وهذا اخر بارت انتظروني ليوم الخميس انشاء الله ...
لعنة الحظ ...
زينب علي ...
فهد : اول ما صحت امير وكتله عليها حسيت بكبر المصيبه الي سويتها والي اقترفته خطأ واريد طريقه اكله مو عندي .
اخذت نفس وكلت ميخالف رجلها هو يتحملها احسن ما اخسره .
سميه صارت كبالي كتله عليه ابو وسام ؟
فهد : اي سميه الرجال اجه ويريد يشوفج احجي ويا
..
طاحت دمعتها من عينها وتبللن رموشها لزكن الفوك والجوه تحاول تمسحهن باديها الناعمه . واني واكف كدامها اريد اصلب طولي ما اكدر . احمرت وجناتها من البجي تبجي بسكوت خرمشت روحها وخرت ايدها كتلها اني وياج لتخافين بس خل يشوفج ...
ما اريد اشوفه ابد . الله يخليك هذا اخر طلب عندي واني بعد متشوف وجهي احلفلك بغلاه امي بس خلي يروح . واني اطلع ...
يبنت الناس اسمعي كلامي وتعاي وياي ...
لااااا الله يخليك . كعدت ع الكاع تتوسل بيه ابوس رجلك ابو وسام احسبني اختك و واكفه بشاربك ما اريد اشوفه ...
وعد مني ما اتركج اذا جان الج حق اخذه من حلك السبع هسه لو مو امير بس انطيني مجال . واثبتي هلشي كدامه ..
جاوبتني برجفه صوتها وحسيت جسمها كله يرعش . طب وياي الله يخليك لتعوفني بداعه ستر خواتك لتعوفني ....
طبت وياي . للاستقبال
امير : ممكن احجي وياها ع انفراد ...
راح اجيب مي واجي يمكم ثواني بسسس واشرت لامير كتحذير وحته تعرف سميه اني متركتها ..
شويه وصار الصايح للستار .
رجعت ها
سميه : هذا واحد حقير سافل الله لا يوفقك ....
فهد : سميه روحي اطلعي ...
امير : فهد اني صاحبك والي وياك شغلات حلوه . لتغلبك العواطف ...
فهد : شنو صاحبي . صاحبي تلعب على بنات العالم .
امير : هاي مرتي وين لاعب عليها ...
خزرته حيل مرتك تاخذها من بيت اهلها اني بايدي راح ارجعها واذا جنت صاحب حق انطيني مهله واني اجيبها الك ..
امير : هههههه فهد عجبتك سميه مو ؟ حجاها باستهزاء كأنو يكلي هو هذا نوعك المفضل بلنساء اكيد مراح تتركها ...
فهد : جاوبته بكل برود شافت الفرق بيني وبينك وعرفت منو بينه الرجال ...
امير اشتاط غيظ وفتح عيونه بقهر وحسيته راد يتخبل لزم المزهريه وكطفها ع الباب ركض فتح الباب جر سميه من شعرها وبده يضرب بيها .
لحكته ضربته براسه وسحلته سحل .
روووووح وخلي لنفسك ذره كراااامه . لك كااافي اكلان خره .......
