لعنة الحظ ....
زينب علي .. .
يلا فدوه لعينك ما لكيت الهم مكان ...
سميه لتلحين جاي اكلج جاي ادور ....
اي يا امير شنو ادور مو صارلك كومه اختي اشتاقيت الها والله . هسه بس الله اليعلم بحالها وين ....
لتلحين لمن الكاهم اكلج ....
خل اني اروح الله يخليك بلكي الكالهم طريق ناس تعرفهم اسال جوارين يعرفوهم فدوه لعينك ....
جاي اكلج لااااا اني لمن الكاهم اكلج بيهم .
عافني وكام ضايج ومن هذا اليوم امير قل تواجده بلبيت كام يوميه يرجع متاخر واني ضليت بس اكل بروحي نزلت لعمتي . ماما حبابه كولي لامير خل يشوفلي مكان اهلي والله راح اتخبل عقلي ما ضل براسي راح املخ روحي والله كل ساع اريد اشك اهدومي يوم فدوه اروحلج شوفيلي حل كلبي جاي يتكطع على شمس ....
الله كريم ( حجتهااا ابروووووود قاتل )
صعدت اركض للسطح ربي بجاه حبيبك المصطفى نجيني ونجي اختي من كل ضيم . الهي ضاقت بيه الدنيا وانت ارحم الراحمين . جان حديثي مع الله حديث عبد الى سيده
استمريت بمناجاتي ايام وليالي وشهور جنت انتظر يوصلني خبر منهم على كد ما بجيت وتحسرت جنت اتوقع الله راح ينزلي ملك او جن يخبرني بحاله شمسس . احجي والكلام يطلع من كلبي مو من لساني تحملت برد الشتاء واني صاعده فوك السطح البرد يكص العظم واني ما جنت اهتم بشي جنت اكول مطر وابواب السماء مفتحه بلكي الله يستجاب دعائي .
الى ان فد يوم الي طبيت من السطح ناكعه من فوك ليجوه وارجف من البرد .
شافتني ام علي ( العامله ) كامت تصيح : ياااا امير ام امير شوفي سميه ترجف .
اجتي ام امير تركض شبيها .
شفتها باوعتلي وخزرتني وبعدها محسيت بلدنيا شنو
لمن كعدت جان امير واكف على راسي ويمسح بشعري .
امير :شبيك حبيبي .
بصوت ضعيف : اني وين ...
امير : ليش حبيبي توكفين بلمطر .
جانت عيوني كوه افتحها وشفت الممرضات يباوعن اليه ونص يباوعن لامير سديت عيوني ما حسيت بس بلضلام الي داخل جفني حسيتها صارت الدنيا ليل ناجيت ربي.
ربي اني مسني الضر وانت ارحم الراحمين . ربي اني مسني الضر وانت ارحم الراحمين .
وعلى هلترتيله نمت . لحد ثاني يوم كعدت على صوت اسمع وحده تكل للثانيه حظظظظظ وبخت شوفي رجلها من البارحه لليوم مراح هاي تاخذ دكتور امير والله ولا لايقه بي ابددد .
الثانيه تكلها شيلي عيونها وذبيها بلزباله . ...
هههه يلا حظ الزركه .
