لعنة الحظ ...
زينب علي ....
............
تروح وبعد يومين تجي تروح وبعد يومين تجي . يوميه معدلتلها شغله بلتصميم وتجي هااا ابو وسام شنو رأيك ...
عيني على فهد . يباوع بطرف عيونه اي عاشت ايدج .
شكرا ابو وسام . هسه حنقله الك
وضلت على هلضيم شهر كامل يوميه رايحه وراجعه .
واني مخيطه حلكي حته لا اخليها تعشعش بمخه وانوب انبه عليها بلزايد ...
طلعت بحركه وكلب من الاستقبال مشتغله كلما تجي بت الكلب هاي ...
اخر شي بعد ما اتحملت كعدت بنصهم . وهيه تضايقت من وجودي حسيت بيها . انتظرتها لمن طلعت .
كلت لفهد ... يعجبك بعد ما افوت يمكم ....
شكو ...
احسن حته تاخذ راحت وتحجي بلانكليزي ..
لا عيني ضلي على كلبي اني اريدج تضلين .
ليش دتحس بيها مو طبيعيه ...
اني الخفيفه ما ارتاح الها . عموما هو هذا اخر مشروع لاكيه عقد بلاعمار ...
اي يا الله والله نذرت لام البنين بس اخلص منعا ومن شوفتها الوبشه ....
ميخالف حبيبي ولا تهتمين تعاي بحظني .
شبكني فهد لعبت روحي من ريحته . استحيت اكله .
عفته وكمت تعاي ...
لا ما اكدر هسه اجي . رحت للحمام تقيأت حسيت راسي كام يدور بيه دوران . شويه واجاني ها عيني شبيج ...
اول ما اجه هم رجعت للحمام .
فهد مروتك روح . كلما اشوفك اتقيء ....
عافني وراح وصار الي فهد بعبع . موقت كلما اشوفه اموت احس الغرفه تنملي بلعطر مالته الي كمت ما اطيق اشوفه ولا اطيق اسمع اسمه .
خل اخذج للدكتور سميه خو مو تضلين هيج .
جاوبته واني نفسي تلعب : بس وخر والله هسه اصير زينه ...
ها خوش . هيج صرت انوب اكرص ....
فهد دوخر الله يخليك والله لعبانه روحي وانت تجملها ....
عافني وراح رجعت نمت . شلون ايام كضيتلي ٨ ايام اني نايمه بلفراش اتقيء الي اكله وبس اشتهي اللبلبي .
اااخ فهد اذا تحبني جيبلي لبلبي ....
واني يوميه اجيبلج لبلبي فشله من الرجال هسه شيكول ....
شيكول قابل ....
هسه يكول ما طكت بطنه من الغازات وانتي شنو فلمج دمشي خل ناخذ تحليل خاف حامل ....
لا مو حامل ...
شمدريج ....
مريضه والله هيج معراض هذا قبل فتره اجتني ...
