🔥 مِن الحُب ماقتل 🔥

10

الحلقة ~ 10 💜

هدا شكون ؟ !
لالالااا مستححيل ؟؟
مستحيل هي صاحبتي معقولة ههههههههههه لالا مش اكيد مش هوا ..

لاء..
هدا هوا !
ال .. الكلام هدا !
و نادين ..!! 
مستحيل هيا اللي ....

<< وطاح منها التليفون وحطت ايدها ع فمها ونهارت بالبكى...

علااااشششس هكي يانادين بس علاااااشش !!

وضربت التليفون ب اقوى ماعندها عالحيط ...

<وجت تجري امها علي قوة الصوت >

امها.. لجييين بنتي بسم الله عليييك خييرك !!

ولجين مش قادرة تتكلم من العياط .. لين خدتها امها وقعدت تطبط فيها وتقرالها ف قرآن وتمسحلها ع شعرها لين هدت....

لجين.. نادين يااامي ناادين
ام لجين.. خيرها ناادين !!!

بعدين لجين فاقت ع روحها ومسحت دموعها وقالت..

نادين كلمتني توا وقتلي كان مدرتش ايقاف قيد فالكلية قبل الامتحانات بيريح عليا كل شي..

ام لجين وهيا مصدومة .. توا سبب زي هدا يخليك تبكي هكي !! اكيد في حاجة تانية انتي بنتي ونعرفك.. هدا سبب مش مقنع

بكت لجين وقالتلها توا لما تعبي السنين هادي كلها يمششي عالفاضي وكأني مدرت شيي هدا مش سبب مقققنع !!!!

ام لجين.. باهي خلاص هدي روحك باش نعرفو نتصرفو .. شن بتديري توا ؟

لجين.. لازم نمشي الكلية غدوا امي..دبريلي كيف من غير مايعرف بابا والنبي ماما

ام لجين.. باهي خلاص توا نقوله بنحطك عند حوش خالتك ونخلي ولدها يوصلك الكلية ويجيبك عالحوش هني بعدين

لجين.. اوك

ام لجين.. خلاص هي ارقدي وهدي روحك والصباح رباح
لجين.. صحيتي ماما

و دارت روحها رقدت لحد ما امها طلعت م الدار وفتحت عيونها لجين

وقعدت تبكي بحرقة وقلبها يوجع فيها.. كيف ممكن صحبتها واختها ورفيقة عمرها.. تكون هيا الي خدت منها حبيبها.. وهيا الي خلتها بقهرتها طول  السنين هادي .. وشن السبب .. شن الي يخلي وحدة تخون اعز صديقة ليها.. وتبيع صحبتهم ع خاطر ولد !! علاش ادير فيها هكي ..

وقعدت لجين تفكر وتبكي لحد مانعسها النوم ....

《عند نهى》

خش وليد المطبخ وكانت الساعة 8 ونص ..

وليد.. صباح الخير
ام نهى.. صباح النور.. قعمز افطر
وليد.. شن في فطور 😁
ام نهى.. في السم الهاري -_-
وليد.. باهي اعطيني شوية ملح سامط مغيشي بنة😂
ام نهى.. انت بتقعد هكي لا قراية لاشغل لامشغلة ..
وليد.. شن هالسيرة ع صبح ربي -_- غير تطلع النتيجة ونشوف بعدين ف اما كلية نسجل
ام نهى.. وشن تبي تقرا حضرتك
وليد.. بنقرا ف كلية الفنون باش نفتح ديسكو 😃
وشبحتله امه .. 😐
وليد ..نبصر نبصر ادارة اعمال 😂