الحلقة ~ 34 💜
محمد.. علاااش هكي يانننهى بس .. اني حبيتك وحق ربي ..... محبيتش حد زي ماحبيتككك.. علاااش درتي فياا هكي علااش.. شن درتتلك ااني .... معقولة الي اخترتها تكون حبيبتي وام صغاري تطلع............
ياااارب صببرررك يارب
وقعد واقف قدام البحر وساكت ساعة ونص كاملات من غير مايتحرك ولايتكلم ....
《 في الجامعة 》
بعد مامشي محمد رجعت نادين لمكانها وخدت تليفون نهى ومسحت الشات وقعمزت تستنى فيها .....
نادين.. هه هكي مية مية ..... لامن شاف ولا من دري
وكملت نهى شرح للولد وطلعت رجعت لمكانها لقت نادين مقعمزة وتشبحلها وتضحك
نهى.. علاش تضحكي 😳
نادين.. هههههه شي تفكرت حاجة اضحك
نهى.. اه ؛ وين محمد مجاش لتوا؟؟
نادين.. لالا جي خلى الماكلة وروح مستعجل ... تعالي ناكلو
نهى.. علاش مستعجل خيره ؟؟ صايره معاه حاجة !
نادين وهيا تاكل فالسندوتش وفمها معبي ...
نادين...مندري 😶
وخدت نهى تليفونها وقعدت تتصل بيه
نهى.. ميردش ؟!
نادين.. بالك مشغول في حاجة يكمل ويعاودلك اكيد .. كولي كولي توا
نهى.. قلبي مش مرتاح
نادين.. تي فال الله ولافالك يابنت...كولي توا وبعدين ساهل
نهى.. اوك
《عند نادر 》
نادر.. الولد هدا وينه .... نكلم فيه وميردش
اخته.. منو ، محمد ؟
نادر.. اي.. اهيا امه تتصل شن بنقوللها توا ، منبيش نشغلها عليه
اخته.. قولها عندنا لحد مايرد عليك وتعرف وينه
نادر.. الو ابلة فوزية ؛ كيف الحال
ام محمد.. بخير ياولدي بالله نبي نسألك.. محمد نكلم فيه وميردش متندريش وينه ........
نادر.. اي اي محمد عندي تغدا ورقد شويا .. لانه روح تعبان من الجامعة
ام محمد.. اه الحمدلله ياربي بالي كان مشغول عليه ....
نادر.. لالا بخير متخافيش عليه .. اول ماينوض نخليه يكلمك .....
ام محمد.. بارك الله فيك ياولدي .....
《ومرت 3 ساعات》
نادر.. لاعاد هلبا هكي ...... وين بيكون وعلاش ميردش ، زعما نهى تندري عليه وين
واتصل ب لجين....
نادر.. لجين بالله عليك ابعتيلي رقم نهى
لجين.. لاش تبيه شن في 😳
نادر.. محمد مشعارف وين من اول ماروحت نكلم فيه وميردش ومش فالحوش قلت بالك تعرف .....
لجين.. ااه ان شاء الله خير .. توا نبعتهولك ف مسج هي ......
<وبعتتله الرقم في رسالة >
واتصل بيها
نادر.. اهلين نهى.. اني نادر
ونهى كانت راقدة ردت عليه ب صوت ناعس ..
نهى.. اهلين نادر ، شن حالك
نادر.. بخير .. اسمعي بنسألك متعرفيش محمد وينه ؟
نهى.. اه ؟؟ قصدك متندريش وين !؟
نادر.. نكلم فيه وميردش ومش فلحوش نحسابك تعرفيه وين
نهى.. ومبكري فلجامعة كان بيجيبلنا غدي واني مشيت وجيت لقيته روح من غير حتى مايقولي ! نادين قتلي طلع مستعجل .... وين بيكون ؟؟؟؟؟؟
نادر.. والله ماعارف بديت نقلق اني
نهى.. والله قلبي من مبكري مقبوض خايفة يكون صايرتله حاجة ......
نادر.. لالا ان شاء الله خير توا نزيد ندور عليه اكيد مخلي تليفونه ف مكان ولا ناسيه
نهى.. بالله اول ماتعرف حاجة طمني عليه نادر وراسك
نادر.. ماشي لو عرفت حاجة هانبغلك .. وتوا نبعت مسج لامه نقوله انه بايت عندي باش متنشغلش عليه
أنت تقرأ
🔥 مِن الحُب ماقتل 🔥
Romanceالثقة صعب تعطيها لأي حد 💛 .. والي تشوفه بعينك مش ديما الحقيقة 💛 .. مهما كان اي حد قريب منك إحترس ، لان الطعنة هاتجيك من أقرب الناس ليك 🔥 .. تأليف .. ميرا ياسر💛
