🔥 مِن الحُب ماقتل 🔥

6

الحلقة ~ 6 💜

زعما شن يبي هدا ؟ علاش بعتلي طلب؟؟
نقبل ولا نرفض به :/
اووف ياا 😓
ارزني شويا شن نقبل هادي ..منين تعرفيه انتي 😰

ومابين هيا تفكر وتشاور ف روحها....بعتلها نادر مسج...>>

نادر..مساء الخير لجين ..ممكن تقبلي الطلب ..حاب نتعرف عليك مش اكتر هههههه
لجين... <<مصح وجهه شن نتعرف عليك هادي 😐 >> ..مساء النور..اهلين خوي ..كيفك ؟

وصدفة نادر كان اون وشبح الرسالة طاار من الفرحة ❤
نادر..اني تماام الحمدلله ..وانتي كيف حالك ؟؟
لجين..بخير الحمدلله
نادر.. شنو وين اليوم هههههه قالو البنات مجيتيش ..ان شاء الله غير مش مريضة بس
لجين..هههههه لالا مش مريضة..مكانش عندي نية نمشي الحق 😂 ..اصلا مفيش محاضرات مهمة .. ف قلت نقرا فالحوش ..
نادر..اهاا اي كويس هههههه ..اما سنة انتي توا
لجين.. نفس عمر نهى انا.. هيا سنة 3 واني سمستر السادس.. يعني تالتة زيها ..لان دخلنا انا وهيا الكلية مع بعض بس كل وحدة تخصص بروحها
نادر..اهاا ..حلوو حلو
لجين.. بس الفرق ان هيا مزالها 4 سمسترات واني مزالي ستة خوتهم 🌚💔
نادر..هههههههه يلا ..كله يهون لما تاخدي الشهادة ويبدو يجوك مرضى تعالجيهم ويدعولك وهكي هههههه
لجين ..ههههههه ان شاء الله ❤
نادر.. هي منعطلش عليك ..تصبحي ع خير ☺
لجين..قدامك كل خير 😊

وسكرت لجين واتصلت ب نهى طوول ..>>>

لجين..نهى نهى نهى نهى 😭 نادر بعتلي طلب وهدرزنا شويا عالفيس 😢
نهى..وباه خيرك زعلانة وين المشكلة 😂.. اكيد لقي ميلك عندي
لجين..منعرفش هكي :/ .. منبيش نكلمه وخلاص خايفة نحشمه 😓
نهى.. لوجي نطلب منك طلب ..
لجين ..اكيد ياعمري ..
نهى..اعطي روحك فرصة ..واعطيه فرصة
لجين..نهى حني سبق واتكلمنا علموضوع هدا
نهى.. بس نادر ع ضمانتي .. والله ولد ماشاء الله عليه وراجل ومليشي علاقة ب حد ..يجي الكلية يحضر  ويروح ..لو مكنتش عارفة انك عاجبتيه ره خنبته منك ههههههه 😂نبصر نبصر .. بس اسمعي كلامي..المرة هادي بس
لجين..يصير خير .. اني نعست بنرقد شوي
نهى ..اوك ..نوم العوافي ياعمري ❤ ..سلام
لجين..واحسن شي غدوا جمعه ههههه الله بنرقد..سلامات

~~~~~~~~~~~~

《عند محمد 》

محمد .. بوي
ابو محمد.. نعم
محمد..عندي صاحبي نادر ..اكيد تعرفه..حالته المادية صعبة اليومين هما ومحتاج شغل
ابو محمد.. شن نوع الشغل الي يبيه يعني
محمد.. هوا قاعد طالب بس عنده لغة وشاطر ف الكمبيوتر ويفهم فالتخطيطات ..بس ضروفه صعبة شويا وعطل ف قرايته..عمره 24 سنة ..هوا يساعد ف خاله ويتدرب ف مكتب هندسي بس بلا مقابل لانه تدريب يعتبر مش خدمة
ابو محمد.. مش مشكلة نشوفله خدمة فالشركة عندي ..واعطيني رقم تليفونه باش نكلمه ونعرف الوقت الي يكون فاضي فيه
محمد..منور ياغالي..رقمه 092*******
ابو محمد.. خلاص غدوا توا نكلمه ..وانت شد حيلك شويا وتعالا ساعدني راني عييت خلاص
محمد.. والله شن بنقولك يابوي.. جايتني بعته من الكلية باش نحضر ..واحتمال نسافر ماليزيا علي اخر السنة ..بس صدقني نادر هايكون ايدك اليمين ف كل شي لانه ينعبى عليه.. لحد مانكمل رسالتي ونجي نساعدك فالشركة