لعنة الحظ ....
زينب علي ..
♡♤♡♤♡♤♡♤♡♤♡♤
بنفس اليوم الي رجعنه بي . صعدت خوراء بلصدر . اني باوعت لفهد . هو مباوعلي . وصعد واني صعدت وره .
التفت الها بكل هدوء كومي بابا حوراء كعدي وره ..
نزلت بتأفأ متكدر ترادد . وهو حول المرايه عليه واشرلي بسرعه تعاي هنا ...
نزلت . فضيها يلا ..
اي فهد شنو القصه ...
صعدت واخذنه طول الطريق ساكتين وحته وسام الي يكسر خاطري واخاف اتقرب عليه من وره اخته وكمت اتبع وياهم اسلوب اللين .
بلطريق جاب فهد عصاير وانطانياهن من الجامه . وزعتهن وكتلها هاج حبيبتي ...
شكرا ما اريد ...
حوراء احنه مو اتفقنه انصير صديقات وانتي قبلتي ...
انتي متحبينه ...
منو. كلج حبيبتي هلحجي منو كلج . والله اني كولش احبج كتلج والله اني مكطوعه من شجره وما عندي بس اخت اكبر منج ب ٦ سنوات ليش متخلينه صديقات اني وياج ليش بس احسج ثايره ٢٤ ساعه ...
جاوبت ما ادري ما اثق بلعالم ...
شنو قصه الثقه . اني مو راحه لو انتم مرضه نفسيين .
جاوبتني بمرور الايام احتمال اتقبل وجودج كزوجه اب ....
مره ايام وحوراء ما استخدمه اسلوب عماتها وياي بلعكس رجعت زوينه وفهد وياي ااأاه يا فهد
جانت بدايات زواجي احلى من الشهد . احلى من اعسل ماكو عروس شافت الي شفته من فهد بكل شي هدوء رومانسي .
جان فهد يتمتع للسحر والجاذبيه الي يخلي اي مره يمكن توكع بفخ حبه . وهذا الي خلاني اتحمل وضعه وطبعا الي هم مستحيل مره تصبر ويا.
سبحان الله ابن ادم ميخله من عيب. شكد ما هو رومانسي وياي وعشق عاشقني بجنون . اله هو يدور ورايه خاف ضامه عشيكي بلحمام لو بلكناتير . هيج توصل بي المرحله .
يجي من الشغل يدور .
هاااا فهد عليمن ادور ....
شنو عليمن ادور ....
انته اول ما جيت من الدوام ادور عليمن فايت للحمام وللغرفه والاستقبال سويتله جرد عليمن ...
هيج دايخ وافتر اكو شي ...
ما دورت بلجرارات لو بلقواطي مال الشكر خاف مضموم لو دور بكواني الطحين خاف مختلته بيهن . ...
بلا لغوه زايده . شمسويه غده ...
وكل معتاد احجيلي حجاياين ويا ويا الموضوع لان ايست اثبت اني شريفه اله : هسه حتستوي السمجه
استعجلي حبابه تره وووواكع من الجوع ...
ربع ساعه بس ..
كمت حظرت الزلاطه وكملت وانتظر بلسمجه شوكت تستوي واندكت الباب ...
