يوميـات زوجيـة 1 ♥️

13

اني : نعرف انك متحبش تبين مشاعرك وان في خاطرك تبي تمشي وتكلمها وتحضنها وهي تبكي في حضنك لاكن شخصيتك ترفض بس يا محمد هي اختك خليك حنين معاها احسن من ماتخسرها راه ملاك تمر باصعب مرحلة في حياتها توا وانت وراحتك واني نازلة نوتي الغدي
نزلت وتيت الغدي
وكان الحوش كئيب لا ملاك لا ملك لا ساجدة كلهم ميبوش
محمد : كولي معاش تلعبي
اني : الحمد لله شبعت
بتول : فرح مكليتي شي راه
اني : مخاطريش والله
جدة محمد : اني بنركب نرقد نعست
ام محمد : تعالي هي تو نوصلك
قصي : محمد اني طالع مع صحابي
محمد : وين
قصي : ماشين لحوش محمود بعدين بنطلعو عندنا مبارة وبنمشو القهوة نتفرجو ع مبارة
محمد : تمام ناقصك فلوس
قصي : لا لا عندي
بتول : اني راسي واجعني نلم معاك شوية يا فرح وبنركب
اني : لا لا خليهم تو نلمهم امي اركبي ارتاحي انتي
وجاية بنوض
شدني محمد
اني : محمد شنو في
محمد : قعمزي شن بنقعد بروحي
اني : نبي نضم الكوجينة حايسة
محمد : باه
خشيت للكوجينة وبديت نضم
جي محمد ومدلي صواني تاع الغدي
اني : هييي محمد انت تمدلي ابصر شن بيصير زعما يوم القيامة قريب ولا كيف قاعدة مش مصدقة
محمد : شدي واسكتي راكب فوق اني
ركب محمد وني قعدت نضم
طق طق طق
محمد : ملاك نخش ؟
ملاك : محمد
وخش محمد
محمد : تعرفي اني من وقت كنت صغير كنتي انتي املي وقدوتي لانك قوية وصبورة وشجاعة واني متعلم كل شي منك فتوا انتي هكي تبكي مهزومة علاش اني هكي نتكسر راه ملاك صح اني اغلب وقتي ساكت ومنعترفش بشي بس والله نحبك انتي امي والله امي
ملاك فرحت هلبا من كلام محمد وشداته في حضنها
محمد : نبيك تشدي روحك وعلاش مكليتي شي
ملاك : لا لا وكلتني فرح امبكري
محمد : توا ارتاحي باهي والعشي نبيك تنزلي تمام
ملاك : حاضر 😍
وجاني محمد مرة تانية
محمد : فرح هيا كملي نبيك ضروري
اني : شنو ادوي حتى اهني بنقعد متشوقة هيا احكي هيا هيا 😍
محمد : كيف بنصارح ملاك باوراق الطلاق
اني : لا لا مدة هادي فوتها اوراق الطلاق خليها تتحسن شوية بعدين قوللها عليهم توا هي مش متحملة وهاداكا مهناش
محمد : باه ؛ راكب فوق هيا
اني : شن هيا ملصقة فيك اني
محمد : يا بنتت
اني : خلاص بنكمل ونجي
محمد : باه
اني : اركب
محمد : لا ، كلمتها ملاك
اني نقزت ع محمد وشديت ايديه
اني : حقا وفرحتت هي 😍😍؟
محمد قعد واقف ويشوفلي
اني قعدت نشوفله لن فقت ع روحي ونقزت بعيد منه
محمد : اني راكب
اني : امم تمام
كملت غسيل ماعين وركبت لساجدة لقيتها راقدة خشيت ع ملك تقرا وتبكي ملاك راقدة
ركبت لمحمد لقيته مدوش ومقعمز يخدم ع لابتوب
اتصلت بامي وهدرزنا شوية
اني : امممم
امي : خيرك شن مدايرة من فالطة
اني : مدرت شي بس حاسة انك تعبانة وقلبي مغموم حاسة بيصير شي مش كويس
امي : اهدي وديري زي مكنتي تديري قبل صلي وادعي
اني : وكنتي تلعبيلي بشعري
امي : عادي محمد يلعبلك بيه توا 😂
اني : استاحشتك هلبا
امي : يوميا يمر عليا تاريخ حياتك من كنتي صغيرة
اني : نحبك هلبا يا امي بالله عليك خليك ديما معاي متبعديش لو بعدتي اني نموت
