الحلقة ~ 28 💜
《 تاني يوم 》
نادين.. الو نهى ، بتمشي الكلية اليوم؟
نهى.. اي ماشية.. شنو بتخطمي عليا ؟
نادين.. اي هي اني طالعة من الحوش .. ربع ساعة ونوصل ..
نهى.. اوك نستنى فيك هي
نادين.. ماشي نتلاقو
و جت نادين وركبت معاها نهى فالسيارة ....
ن
هى.. تعرفي راسي بيتفجر .. مخاطريش نمشي اليوم ...
نادين..وعلاش جيتي .. قعدتي فالحوش مدامك مش قادرة
نهى.. منقدرش انفوت المحاضرة
نادين.. خلاص عندي بنادول ف الدرج متع السيارة خودي حبة
نهى.. اوك
وفتحت نهى الدرج لقت صورة لواحد.. بس مكانتش باينه لان فوقها حاجات وهيا مصدعة مركزتش... خدت البنادول وسكرت ...
ومشو عالكلية وخشو للمحاضرة .....
<بعد مرور ساعة>
نهى.. نادين مش قادرة خلاص.. راسي بيتطربق ، بنطلع نرتاح شويا
نادين.. باهي خلاص اطلعي متضغطيش ع روحك ..
نهى..اوك اتم المحاضرة وكلميني نتلاقو
نادين.. تمام بري هي
وطلعت نهى..
نادين.. سبلة باش تتلاقي مع حبيب القلب.. ههههههه يلا اتهنو ببعض في هاليوم الي فاضلينلكم.. مسيرك تحصلي لجين
"طبعا نادين مزال متعرفش انه نادر ولجين رجعو من بعد هاديك العركة "
وتمت المحاضرة وطلعت نادين وكيف بتتصل بنهى.. جاها محمد
محمد.. عفوا لو سمحتي، نادين صح ؟
نادين.. اي انا ، انت محمد صاحب نادر ؟
محمد.. بالضبط كيف حالك نادين
نادين.. بخير الحمدلله وانتا☺
محمد.. تمام.. لو سمحتي بنسألك وين نهى ؟ قعدت نستنى فيها قدام الباب شكلها محضرتش ونكلم فيها متردش
نادين.. اه نهى ؟ غريبة كانت الداخل وين مشت !
محمد.. متعرفيش وينها يعني ؟
نادين.. لا والله مانعرف .. <وقعدت تستعبط> علاش تبيها ف حاجة ؟
محمد.. اي نبيها شويا
نادين.. اه .. لحظة نتصل بيها نشوفها
<ودارت روحها تتصل>
نادين.. يعطي فيا مقفل ؟
محمد.. وين بتمشي هادي ؟؟
نادين.. مشعارفة تعالى نشوفوها وين
ومشو نادين ومحمد مع بعض يدورو ف نهى ونادين مدايرة روحها بالها مشغول ع نهى وهيا تجر ف ناعم معاه وطول الطريق وهيا تحاول تفتح ف مواضيع معاه.....
نادين.. ياربي الشمس حرقتني ، تعبت .. وينها البنت هادي بس
محمد.. خلاص وخيتي ارتاحي انتي ، توا نمشي اني نشوفها
نادين .. ماشي هي ...
وركب محمد فوق وقعد يدور فيها وجرب يتصل بس مكانش في تغطية فالمبنى
ونادين اتصلت ب نهى..
نهى.. اه نادين طلعتي ؟
نادين..اي طلعت انتي وين
نهى.. انا فلمكتبة مقعمزة
نادين.. ماشي توا انجي
نهى.. اوك
أنت تقرأ
🔥 مِن الحُب ماقتل 🔥
Romanceالثقة صعب تعطيها لأي حد 💛 .. والي تشوفه بعينك مش ديما الحقيقة 💛 .. مهما كان اي حد قريب منك إحترس ، لان الطعنة هاتجيك من أقرب الناس ليك 🔥 .. تأليف .. ميرا ياسر💛
