لعنة الحظ....
زينب علي ...
الشك قاتل قد يصب صاحبه بلموت
الشك مرض مميت .
خبيث لا يمكن التحكم بيه .
الشك لعنة يصاب بها صاحبها .
الشك يؤدي الى الجريمه ويورث الندم .
......
استمرت حياتي خلال هذا الشهر بقتل وقت فراغي الي جان يملي عليه فهد بحمل الاشغالي الي جان محملنياها .
الي جنت اعرف شنو سبب هلكراب الزايد حته لا التهي عنه واضل افكر بحاجات اخرى ( كلجنس مثلا )
وجيات فهد المتخربطه للبيت يوم يجي ب ٨ يوم يروح للدوام وره عشر دقايق يجي بحجه نسه محفظته ويوم يجي ب ١٠ يوم يجي ١ يوميه فلم اله ويوميه وقت يجي بي .
وهلحاله ربطت اديه ورجله وصرت فوك ثقتي المهزوه بنفسي صار عندي خوف من اي رقم يدك عليه حتلو حان خطاً .
اما اذا اتصل وفهد موجود بلبيت يضلن رجليه يرجفن رجف من وحدهن .
جيات فهد للبيت وتدويره عن عشيقي المعشعش بمخه زادتني خبال يوم عن يوم . الى ان طكت الخوصله عندي . بعد مرور ١٩ يوم من المده الي انطانياها فهد .
شدور فهد ....
ما ادور ليش ...
شعندك بلحمام ...
وانتي شيخصج ...
شنو فهد شبيك ، ليش هيج تغيرت ، فهد انت انسان ثاني ، والله لو يرجع بيه الزمن ما اقبل بيك ...
شبيج بابا شبيج ....
بدموع حارقه : انت سبب كل معاناتي . حبيت اعيش وياك بروحي وجاي تكتل روحي . ما استاهل الي جاي اعيشه وياك شبيك مراقبني مثل الحراميه شبيك ...
ممراقبج بابا شبيج انتي ...
وخر عني لتشبكين يلا . ما اريدك شنو قابل اني ما افتهم مروتك فهد اعتقني لوجهه الله اذا تسوي هيج تخبلني .
عافني وراح كعد كدام التلفزيون اني رحت طبيت للغرفه . وهو وره شويه اجه سميه سميه .
مجاوبته ..
زعلان ...
طفرت من مكان لتكول زعلان كول زعلانه؟؟؟ اني نو رجال . لو انتم الزلم كولكم نفس الطينه ...
بسم الله لسان دلاله ...
لا مو دلاله اذا معاجبتك طلكني ....
تره اني اجيت اريد اعتذر الج ....
عن شنو تعتذر فهد عن شنو . هلشي مزعج مقيدني ما اكدر اقدم شي مو على طبيعتي جاي اصنع اني ....
اني اسف وحقج عليه ....
ههه خوش شكرا جزيلا ....
تعاي يمي ....
تقرب عليه حاوطني بأديه حسيت بدكات كلبه . سمين دتسمعين كلبي ،...
ايي ...
