لعنة الحظ ....
زينب علي ....
فتحت الباب وفتحت الضوه شفت فاديه واخويه مهند نايمين سويه بنفس الفراش .
(كل الي اذكره بهذا اليوم جان :
صحت بصوت عالي : هاي شنو هااااي شنووو .
صاحت فاديه فهد اسمعني الله يخليك .
كلها على صوتي كعدت وصعدت فوك للغرفه مجان عندي عقل بوكتها ولا حته تفكير ركضت على الجرار مالتي سحبت المسدس .
ضلت فاديه تبوس برجلي سامحني والله هو جبرني وغصب عني والله غصبا عني ...
بفراشي يا كلبه يا حقيره يا ساااقطه بفراششششي لججججج .
الله يخليك والله غصبا عني يهددني يكتلني ويكتل جهالي ...
لو كاتلج ارحم جان ع الاقل متي شريفه جان ع الاقل انقهرت وراج ليشششش هيج ليششش .
اسفه اسفه والله اسفه سامحني البشر يغلط ....
واني مو الله حته اسامحج ....
ضربتها طلقه وضربت مهند الطلقه الثانيه بدون مينطق ولا كلمه كل الي كاله سامحني . جاوبته راح العنك عمري كله وتفلت عليه وهو جان يشوفني والدم ينزف من ركبته .
خابرت اهلها . شكو غير نعرف ابو وسام صاير شي ...
تعالو وانتم تعرفون ...
اجه ابوها واخوها وامها ....
هاي بتكم اخذوها نايمه بحظن اخويه لكيتها ...
ابوها بسرعه اول ما شافها وكع بلكاع . وامها طبت تركض لغرفتها مثل المسودنه وتصيح فااااااديه ليش هيج سويتي ليششششش .
صيحت على بصوت عالي محد يصيح ابيتي نهائياااا وبلاخص على هاي الكلبه ...
اخوها ضل وي ابوها يفتر بويه اكعد بويه يكعد بي .
عفتهم وكعدت ع القنفه احسب حساب لسنوات عمري الي راحت حب عمري كله .
دللتها دلال غمري ما رخصت الها طلب وعمري كله ما شافت عيوني وحده غيرها ...
يا حسافه سهر اليالي اتكر ايام حملها جنت اصعد ابها الاكل مدللها مثل الطفل اوكلها بيدي هيج تالي اجازيني وعلى فراشي .
شتذكر لو اتذكر اخويه الي ربيته بيدي اول واحد شاله بيده اني حته كبل ابويه .
طفل واني شلته جنت اركض وراه بلكليه عبالك طفل مضيعه اخاف عليه من ولد الحرام خاف يشرب جكاير ويتعلم تالي الاخ يغدرني وطلع يزني وينام وي مرتي . اباوعله وكلبي نااااار ليش هيج يا خويه ليش ليش كسرت ضهري ليش
اسمع صوت امي تبجي عليه . مدري على ابنها الصغير والله ما ادري بس كل واحد ومصيبته شكل خطيه مره جبيره تمرمرت
