🔥 مِن الحُب ماقتل 🔥

23

الحلقة ~ 23 💜

بعد يومين >>

نهى... صباح بابا
بوها.. صباح النور يابنتي..
نهى.. بابا بنستأذنك ممكن نبات عند لجين اليوم ؟؟
بوها.. شن عندك باش تباتي عندها
نهى.. ااه.. ماهووو.. امها مريضة هلبا وجايينها ناس ومفيش غيرها ف قلت نساعدها.. ممكن 😇 والنبي والنبي والنبي وراس بابتي😍😍☝
بوها.. باهي باهي كلمي وليد يرفعك
نهى..وحق ربي انت احسن اب هي 😍نحبببك ❤❤
بوها.. ههههههه بري يامنافقة امشي
نهى.. طيااارة 🏃🏃🏃

وطلعت نهى تليفونها...

لجين.. ااه شن صار معاك !!
نهى.. مية مية .. قالي باهي😂
لجين.. خلاص انتي بكرة ديري زي ماقتلك وصالحيه باش نبدو ف خطتنا😀
نهى.. تم ياقلم😂✌

ومشت نهى ساعدت امها فالتطييب ودارت دورتها في الحوش وبخراته وحطو الغدي كانت الساعة 4 ....
وكملت غداها وخشت لدارها ...

فتحت الفيس لقت محمد اخر اتصال من يومين... ف قررت تتصل بيه

ومحمد اول ماشاف الرقم استغرب ...

محمد.. زعما نرد ؟ .. لالا شن نرد.. وجهي صحيح حق

وقعدت نهى وراه لحد مارد عليها

نهى.. مساء الخير
محمد.. اهلين ، مساء النور

وقعدو ساكتين شوي

نهى.. شن حالك
محمد.. ماشي، وانتي ؟
نهى.. الحمدلله ، محمد ؟
محمد.. ايوا
نهى.. نبي نتأسف ع الي قلته امس
محمد.. هههه اني الي مفروض نتأسف مش انتي
نهى.. لالا انا طريقة ردي كانت وقحة وقلت كلام مينقالش.. بالله عليك متزعلش مني
محمد.. متاخديش ف بالك .. نزعل منك معقولة هههه
نهى.. هههه شكرا ع حسن تفهمك.. بس مكنتش متوقعه الكلام هدا .. وخبطت بكلام منندريش ع روحي
محمد.. هههه عندك حق..عاد واحد قالك نبي نخطبك مديتيله كف مابالك نحبك😅
نهى.. ☺.. صافي يالبن ؟
محمد.. حليب يا قشطة 😂
نهى.. يعني نعتبرك Bffy ..😇
محمد.. شن بففي هادي😂
نهى.. بي اف افي My best friend يعني😀
محمد.. 😂😂😂يا الله عليك حالة.. اعتبري عادي ههههههه وتقدري تنسي الكلام الي قلتهولك
نهى.. تمام :3
محمد.. تم ههههه
نهى.. هي نشوفك غدوا..
محمد.. ان شاء الله..ردي بالك ع روحك ❤
نهى.. وحتى انت😆 سلاام

وسكرت نهى ...

وركبت فوق سريرها وقعدت تنقز زي المهبولة وتغني ..🎤😂😂
يسسسسسس يسس يسس 💃 واناا قلبي دااليلي قالي هاتحبي ترااا تراررارا 💃😍😂🎶🎶اناا قلبي قللببي قلللللبي قللبي انا قلبي داللي لييلي ليليليلييييي ...

وليد..😂😂😂😂😂😂😂😂😂
نهى.. 😳😱😱😱😱😱😱😱
وليد.. هههههههههههه كملي خيرك سكتي.. اعطينا سحبة مايكل جاكسون لو سمحتي 😂😂😂😂😂
نهى.. ياقررد ياحيواان كم مررة نقوللك طقطق قبل لاتخشش
وليد..طقطقت وحياتك بس حضرتك كنتي ع خشبة المسرح ومسمعتيش من الsound effects 😂😂
نهى.. اطلع برا😬😬
وليد.. باهي نبي فلوس😇
نهى.. اتلم تنتون علي تنتن واحد نتن والتاني انتن😂😂معنديش :v
وليد.. شن هلحوش الفقر يعني نشدلكم كتيبة وسلاح ونقعد نلقط ف رزقي ولاكيف😐
نهى.. تبي نصيحتي ؟ .. هدا الصح ياكوتش😂
وليد.. وهدا هوا الي بنديره حولي😑
نهى.. من بعدك ..😂👋اسسمع
وليد.. ها
نهى.. نبيك ترفعني عند لجين بعدين
وليد.. كم تعطيني 😂
نهى.. تي هيا مبردك
وليد.. باهي باه..والله طيبتي الي موديتني ف دهية هيا -.-
نهى.. الساعة 6 بنمشو ياحنين 😂
وليد.. 5:59 دقيقة نلقاك لوطة
نهى.. تم💃