امي : باذن الله حنقعد معاك لن تجيبي فروخ 😂
اني : مع سلامة وردي بالك ع روحك
امي : حاضر وحتى انتي
سكرت الخط وسكتت شوية
محمد : هممم خيرك ساكتة اول مرة
اني : اممم لا شي امي تسلم عليك
محمد : وين ماشية وانتي يا تتحركي يا تدوي متسكتيش وتقعمزي في مكان واحد
اني : لا شي
محمد : ياسر تلودي قدامي قعمزي
اني : امم حاضر
وقعمزت واني متوترة جي محمد بحداي وشد يدي
محمد : اهدي شوية خيرك
اني : لا لا خيرني اني كويسة مافيا شي
محمد : هادا مفيك شي قريب تنقبي السرير وتمشي لوطا وتقولي مفيا شي
اني : حاسة بشعور اخي في قلبي بس اكيد نتوهم
محمد : مش حيصير شي نوضي صلي ركعتين وكل شي حيكون تمام باهي
اني : حاضر
محمد : خلاص هدي روحك
اني : تمام
ورجع محمد كمل شغل ع لاب
_______
هالة : احمد باهي كول شوية مكليت شي راه
احمد : تي شن ناكل اني شن درت وانتي شن درتي ربي يهديك وخلاص
هالة : احمد سوء تفاهم بسيط وينحل اني مكنتش نحسابك تحب ملك
احمد : اني متلخبط ونبي خليني نفهم راسي من رجليا اطلعي برا دار
هالة : تمام
_____
مر الوقت وجت ساعة ثلاثة في الليل اني فقت من نوم متوترة هلبا
محمد فاق ملقانيش بحداه ناض دور عليا
محمد : خيرك مقعمزة في البلكونة بروحك
اني : شن فقت تدور عليا
محمد : ااه لا فقت ناخد طاسة قهوة
اني : ونبي قهوة ساعة ثلاثة
محمد : اي عادي حلوة القهوة
اني : نعرفش كيف تشرب فيها
محمد : خشي بري دار
اني : تمام
ركبنا
محمد : خيرك
اني : مفي شي مضايقة شوية بس
محمد : في حد كلمك ؟ واحد من عيلة غلط فيك
اني : لا لا حشاهم مش هكي
محمد : باهي شنو
اني : قلبي يضرب مشعارفة
محمد حط يده ع قلبي وخداني ع حضنه لاول مرة نحسه حنين الحق
محمد : اسكتي وارقدي توا صبح نتفاهمو
اني : حاضر
غمضت عيوني ومنفيقش الا ع صوت زوز يهدرزو
بتول : غريبة خيرها فرح راقدة لتوا ترا محمد مسها سخونة بالك مريضة
محمد حط يده ع راسي
محمد : لا لا كويسة
اني : صباح خير
بتول : حي فيقناها
محمد : ولي ارقدي ولي
اني : عاش نعسانة ساعة كم
بتول : تسعة
اني : تسعةة دواء جداي حي عليا نسيته
محمد : غر اهدي قعمزي خداته دواها
اني : وخدمتك
محمد : اني شوية وطالع
اني : تمام
طلعت بتول وخلتنا بروحنا
اني : محمد
محمد : ايوا
اني : شكرا
محمد : ع شن
اني : ع يلي درته امس كنت مضايقة هلبا وكلامك ريحني
محمد : اني خيرني مدرت شي غر ع خاطر انتي مريضة كنتي ولا ابصر خيرك
اني : المهم قلبك حنين
محمد : هيييي قلبي لا حنين لا شي ومنبيش حد يتقرب مني ولا نتقرب منه خليك بعيدة احسن
اني في خاطري " دير روحك جاف كشفتك خلاص 😂"
اني : اوكي اني بندوش
محمد : باهي اني طالع باي
دوشت اني ونزلت لوطا للعيلة
اني : مشو جامعة ؟
ام محمد : ساجدة محذوفة في دارها مبتش تطلع وملك وقصي مشو
جدة محمد : وانتي خيرك باين عليك توتر محمد دارلك شي
اني : لا لا غر قلبي مش مريحني
اني : اني بندير فطور لساجدة ونركبلها
بتول : اي يا بنيتي تربحي
اني وتيت فطور وركبت لساجدة
