🔥 مِن الحُب ماقتل 🔥

33

الحلقة ~ 33 💜

كانو نهى ونادين فلامتحان ومحمد كذلك في المراقبة ....

ومشت لجين لكليتها باش اتلحق ع محاضراتها ...
ولقت نادر...
لجين.. مش عندك امتحان 😳
نادر.. مش منزلها المادة😅
لجين.. هههههه فالح
نادر..وانتي شن اديري

لجين تنهدت وقتله شي

نادر.. خيرك ؟؟
لجين.. مضايقة
نادر.. من ،؟!
لجين.. قعمز خلي نحكيلك
نادر.. اوك
لجين..نبي نكلم محمد
نادر.. بخصوص ؟
لجين.. نادين
نادر.. خيرها نادين
لجين.. البنت هادي لو مبعدتش عن نهى ومحمد مش هايصير خير
نادر.. مش صاحبتك هادي توا ؟؟ علاش اتقولي هكي
لجين.. توا نحكيلك ......

وقعدت لجين تحكيله ع الي صار معاها وعلي نادين وخبثها

نادر.. معقولة هكي ؟؟
لجين.. اي
نادر.. مش قادر انصدق ، قصدي ماشفت منها الا كل خير البنت وكانت كويسة وطيبة زي نهى واني نعرف انكم صحبات بس لقيتكم فجأة معاش تتكلمو مع بعض ومفهمتش علاش
لجين.. المشكلة ان نهى متبيش تصدقني يانادر.. توا معقولة تفوت عليك حكاية نفس الاسم هادي ؟؟
نادر.. والله مانعرف يالجين انتي ادرا .. انا عندي خوت بنات وعندي انتي .. حتى لو طلع الي قلتيه رسمي اني مش هانشهدر بيها ولا نتكلم عليها قدام اي ولد حتى لو كان محمد
لجين.. يانادر اني نبيك تحكي لمحمد وتخليه يرد باله منها بس لا اكتر لا اقل
نادر.. اعذريني حبيبتي.. بعدين محمد متخافيش عليه ..هوا يزبط فالبنات اكتر مني ههههههه و يحب نهى ومستحيل يفوتها ولا يدير اي شي يزعلها ... ارتاحي انتي❤
لجين.. يانادر نقوولك البنت تحوم علي محمد الشي واضحح مبكري واقفة تضحك معاه وتبصر زي ماخدت مني عمر هاتاخد محمد من نهى وهاتمر ب نفس الي مريت بيه واني منبيش هكي ..
نادر.. لوجي .. افهمي عليا قتلك ، هادي فلاخير بنت .. واني منقدرش نفضحها قدام حد ... انتي ديري الي تبيه بس اني اسف منقدرش ندخل في حاجة البنات هادي راه حتى اني عندي.. وقتلك محمد مصحصح مينخافش عليه ..
لجين.. ضيعت وقتي واني نحكيلك...... سلام
نادر.. وين مااشية ؟؟
لجين.. شي نادر خليني....
نادر.. باهي غير اقعدي بس ... قعمزي ، خيرك؟
لجين.. يانادر انقوولك البنت تحوم علي محمد وهادي وحدة واطية ونتوقع منها تدير كل شي واني مطلبتش منك غير انك تحكي لمحمد وانت تقولي منقدرش منقدرش... شن تبيني بعدين ندير لما نشوف صاحبتي تبكي وتنقهر وتمر بنفس الي مريت بيه واني ايدي مكتفة مانقدر نديرلها شي !! هكي تبيني !! اني اسفة مش هانقدر منتصرفش.....
نادر..باهي يالجين شوفي ، انتي عمر طلع واطي وخانك صح !؟؟ .. بس محمد صاحبي واني نعرفه كويس ...... صح كان يكلم في بنات قبل بس من بعد ماحب نهى وهوا تغير 360 درجة ..... وتقوليلي بنت تحوم عليه.. في مليون بنت تحوم عليه وهوا محبش وحدة غير نهى وكان ميحبهاش ره مكلمش اهله باش يخطبها....وتقوليلي بتاخده من نهى يعني بيطلع واطي زي الي كنتي تكلمي فيه ؟؟! .. اسف حتى اني.. ره تدوي عليه حتى هوا صاحبي وعشرة عمري ........