يوميـات زوجيـة 1 ♥️

شروق : ياسر خوف من صبح وانتي متوترة
اني : وووه عليا كيف متبينيش نتوتر خلاص بنموت تعرفي 😭💔
شروق : جربتي تكلميه محمد ؟
اني : لا لا بكل
شروق : طيح سعدك خودي رقمه
اني : بالله هو محاولش يكلمني من جي قري الفاتحة وشكله زي غاصبينه عليا
شروق : مفروض ماوافقتيش من اول
اني : ع قد ما هيما شكره ومشعارفة حسيت بشعور حلو وقت شبحته ااااه امالا وقت جت عبني في عينه😭💔 متتت
شروق : كبدتي ي حيوانة😂
اني : معمري جربت شعور هادا
شروق : امتى بيجي هيما
اني : شن تبيه يشوفك طارحة هكي 😍😂
شروق : مصحك😂 تي وقت صالة
وردة : محلاك يا بنيتي واخيرا بنفرح بيك حتى لو متت بنموت مرتاحة توا
اني : اووف يما شن دوة هادي
شروق : تي متبكيش مكياجك ي خرا هي هيما برا هيا اطلعو
كنت خايفة اني من الاول لان واضح ع محمد ان غاصبينه عليا بالسيف ومترددة بس ع خاطر امي وفي احساس منعني اني نرفض وبالك محمد كان متوتر بس لان امي قتلي انه يتحشم هلبا طبعا كانو معاي خالاتي لما طلعنا من مزين 😍💙 وهديكا زغاريط والجو سمح واني نحب جو هادا بس امي مخلتنيش نهيج تقولي ارزني 😭💔 اووف
مهم مشينا وصلنا ابراهيم ودخلني هو ابصر شن صارلي اول ما خشيت الصالة خفت وتوترت ومعاش قدرت نضحك بكل
بعد شوية هكي خش محمد وباسني ع راسي ياربي كيف طالع بالبدلة😭💙 لن انصدمت معقولة هادا راجلي ي وخيتتي يهبلل وتسريحة وملامح وجهه المتعصبة بعدين خشينا باش نتصورو
محمد : خلاص هكي ساد
المصورة : خدينا لقطتين بس
محمد : وسادات شن نبو بيهم
اني : امممم خلاص ياسر شكرا تعبناك
وقتها حسيت بضيق هلبا وانخنقت حرمني حتى من صور تقول ميتة عليه باش نتصور معاه منحساباش فظ هكي 😒
مر وقت واغاني ورقص واني خايفة لن جي محمد باش ياخدني ع الحوش
طبعا اني بنسكن في حوش اماليه يلي عايش فيه هو وخوته وامه وحناه ام امه ومرت بوه وبوه💙
ودخلوني بالزغاريط اني كنت نبي نوصل للدار ونحي هالخيمة يلي لابستها خانقني
شدوني خوات محمد وقعدنا ضحك واغاني لن ركبوني فوق لداري 💙
وياريتني ماركبت كان قعدت نغني معاهم خير
خشيت وقلبي في يدي الحق كنت خايفة من محمد هلبا بس كنت نتوقع انه حنين وتصرفاته حتكون حلوة معاي 😍💙 بس صدمني
خشيت قعمزت في سرير ولقيته هو مبدل ومقعمز ع صالون يتفرج تقول مش ليلة عرسه
اني : احم احم
معدلش عليا
اني : احممم احم
ومعدلش عليا
خلاص تحشمت وسكرت فمي فتحت شنطة متاعي وكنت تاعبة وهو يشبح فيا نقيم فيها ومدورنيش
كان في شكاير في شنطة بديت ندير في صوت مزعج
محمد : اوووف
اني : ااسفة
محمد : وين بنصرفها اسفة هادي
حي ع ام جو كان نحساب هكي راه عرفت شن نرد لاكن خفت منه شكله قريب ياكلني
خديت توتة محترمة وخشيت حمام بدلت ونحيت تسريحة وخففت شوية مكياج وطلعت لقيته مقعمز نفس تقعميزة
شوية هكي طق باب دار
ناض محمد فتح
هادي اخته ملك جايبتلنا ماكلة😍💙 ااه في وقتها وني جيعانه
محمد : لا للا محد جيعان
ملك : باهي اعطي العروسة شوية
محمد : ملك تخلينيش نفشخك توا قلنا محد جيعان اهي خشيلها كان بتاكل
اني : لا لا الحمد لله
وطق محمد قربع الباب اسملا عليك ي زين مالك
كنت ميتة جوع بس ااه من محمد هادا حرمني حتى من ماكلة
محمد طفى تلفزيون تقول مفيش بني ادم معاه
وجي خدي مخدة من سرير
اني قعدت نشبحله شبحات تاع وين ماشي ومستغربة قصدي مش لهدرجة شكلي يخوف😒
خدي مخدة ومشي تمرقد في صالون
اووف كنت مخنوقة هلبا ونبي نبكي بس مقدرتش خفت يسمع صوتي يجي يهبكني زي مقربع الباب في اخته لا ي وخيتي شخص هادا مفيش لعب معاه
تاني يوم فقت ساعة تسعة لقيت محمد مهناش نهارات وين مشي 🌚💙
ضميت دار وستفت حوايجي في دولاب وفتحت رواشن
