نضحك شوفيني ها.. هاهاهاهاها.. ووو عليا بطني .. هيههييهيهي.. مش قادرة نشد روحي هاهاهاها..تمام هكي ؟ 😐 اخطيني هي
نور.. مختشة وحق ربي -_-

وقعدو يقرو هما الاتنين وبعدها بشوية شرين الجرس  ..

نور.. هدا شكله نادر.. خليك هني نفتح ونجي
سما..اوك

ومشت نور فتحت

نور.. نهى ولجين 😳 خشو خششو😍
نهى.. ياندلة خيرك معاش تجي للكلية -.-
نور.. هههههههه والله مافضيت بكل .. خششو خشو