لعنة الحظ ...
زينب علي ....
ما انام ابد ....
لج بابا نامي شبيج ....
راح يحركني . جسمي جسمي يموتني جسمي يوجعني ....
تعاي يمي ....
شنو ....
تعاي ولتخافين ....
نامي ع الجربايه ...
اني دايسه مبينه ؟!!!
اشرلي فهد باصبعه بلهجه تحذير : الساعه ب ٢ بلليل واني اريد انام وباجر ورايه دوام وانتي تكليلي دايسه !؟؟؟؟؟؟؟؟
لا قصدي جن عاشق ...
شنو هلتخريف هذا؟؟؟ شنو هلهمجيه !!!! هلجهل هذا !!!!انتي شنو ؟؟؟؟ من اي عالم !!!! نامي ع الجربايه واسكتي ...
لا شكرا ما اريد اضايقك !،....
نااااامي على الجربايه ....
لاااا ....
جا لتضلين كل ساع طافره ورايه دوام حبابه بنيتي . حجاها باستصغار ...
نمت جوه وذبيت روحي بعد ما حسيت بلدنيه طشت لو رشت بس تذكرت اخر كلمات كلي راح اقفل الغرفه انتي ونايمه مو اجي الكاج متخبله .
واستحوذ عليه النوم بدووون ان يطرق ابوابه ومرة هذة اليله كلليله سجين في التعذيب وينتظر حكم الاعدام بحقه . تشوووويش صراااخ الم صوره قديمه ذكريات بحق الطفوله ذكريات لزواج فاشل مع مستقبل مهمش وغير معلوم . وكأنني اطفو فوق بركة من الماء العفن ارى اخظرار عفنها اجمل مما انا اعانيه ....
اأااااااه كم من حظ فاشل تلك لعنة اصابت احوالي .،...
جان بوكتها من اسوء صباح عشته بحياتي صباح كئيب .
بحيث كل ساع اتخيل امير يمي . امير لحظه وحده ما فاركني
كاعده بلغرفه ومنتظره امير يجي يسحب روحي . واباوع ع الساعه لحد مصارت الثنتين الضهر انفتح الباب وطبلي ابو وسام .
ملامح وجهي ابتهجت مثل واحد مسجون واجا الفرج .
سلم رفع ايده وخله علاكه الاكل على الميز . وطلع ورقه من جيبه وكام يقره
واني كمت طلعت اللفه واكلت واباوع عليه حاط ايده على رجله مثل واحد متخصر .
وجان وجهي الكلام : هذا امير رافع دعوى الطلاق وموكل محامي لتكميل الاجراءات بسرعه اذا جنتي موافقه ...
اي موافقه طبعا ....
ماشي خل اوكل محامي بلقضيه حته تكون سريعه ...
واني هم كون لازم اروح ...
حسب علمي اعتقد لو مره لو مرتين ....
ليش ؟؟
ما اعرف بس الي اعرفه لازم تمرون ع الباحثه الاجتماعيه ولازم يسالج القاضي وبعد هواي شغلات ...
يعني شنو باحثه اجتماعيه وعليمن يسألني ....
باحثه هاي لان تريد تحاول تصلحكم ويسالج عن رايج طبعا ...