وبدلت ودرت مكياج خفيف وجبدت شعري ودموعي قريب ينزلو كنت مكبوتة هلبا ونزلت لاماليه لوطا
وكيف ببنزل نسمع
ام محمد : اووف توا البنت شن تقول يا كبدي هييي من محمد غير ليش ماشي الخدمة
ملاك : اسسس صباح الخير فروحة 😍
طبعا اني درت روحي مسمعت شي بس وجهي واضح عليه ععلامة الزعل وكنت مضايقة هلبا
فرح : صباح العسل 😍
ام محمد : تعالي ي بنيتي قعمزي
قعمزت وهدرزت مع امه طبعا امه طيبة هلبا😍 وتعامل فيا زي بنتها واكثر وجدة محمد كذالك
اخته ملاك حنينة هلبا وتعرفت عليهم وهدرزنا هلبا😍
ملك : ساجدة الماعين عليك
على نزلت مرة بو محمد اسمها " بتول "
بتول : وعلاش بنيتي تغسلهم
طبعا اني استتاكيت قلت خلاص بتصير معركة 😭💔
اني : لا لا والله ماهي صايرة اني بنغسلهم
بتول : لا لا انتي عروستنا مستحيل تغسليهم😍
اني استغربت من ردها الحنين
نزل قصي : صباح الورد يا ورود انتم
ملاك : فاق الكسلان😂
ساجدة : توا مش متحشم واسامة في خدمة ومحمد في....
اني حسيت ان ساجدة سكتت باش متحسسنيش بحاجة فغيرت دوة 😭💔
اني : ااي تعرفت عليكم كلكم الا انت يا قصي😍😂
قصي : اووو مرت محمد😍 طبعا اني الفرح والسرور يلي في الحوش ولولاي اني راه تلقي الحوش مضلم ولا شنو يا امهاتي الثلاثة
جي قصي باس راس جدة وام محمد محمد وامه😍💙
2
اني حسيت بفرحة 😍💙 من يلي شفته عيلة حنينة هلبا غير مستر نكد هداكا يلي ربي طيحني فيه 😒
هدرزنا للساعة 2
اني طبعا نحبش نقعمز او نسكت خشيت مع ملك وساجدة للكوجينة وبدينا نضحكو ونضمو😍😂
وباقي العيلة خشو دارهم بيرقدو شوية لن يجو الرجالة ويحطو الغدي
ملك كانت هادية هلبا وشخصيتها جدية شوية
اما ساجدة فكانت زي جوي 😂ضحك وتلقيح
ساجدة : تعرفي يا فرح نحسابك هادية هلبا احرف من محمد لاكن ي حليلي وخلاص
اني : طبعا امالا شنو السكوتي تحته كوتي 😂
شرين فون ساجدة وطلعت
ملك ساكتة
اني : خيرك ملك الوو😂 وين
ملك : تعرفي يا فرح خايفة غدوا عندي امتحان ومقريت شي ومادة منحبهاش ومش فاهمتها
اني : انتي كلية الطب ولا ؟
ملك : اي عندي امتحان انجليزي خايفة هلبا
اني : متخافيش اني نحبه الانجليزي 😍 بعد الغدي نشرحلك اي شي تمام
ملك : بجديات ؟ 😍
اني : اي
ملك شدتني وحضنتني بقوية
ملك : والله فرحتبني هلبا😍
جت ساجدة
ساجدة : اووو شنصاير بين البنت وحماتها😂 حب حب
اني : غر فوتينا احني 😂 اكيد الكبيدة اتصل
ساجدة : طيح سعدي انتي طحتي في كبيدة زلزال
اني : واعر لهدرجة
ساجدة : ربي يكون في عونك يالحب
ملك : بس حنين راه
ساجدة : خلاص كملنا تطيب خلونا نمشو نتكو وشوية هكي نولو😍
مشيت وخشيت داري
ونحمد ربي كنت جايبة معاي نت
فتحت فايبر لقيت غادة متصل الان اتصلت بيها
وردت 💙
غادة : ي كلبة استاحشتك😭💔 جاية بنبعتلك بعدين قلت اكيدة مشغولة مع حميدة
اني : اممممم ياريت
غادة : خيره صوتك هكي ؟ احكيلي خيرك ؟
اني انهرت وبديت نبكي بالعبرة
اني : يا غادة منعرفش شن صاير او ليش محمد يعامل فيا هكي اماليه طيبين هلبا ويحبوني وني حبيتهم وهو مشي الخدمة اليوم تخيلي وامس مباش يرقد جنبي ولا شافلي بكل
غادة : غير اهدي هادا تاني يوم ليك يعني اكيد هو متحشم شوية وينفك غير انت نظمي الجو واعرفي شن تديري واحمدي ربك طحتي في عيلة طيبة وين تلقيهم الايامات هادي
اني : زعما والله ريحتيني 😍 مهم ي خرا بنتمرقد توا وبننزلو نديرو غدي بيجي محمد
غادة : باه باي 😍
طحت ع مخدة وتمرقدت وعدلت فياق نفيق بعد ساعة
فقت وطول بدلت من جديد وووه تعب هلبا نستشور شعري ونتمكيج وموضوع 😭💔
مهم نزلت لقيتهم يوتو خشيت ويتيت معاهم
اني : ساجدة بنسالك وين بوكم ؟ عمي يعني
ساجدة : ااه هو داير حادث و..
