لعنة الحظ ...
زينب علي ....
بعد كل الملابس الي اشتريتهن وضميتهن والاحذيه الي ما اعرف وين البسهن نمت واني فرحانه وطايره من الفرح بلملابس وداعي الله يخليلي فهد العمر كوله وميحرمني منه . وان شاء الله حياتنه من احسن الى احسن .
ثاني يوم الصبح رحت للمره الارمله الي هيه جان اسمها ام ايه .
سلام عليكم ....
هلا يخاله تفضلي ....
بعد عمري خاله لا والله هنا مستعجله زوجي ما يقبل والله . بس ردت اسالج متندلين صالون زين هنا . .
والله خاله اكو واحد اسمه ست الحسن و واحد اسمه بيادر واشكال بس ما اعرف ياهو الحلو ما رايحه بس ناسنه تكول شويه هاي مره عجميه جايه يخبل شغلها حته تاتو تسوي حلو وجديد ....
زحمتج خاله مشكوره ....
الله وياج ييمه ...
طلعت وعفتها . ام ايه مره ارمله عدها ٣ بنات وحده خريجه هندسه الي هيه ايه الجبيره . والثانيه بلجامعه والثالث سادس علمي . وهذا كل الي اعرفه عنهن من اول يوم اجو لبيتنه وجابو النه العشه ....
طلعت من البيت رجعت وي فهد الي جان واكفلي بلباب .
ها بشري شكالت .
اشو تكول وحده عجميه هنا شغلها حلو وادك تاتو ....
لا منريدها ادك تاتو . صالون ماكووووو ....
ها وحده اضن كالت البيادر ....
خوش هسه اسال وينه واخذج اله ....
بكيفك ....
طبيت بلبيت وهو عافني وراح . كمت حظرت الغده وحوراء ويايه . شويه واندكت الباب . منو ..
صوت مره . اني ...
منو حظرتج . اني اسال عن بيت ابو وسام .
منو انتي .
اني اخته .
فتحت الباب واجتي حوراء شلونج عمه ....
وسام هم اجه ها عمه شلونج .
طبت وضلت تباوعلي .. منو انتي ؟؟؟!!!
اني مرة ابو وسام ...
شنو ....
اني زوجته ....
حوراء : بابا تزوجها اسمها سميه ...
ايمان : فهد وين ....
سميه : هسه يجي ما ادري وين راح ما اعرف منو ...
باوعتلي بنضره حقد حسيتها من عيونها كانو مستكثره عليه فهد . ودارت وجهه لحوراء كأنو مسمعت حجايتي . حوري عمه وين ابوج ...
ما اعرف عمه وين راح ...
بعد مرور لحظات اجه فهد . جايب ويا مسواك . وي طبته شافها صاح بعلات صوته اهلاااااااااا هلا بلغاليه شلونج ...
