لعنة الحظ ...
زينب علي .. .
.
.
.
كومي كوووومي يلاا ...
فتحت عيني واشوف سميره واكفه عفى راسي ...
اي كمت ...
يلا عيني سندريلا كومي .....
شتردين ...
الرجال جاي عليج ...
يا رجال ؟؟؟!!!!
الي يريد يجي ياخذج ....
منو هذا ....
هذا ابو وسام غير ....
من الصبح ..
اسالي خالج متفق ويا ...
متفق لو بايع خالي ما صدك لكاله واحد يقطه ....
اي خوش جا شنحصل منجن غير القهر ....
.
.
طلعت ولكيت خالي واكف بعيد باوعت لفهد عيونه سود صايرات مبين منايم تذكرت اني البارحه الي صار .
حته وجهه مفرحان سلمت واني لابسه عباتي .
لكيت خالي يحاجي و وجهه كانو متضايف من تصرف فهد بس ميكدر يحجي لان هو قابض فلوس بيعي .
يحجي واديه على شواربه ويمسح بحلكه الي يلعب الروح وكلام كانو يتوسل بفهد : ابو وسام ع الاقل يجون اهلك ....
فهد بصوت صارم : ميحتاج خويه . اني وي اهلي مو على وفاق واذا تردون كل شهر اني ادز سياره تجي عليكم تجيبكم لبيتي وتجون وتره مو كلها سويه ...
كانو صدم خالي وميكدر يحجي لان طمعه غلبه وحتذا مو مسأله طمع ميكدر يتنفس اذا تصرف عكس الي تريده سميره غير حته تشكه بلنص . بس شنسوي هاي الخوال . الي كلشي ما استفادينه منها . باوعلي بوجه كانو يريد يبينلي انو هو تصرف تصرف صحيح .
ها خالي حظري روحج تره الرجال شاريج .
باوعتله بوجهه مهضوم . : جاهزه .
مشه خالي وطبب الشيخ وعقد النه واني انطيت الموافقه .
اني لحد الان مجاي احس بثوره الحب الي جانو يكولون عنها العشق المميت الي مستعده اضحي على حسابه الي مستعده اتلقه الطلقه بكلبي ولا تجي بي .
ما اعرف مشاعري مشوشه .
اول ما طلع . كال تروح وياي سميه .
خالي ماجد : غير تكمل عقد المحكمه يلا تاخذها ....
فهد اني اكمله بلعماره مو هنا ....
خالي : اي ميخالف كمله بلاول يلا تاخذها ...
جان كلام خالي صارم واني متاكده خوفه عليه لا ارجع مطلكه وبدون فلوس مهر اكيد لازم ورايه جمده قويه نفس جمده امير .
حاول ويا فهد وكله محتاج فلوس . صفن خالي محتار شيجاوب ما يكدر يكله لا خاف تتصنت سميره ع الباب ومن يروح تموته لان ما قبل ياخذ وبين اذا اخذ فلوس من فهد يعني معناته قبل اروح ويا .
وبهلاثناء طبت سميره .
