الحلقة ~ 52 💜
محمد.. رقبتي وجعتني من كتر ما اني رافع راسي والله 💔😅 ارحميني...بنحدفلك حاجة القطيها
نهى.. حاجة شنو ؟؟
وحدفلها علبة صغيره
محمد.. افتحيها وهاتعرفي ❤
وفتحتها نهى ولقت فيها خاتم زواج ..💍❤
وقعدت تشوفله ومصدومة
محمد...تتزوجيني نهى ؟
نهى............
محمد.. ردي عليا نهى
وسكرت نهى العلبة وحدفتهاله .....
محمد.......
نهى.. شوف ، اني مش هانوافق علي عرضك هدا حاليا.. بس بنعطيك فرصة
محمد.. بجد !!
نهى.. اي ، هانعطيك فترة معينة .. ولو لقيتك تغيرت فيها بجديات.. هانقولك امتى تجي تخطبني ..
محمد.. يعني نفهم من كلامك هدا انك سامحتيني
نهى.. مسامحتكش.. بس هانعطيك فرصة وانت وشطارتك
محمد.. ههههههههههههه وحق ربي الا نحبك هي ❤❤
نهى.. توا ممكن تمشي من هني قبل ماحد يشوفك ؟ 🌚
محمد.. هههههههه حاضر .. ونوعدك هانعوضك علي كل الي فات 💜 وهانثبتلك اني نحبك
نهى.. هههههه توا نشوفو ..
محمد.. باه ممكن تاخدي الباقة 🌚🌚 مش منظر نقعد شادها هكي 😅
نهى.. ههههههه حطها قدام الباب توا ننزل ناخدها
محمد.. تمااام ❤❤ صحيتي انك عطيتيني فرصة تانية نهى
نهى.. به خلاص جو المسلسلات التركية هدا 😐 برا 😛
محمد.. هههههه سلام ❤
نهى.. سلامات
وحط محمد الباقة قدام الباب وهوا طاير من الفرحة ❤❤
وفتح باب السيارة وغمز لنهى ❤
ومشي
نهى .. هه ، اهبل
وخشت وسكرت البلكونة ....
《 عند نادين 》
اكيد استاحشتوها 😂
امها.. اسمعي كلمي الراجل وقوليله انه وتينا حاجات العرس وحجزنا الصالة مزال نوصو عالعشي وتباسي الغدي متع يوم الفاتحة بس .. وقوليله انه بوك يبي يشوفه يتكلم معاه ف شوية تفاصيل
نادين.. اممي علي ششن مسستعجلة مزال شهرر طويل عرريض
امها.. طويل عينكك الايام مصرع مايجرو... وشوفي اختك امتى تكمل قرايتها باش تطلع معانا العشية نكملو الحاجات الي ناقصاتك وباقي البتات وشوية حاجات وتحف للحوش باش متخشيش لحوشه ايدك فاضية شن يقولو علينا العرب بعدين.. هيي خفي روحك وكلميه
نادين.. اففففف باااهي باههي
وطلعت امها من الدار وطلعت نادين تليفوونها ورنت علي عمر ........
《عند عمر》
فهد.. عمررررر ،ياعمممر.. نقااالك يشررررين ..
ياربي وين مشي هداا ...
الو ..؟
نادين.. ايوا عمر
فهد ف سره "اييااه الغرخ طلع مكبد😂".. عمر ؟؟ لالا مش اني عمر 😇😇 هوا مش قاعد توا من نقوله لما يجي ؟
نادين.. لما يجي قوله نادين كلماتك ..
فهد.. نادين ؟؟
نادين.. ممكن نعرف من معاي ؟
فهد..........
نادين.. الوو ؟
فهد.. اني خوه
نادين.. اهاا تشرفنا .. المهم لما يجي قوله يعاودلي... سلام
فهد.. سلام ..
أنت تقرأ
🔥 مِن الحُب ماقتل 🔥
Romanceالثقة صعب تعطيها لأي حد 💛 .. والي تشوفه بعينك مش ديما الحقيقة 💛 .. مهما كان اي حد قريب منك إحترس ، لان الطعنة هاتجيك من أقرب الناس ليك 🔥 .. تأليف .. ميرا ياسر💛
