يعني ممعقوله اطلب التصويت بعد هاي السنين وكل مره اكول صوتو صوتو علقو علقو واذا متقدرون تعبي حرامات القصه تنظلم اذا مو على حسابي فلقصه حقيقيه ليش حته ميوصل مستواها . ممعقوله بس ثنين يعلقون !!!!
لعنة الحظ ...
زينب علي ....
مشت السياره مسافه طووووويله لمن انكسرت ضهرنه وصلنه بلليل كلش . اول ما طبيت كالت ام امير ماما انتي متنامين بغرفتج هسه لان احنه نريد عرس جبير كلش نعزم بي اهلنه وناسنه فانتي راح تنامين بغرفه الضيوف علما يجي باجر نوديج لصالون راقي وبدلات حاجزين الج كلش حلوات لان بعد تعرفين ابني صيدلاني وجماعته هواي ومعؤوف ميصير نسوي عرس مختصر ...
بكيفج خاله شنو الي تشوفي عادي ...
.
طبعا اني اول ما طبيت ما شفت اي علامات العرس ولا كأنو احد متزوج عدهم واضافه الى انو البيت فله فخم بشكد والاثااااث فد شي .
.
شويه واجه امير ...
شلونج عؤوستي ...
نزلت راسي بخجل : الحمد لله ...
حضري روحج باجر نسافر لتركيا
اي صار ...
ثاني يوم ودوني للصالون الي متفقين عليه وجان تجي امه تكلها اريدها تطلع مره ينحلف بيها اليوم لان هاي مره اموري الغالي ...
وبلفعل رسمتني سوتني لوحه ابدعت بوجهي طلعتني بملامح مو طبيعيه اصلا غير اني وحده ثانيه . اما البدله خوووو اشرررد جايبيها من الكويت فد شي والحذاء كرستال لبست وطلعت ما ضل واحد ما فقد عليه وكل الي يشوفني ياسلها ام امير وين لكيتي جنتج من يا جنه جبتيها اكيد حوريه .
والي تشاقه وياها تكلها متطببيها بنص مجموعه زلم نشوفهم يكصون اديهم لو لا .
وصار الحجي اشكاااااال .
خفت لا باجر هم يجون ويلكوني على الحقيقه وعبالهم مبدليني .
كلت لخالتي ام امير بضحك خاله خاف باجر الناس تجي ويكولون بدلتوها ههههه..
ههههه ولا يهم ماما انتي بلحقيقه احلى ...
وصار العرس دك وركص وهكص بدعن النسوان بلركص .
زفوني للفندق وطبيت وامير ويايه والضحكه بحلكه .
شلونج حبيبه ...
نزلت راسي الحمد لله ...
يلا حبيبي كومي نامي حته باجر نروح لتركيا ...
انشاء الله...
كمت بدلت ولبست سيت نوم ابيض ابو الريش جان بوكتها ستوه طالع موديل الريش .
ونمت بصفه وهو ضل يبوس بيه ونومني بحظنه اني كلش استحيت .
امير : سميه ...
ها عيني ...
تكدرين تحبيني ....
جا ليش ما اكدر شعندي غيرك .
ضلين العمر كله وياي ...
انشاء الله جا اني ليش متغربه وجايه وعايفه اهلي وناسي ...