اني : اي زابطة هو توا وينه مشفتاش
ساجدة : بوي مسافر ياخد في كورسات علاج برا معاه عمتي وراجلها سفرهم محمد
_______
ام محمد : استغفر الله وخلاص وين محمد تعبت واني ننصح يا امي
جدة محمد : تو يجي اكيد
حطينا الغدي وقعمزنا كلنا وراجل ملاك مشعارفة كان يشبحلي شبحات غريبة مشعارفة خيره اكيد نتوهم كملنا غدي ونراجي في المستر بجي ومجاش
قصي : شني وين محمد!
ملاك : كوول يا قصييي
قصي : اي اهو ناكل وينه هو
بتول : قصيي تسمسم وتبكش
كملنا غدي وضمينا اني والبنات وضحكنا
ركبنا ديارنا ومشيت لملك شرحتلها وفهمت زين 😍💙 بعدين خشيت داري
شن هادا ساعة ثمانية ومستر نكد مجاش خير عمه معاي
________
عند محمد 💙🌚
كان همه الخدمة وبس
محمد : ادمممم ادممم
طبعا ادم اكثر واحد قريب لمحمد في الخدمة
ادم : نعم يا محمد
محمد : من طابع الوراقي هادي ؟!
ادم : غيث
محمد : ناديه
جي غيث
غيث : نعم استاذ محمد
محمد : هادا شنو !
غيث : امممم هادا الوراقي يلي قلتلي اطبعهم امس سهرت عليهم وطبعتهم
محمد : باهي هادا شنو؛!!!
غيث : ااه صبح كنت نشرب في قهوة وتبزعت....
محمد : انت ممفصول
غيث : غر راجي يا استاذ محمد
محمد معدلش خدي مفاتيح سيارته وطلع
شرين نقاله
محمد : الو
جدة محمد : يا ولدي لو تحبني ارجع الحوش توا
محمد : في طريق اني
________
اما اني قعمزت في داري ونمشط في شعري ومقعمزة نقلد في محمد شن بيقول اول ما بيخش
شن بيقول ! تي اكيد بيسكت زي بكوش تقول ميتكلمش وااك😭💔
وفتح باب دار
اني حاولت نتقرب من محمد وجيت بنحيله جاكه
محمد دفني
محمد : تديرها مرة ثانية ؟! نفكك ع خمسين فاهمة ! حركات هادي متمشيش معاي وزواجنا هادا مجرد زواج شكلي بس على ورق وبس فاهمة ! معاش تحاولي تقربي مني
اني بعد سمعت كلامه العبرة خنقتني ودموعي نزلو بروحهم ومحمد كان يتكلم معاي وجدي هلبا وعيونه حمر يخوف كان فكرت ان بالك من ضغط خدمة وقاعد متحشم
قعدت ع تركينة في دار وشي سكرت راسي قعدت نحاول ناخدة بدوة
اني : اممم نديرلك حاجة تاكلها ؟
محمد ساكت ومردش عليا كان يتفرج ع تلفزيون ونكرها حركه هادي
اني : نديرلك ماكلة ؟
محمد مستمر يتفرج
جيت وقفت قدامه وغطيت الشاشة
اني : نديررلك ماكلةةة ؛!!
ومنعرفش الثقة من وين جتني
محمد وقف
واني وقتها ختمت القران من الخوف
كان في مزهرية في طاولة يلي حدانا
محمد بكل قوته كسرها ع عشرة وشدني بقوية من يدي
محمد : لمااا منرردششش معاش تزعجي امي خير مايصيرلك زيها
وطلع برا معدلش
اني قويت روحي ومبكيتش قلت اكيد مش متعود بس وتوهمت ان محمد مجرد فترة وحيتعود عليا
قعدت نرتب في دار وفتحت دولاب محمد شبحت حوايجة لن انخلعت كلها اكحل