لعبة الحظ ...
زينب علي ...
بعد حادثه بغداد الي كضت طول الطريق اخزر تماره كلت اله اخليها تحس بنفسها شكد بزمهانه .
وبلفعل ضليت اباوع الها برفع حاجب . وهيه كامت تصب عرك من الخوف
طبيت للبيت تلكتني امي : ها يمه شلونك ..
عايش شلوني يعني ...
الله يطول بعمرك يحبيبي شعندي غيرك منو الي غيرك يروحي ...
تاج راسي امي الغاليه ...
ذبيت سويج السياره مال الدائره وباكيت الجاكير ع الميز
اكول يوم وين حوراء ...
يمه ما عرف وين فوك مكنبصه ....
و وسام ؟....
وي اخته يركض وراها بس يووون ..
كت تاخذلك مره ييمه ...
يمه سدي الموضوع لخاطر ربج ....
اخذلك وحده جاهله ...
يمه اطلع احجي كليلي تردين بعد متشوفين وجهي . وحق ربج هسه اعوفج واطلع ....
غير كلبي علييييك ....
عفتها وصحت بصوت عالي حورراء بابا وينج ...
نزلت حوراء عيونها بنكره جنها وحده تتعاطه مخدرات . خبلتني .
بابا حبيبتي ليش مترجعين للمدرسه .
ما اريد ...
زين بابا شنو بفسج اسويلج ...
اريد اروح ازور كربلا ....
تذكرت اخر مره اخذتها شلون جان وضعها . ما اكدر بابا خلي بيبيتج تاخذج ...
ما اريد بيبي بابا منا لهنا اتيه ....
وضعي مو مال زيارات بابا تعبان الله يخليج ...
عافتني وراحت واني اشوف جسمها شلون صار هزيل ضعفان حته عضامها بارزه . كسرت خاطري .
بابا سويلي ركي بطريقج ...
اي صار بابا ...
شويه واجتي جايبه صينيه الركي . اكلت شويه وغفيت .
*
طبيت للغرفه وحوراء لكيتها بحضن واحد . صحت بصوت عالي لااااا فزيت من نومي.
عركان خوووف مو حلم جان لا حقيقه ركضت لحوراء .
شبيك بابا .
بابا حاجيني شبيج ...
جاوبتني بعيون متروسه الم . والله ما بيه شي .
طلعت من غرفتها واني رعب مالني ضليت ارعش كلي من فوك ليجوه
وبديت انوب كمت خففت من هلموضوع بديت امل من النسوان وسوالف الشرب والعربده وضل بالي كله ابتي خوراء خفت لا الله يبتليني انوب حوراء تطلع على امها اخذت عهد على روحي بعد ما اطخ اي مره لو اموت .
تركت كلشي ورايه وضليت احط النقاط ع الحروف خلصت من مصرف الشرب الي جان بحد ذاته هاجمني وبديت افصل بديوني ووكفت على حيلي مره ثانيه بدون مساعده من اييي احد وقررت اقضي الي بقه من عمري وي بتي وابني اكبرهم اعلمهم اتقرب منهم .
وسام تقبل ورحب بيه اول ما دخلت حياته كمت اسولف ويا واخذه وياي وين ما اروح اتقبل وجودي بحياته بسرعه .
بس حوراء لا . ما كالت بس حسيت من تصرفاتها متريد واحد يحاجيها .
جنت اتجنب اضوجها جنت كل شويه واحجي وياها وانيي ما اعرف احجي وي البنيه فكل ساعه اجفص بكلمه واطلع اتندم على الي احجي .
مره سالتها بابا هم تحبين ؟
هيه باوعتلي بعيون مخنزره وكالت ما اتوقع اكو حب بهلدنيا هاي .
اني بوكتها ودي املخ روحي طلعت من غرفتها مثل المجنون ورحت لامي .
