🔥 مِن الحُب ماقتل 🔥

18

الحلقة ~ 18 💜

نادين.. نهووشتي.. شن رايك نديرو بارتي ل لجين بمناسبة الخطوبة 😃
نهى.. اي اي تمام ناخدولها تورتة وهدية بمناسبة خطوبتها شن رايك 😍
نادين.. تماام ❤

وسكرت نادين وهيا مجهزة ل لجين مفجأة محصلتش !!

ومشت نهى وصت ع تورتة شكل قلب وفوقها دبلة

واتصلت بنادين..

نهى.. اه نادينو.. اني وصيت عالكيكة توا وقلت للمرا توصلهالنا للبشري غدوا الساعة 11 شن رايك ؟
نادين.. اي تمام بس كيف بنقنعو لجين انها تجي الكلية
نهى.. توا ندورلها سبلة اني نقولها تجي تراجع وراقيها او حاجة هكي.. المهم خليها عليا انتي شوفي باقي الحاجات زي المشروب والناس الي بنعزموهم صحباتنا وصحباتها
نادين.. اي اي هههههههه خلي المعازيم عليا
نهى.. مية مية.. بعدين نشوفو كداش تكلفت الحاجات ونقسمو حقها علينا حني الزوز
نادين.. اي به.. نادر بتقوليله ولا نديروها مفاجأة
نهى.. لالا بنفاجئوهم الزوز .. نادر توا نعرف كيف نجيبه😂
نادين.. مية مية هي .. خلي نمشي نقول لخوي يطلعني ناخدلها هدية ونشري باقي الحاجات

وسكرت نهى ..

نهى..زعما نكلم محمد يجيبه من وراه :/
تي لا شن نكلمه عيب 😓
ماعنديش خيار تاني للاسف😧

واتصلت ب محمد ....

محمد.. الو السلام عليكم
نهى.. وعليكم السلام .. كيف حالك محمد
محمد.. تمام بخير.. من معاي ؟
نهى.. هدا انا.. نهى
محمد.. ااه .. شن الجو 😂 شن في حد ضايقك ؟ 😛
نهى.. هههههههه لالا بس بنطلب منك طلب
محمد.. تفضلي
نهى.. انا وصاحبتي بنديرو مفاجئة ل لجين ونادر بمناسبة خطوبتهم.. وبنديروها فالبشري .. ف نبيك تجيب نادر للكلية ب اي سبلة من غير ماتقوله عالحفلة
محمد.. ااااه .. جميل جميل😂 زعما لما بنخطب حتى انا هكي بديرولي هههههههههه
نهى.. غير اخطب بس ونديرولك نوبة فلكلية 😂
محمد.. هههههههههههه تم.. خلاص توا نجيبه غدوا.. عالساعة كم ؟
نهى.. ف حدود ال11ونص هكي.. حني موصيين ع تورتة بتجي مع ال11 مابين ماجهزنا الحاجات تكونو انتو جيتو..ولجين بتجي ف نفس الموعد
محمد.. تمام بيناتنا تليفون باش تقوليلي وين بالزبط ف الكلية
نهى.. مية مية .. صحيت محمد وان شاء الله عقبالك
محمد.. لالا منبيش اني صحيتي😂 سلمك ع شنو 😀
نهى.. ههههههه سلام
محمد.. تشاو

وسكرت نهى وكلمت نادين

نهى.. عزمتي الناس ؟ نبو القراب بس ومدابينا مكان مسكر مفيشي زحمة
نادين.. اي اي نعرف وين نديروها.. وصحباتها عزمت 4 بنات الي معاها فالمجموعة وديما تمشيلهم و صحباتنا حني 5 ونادر وصاحبه ولجين وحني.. يعني 14 نفر
نهى.. خلاص سادين باش ميخشوش فيها هلبا ناس
نادين.. تمامو .....

وسكرت نادين

وفتحت الفيس وهيا كان عندها ايميل وهمي مش ب اسمها..... كلمت منه عمر ع اساس بنت تانية وهدرزت معاه
نادين.. حقاا سمعت ب لجين ؟؟
عمر.. لالا خيرها
نادين... انخطبت 🙊 فرحتلها تعرف😍
عمر.. الله ؟ ...باهي ان شاء الله ربي يهنيها
نادين.. امين.. صحباتها مدايرنلها حفلة غدوا ب مناسبة الخطوبة فكليتها مفاجئة ع اساس توا كيف عزموني 🙊
عمر.. وين والساعة كم ؟؟
نادين.. الساعة 11ونص بكرة