البارت قصير البارت قصير البارت قصير . شبيكم اكلتوني بكشوري .
والله مدا الحك عندي طفله صغيره يا دوب اكتبلي كلمه كعدت قدرو وضعي والله صعبه عليه .
يلا هلبارت للي راح يموتن .
وانتظروني بلبارت القادم عود هاااا😡
لعنة الحظ ...
زينب علي ...
........،.
سميه . .....
جنت لما اشوف فهد يوميه يسالني اكول مستحيل يصدكني واسال روحي اكول يا ترى شكايل امير هسه عليه شمطلع من اشاعه وخايفه لا يجي يوم فهد ويسلمني اله .
اصعب مره جنت ستوني غاسله وجاي ابدل طب فهد للغرفه فتحها بسرعه شافني وبعدين فتح عيونه على وسعهن وصاح بصوت عالي خرب يومج بهذا اليوم كلش استحيت منه وتذكرت امير يوم لبست روب النوم وطبيتله للحمام تخبلت يا ربي خلصني منه يا الهي . ورع شويه دك الباب وصاح تعاي بسرعه . جانن عيونه يحجن شي ما اعرف ما اكدر افسرهن .
امير من اول يوم واني ما مأمنه بي . اكثر من سنه واحسه رجال مو طبيعي ولا مره ارتاحيت ويا حته ما جنت انام ابيتهم ابراحه نهائياااا . بينما يم فهد من اول يوم احس براحه صح جنت بقلق لا يسلمني بس لا اخسه رجال طبيعي عكس امير الي لحد الان اتوقعه اما بي مس هو وامه لو عنده انفصام بلشخصيه لو بي جن ما اعرف بس امره ابدااااا مو طبعي .
صاح البنته اسمها حوراء البنيه عبالك فلعه كمر تخبل البياض ثلج والشكار والشعر الحرير والنزاكه عبالك نازله من الجنه رحت وياها وهيه ضلت تشرحلي هاي غرفه بابا وعاي غرفه بيبي وهاي غرفتي اني مسؤله عليها اني وغرفه اخويه اني انضفهن انتي عليج بس الطبخ لان اني ما ادبره واذا تكدرين تضفين الاستقبال لان خاف يجون جماعه بابا ...
سالتها وغرفه ماما وين ؟
جاوبتني الله يرحمها ....
ها خطيه حبيبتي الله يرحمها . مدري ليش اني كتلها عادي نصير صديقات .
يلا الوا اني وحدي عايشه محد يجي ويايه ....
معندج بنات عم بنات عمه خال خاله ....
عندي هواي بس منلتقي بيهن ....
ليش ...
بلعماره ....
كولهم بلعماره ...
اي كولهم بس احنه اجينه للبصره ....
شعجب ...
بابا راد هيج ....
اوووووف اووووف اني هم جنت بكربلا اجت لهنا غريبه ومحد الي ....
وشجابج لهنا وحدج ....
لا ام لا ابو لا اخ لا اخت كلشي ماكو اني ما عندي سند غير بس الله ...
والنعم بالله .
جانت حوراء كلش فقيره وبدت تسولف كانو منتظره احد يحجي وياها واني لحد الان منتظره وسام يكعد من النوم .
