🔥 مِن الحُب ماقتل 🔥

29

الحلقة ~ 29 💜

وسكرت نهى الخط وقعدت تبكي لحد ماخداها النوم....
وجت نوضتها امها فلعشية...

امها.. نهى نوضي ، المغرب قريب خلاص 😐
نهى.. خليني ماما نبي نرقد 😴😪
امها.. تي نوضي وانتي مولية خميرة نوم .. شن هالتبملة الي عندك العفو.. نوضي نبيك تطلعي معاي باش ناخدو هدية لعرس احمد ولد خالتك
نهى وهيا تتاوب .. باهي يا امي
امها.. ساعة ونلقاك واتية ..بنصلو المغرب ويرفعنا وليد
نهى.. اوك 😓

وناضت نهى دوشت عالسريع وطلعت حوايجها ولبست سروال جينز ازرق وسورية بيضاء ووشاح ازرق كحلي فسطه وردات صغيرونات بالابيض والزهري .. وشنطة وكندرة عالزهري

نهى.. ماما اني واتية
امها.. شوفي وليد خوك وجيبيلي شنطي من الداخل وهيا ..
نهى.. باه

ومشت نهى جابت الشنطة لامها وركبو السيارة ومشو...

امها.. تعالي نخشو للمحل هدا يجيب في ماعين وتحف قنينات
نهى.. اوك هي
امها .. وليد خليك هني شويا ونجو
وليد.. ماشي

وخشو نهى وامها يتفرجو عالحاجات
نهى.. الله ماما شوفي تاكم الفناجين هوا.. يهبل لونه ❤
امها.. اي قنين .. عفوا لو سمحت ، بكم هدا ؟
الراجل.. بي 50 د.ل

وكملو وسمعت نهى صوت ضحك وحست الصوت مش غريب عليها ...
ولما تلفتت ..
لقاته محمد 😁

وقعدت تشوفله وهيا مصدومة وهوا كان واقف علي متع الكاصة ويضحكو مع بعض
ولما قام راسه شبح نهى :3

نهى.. 😳😳😳
محمد.. 😐

وقعد كل واحد فيهم يشوف للتاني .....

ام نهى..انتي يابنت نكللم فييك
نهى.. اه ماما ، اسفة سرحت
امها.. شوفي هدا قنين

وامها تكلم فيها وهيا مش معاها بكل وتشوف لمحمد ونظراته ليها ومشالش عيونه من عليها ...
لحد ماعيونها تعبو دموع وهيا مش فاهمة مزال علاش زعلان منها ..

نهى.. ماما اني تعبت بنمشي نستناك فالسيارة
امها.. باهي خلاص اصلا بنشري هدا
نهى.. اي تمام حلو.. اشريه وحصليني

وطلعت نهى من المحل ومحمد يشبحلها وهيا طالعة ومطبسة راسها وعيونها معبيات دموع وشادة روحها وركبت للسيارة ونزلت راسها.....

وليد.. خيرك ؟
نهى.. لا شي.. حسيت بدوخة بسيطة
وليد.. من قلة الماكلة😐
نهى.. اي

محمد.. هي ياراس نشوفك بعدين
الراجل.. ماشي متغيبش علينا .. وشق علينا مرة مرة
محمد.. ههههههه تم.. هي سلامات

وطلع وركب لسيارته وقعد يتفكر ف شكل نهى وهيا طالعة تبكي من المحل ....
وشد التليفون بيكلمها ....

نهى.. اووف وقته توا ، وليد اعطيني فونك نكلم ماما شحني تم ....

عند محمد >>