لعنة الحظ ...
زينب علي .
خيتي اني وين اروح ؟؟
ليش مو هنا انتي ...
خيتي سميره كالتلي بيوم الي يطلع اربعين بيبيتي ابيع البيت وما اريد اشوف خلقتج ؟
صدك تحجين ؟
اي والله واني قررت اروح لعمومتي حتلو خدامه الهم اصير ...
شمس شتحجين ليش تخبليني انتي ؟؟؟
هو هذا الي يصير وانتي ارجعي لرجلج تره محد يتحملج وعظم ابنادم ثكيل ....
ضليت صافنه احسها متعذبه ورايه صح حنه نتعارك وي سميره ومصايح وغلط وشتايم ونوبات توصل نتضارب بس من تنفض السالفه نرجع وحده تحجي وي الثانيه احنه ومره خالي ومو معناتها تذبها بلشارع مستحيل .
رحت الها حاجيتها صدك هيج كايله لشمس ...
اي صدك ...
ليش خطيه شجاج انتي والزمن علينه ارحمي حالنه هم وراج بنات انتي ...
اني ما اعوف بناتي واروح اعرس جا امجن من راحت عرست ما عرفت تضل فوك روسجن شسوي بيجن اني شبعتني قهر روحن جفني شرجن صار عمر متحملته على حسابج ماجد هسه شكو بعد ...
لتحجين على امي راحت لرحمه الله يعني لا العايش مرتاح ولا الميت يخلص منج دخيلك الهي منج ...
شوفي عندي حل من الاثنين يا تاخذ اخويه سجاد يا تروح لعمامها وتخلصني !!
يا سجاد هذا الرجال الشايب ...
اهم شي يسترها ....
ليش شنو خلصت الزلم وشبيها بايره وتاخذ واحد عمره بلخمسين ...
خل تولي لهلها جا متروح منو لازمها ....
اني راح اكل لخالو خو ماكو هيج حجي ....
.
رحت اركض لكيت خالي كاعد بلاستقبال . خالو ترضه بلي جاي تكوله مرتك يعني احنه بنات اختك واختك الوحيده وهيه راحت لرحمه الله هيج تسون ابناتها هيج يعني ...
شكو خالو شكو ...
سولفتله عن الحجي الي صار جان يكلي لاااا اني راح ازوجها لابن صديقي ولد حباب وابن اوادم واني هم ما دايم الجن خالي وحملي ثكيل ...
خالو على شموسه حملك ثكل شتريد على هلاكله هلكمه الخبز شنو القصه ...
ما تحتاج ملابس دكتور ...
خالو اني مستعده كل سنه اجهز الها ملابس وفلوس كلما اجي اخليهن لدكتورها هاي في حال اذا احتاجت بس لتزوجها خطيه بعدها صغيره ...
خالو بنيه لا قرايه ولا كتابه منو ياخذها بعد بهلوكت ...
خالو والله بس حجي هسه مو اني اخذت صيدلاني ؟؟؟