اني : ساجدة عارفاتك فايقة متديريش روحك تبكي نعرف ان الموضوع صعب بس طز فيه وفي اماليه انتي مفيش ولد ميبيكش وكلهم يتمنوك نوضي البسي وديري مكياجك يا حنة وبري طيحي 😂 تعرفي اني وقت نزعل ندير كيكة كريم كراميل ونسمع زمزامات وطز فيه احمد حتلقي احسن بهلبا راه
ساجدة : بس هو كسرلي قلبي
اني : هو ميحسابش الغلط غلط اخته هي
ساجدة : باهي اني شن ناقصني ليش ملك ليش ليش
اني : اسس الدنيا نصيبات لو كان نصيبك حيكون ليك ولو في اخر دنيا ونوضي شوفي وتيتلك بدلة متفهم شي غر افطري وتعالي داري شوفيها 😍
ساجدة : هي هي تو نجي ونسمعو زمزامات
_________
تن ترررن تن ترررن
ابراهيم : الو محمد
محمد : الو ابراهيم شنجوك
ابراهيم : محمد اسمعني
محمد : ايوا
ابراهيم : راه امي ف غيبوبة
محمد : لا حول اللله فرحححح شنو تي كيف صار يا راجل ،
ابراهيم : والله امس مع الفجر داخت رفعناها المستشفى قالو غيبوبة يا محمد والله خلاص اني بننتهي وفرح شن بيصير فيها يا رب
محمد : لا حول الله لا حول الله
ابراهيم : اني فرح مش قادر نكلمها حاول تكلمها انت كان تقدر
محمد : تمام في اما مستشفى شوية ونجي اني
ابراهيم : في مستشفى %#-@%
محمد : تمام
(^～^)
محمد : ادم اني طالع شركه تحت رعايتك توا
ادم : وين ساعة حداش راه
محمد شبحله
ادم : اسف
محمد طلع جري ومشي المستشفى لابراهيم وقعمز معاهم وفهم ان حالة امهم خطيرة وضربات القلب خلاص بدت تضعف هلبا
محمد : لا متقولش هكي يا راجل وحيصير خير انشاء الله
ابراهيم : فرح باهي فرح شنصاير فيها
محمد : قاعد مكلمتهاش تي انت شد روحك مرتك وصغار وين
ابراهيم : في حوش اماليها في حالة تانية حتى هي
محمد : تو نمشي الحوش اني انشاء الله فرح تتقبل الموضوع بس
مشي محمد جري ع الحوش
ملاك : محمد شن جابك توا وخيرك شن في
ام محمد : محممد
محمد : فرح وين
جدة محمد : فرح في دار مع ساجدة خيرك
محمد : اووفف يا امي ام فرح في غيبوبة توا وحالتها خطرة وضربات القلب خلاص على وشك
بتول : ووووووه عليها ووووه ياماتها سود
محمد : لا اسكتو تسمع توا اني منبيش فرح تسمع مشعارف كيف نوصل خبر اني نطلع وانتم قولو لفرح
بتول : نوض يا محمد ارفعنا ع المستشفى خلاص
ناضو كلهم يبكو احني كنا نسمعو ف اغاني م سمعنا شي
محمد : تي معاش تبكو انتم هكي امالا فرح كيف تي ياسر حتى ني شن درت في عمري ياسر وترتوني
جدة محمد : تعال جاي وين ماشي محد حيكلم فرح غيرك هي مرتك
ام محمد : محمد اني عارفة انك متامنش بالعلاقات والحب والجو هادا ومتحبش تتقرب من حد بس هادي فرح يلي وقفت معاك هادي مرتك انت كلمها
جيت اني نازلة
فرح : ع شنو يكلمني 🌚
ساجدة : كان في طلعة اني ماشية 😂
فرح : خيركم شن في خيركم تبي محمد انت شن جابك توا شن في خيركم تبكو شن صاير
اني مشيت اضبطت ام محمد وبتول
محمد : فرح تعالي شوية دار نبيك
اني : تمام
مدلي يده وشديتها ومشينا
محمد : فرح
اني : نعم محمد خوفتني احكي خيرك شن في حاسة عندك دوة
طبعا اهل محمد حكو لساجدة وجو ركبو قعدو يسمعوني اني ومحمد من وراء الباب
محمد : اسكتي وقعمزي ع سرير
اني : ها خيرك محمد معاش نتحمل راه احكي
محمد شد يدي بقوية
محمد : من معرفتي ليك نعرف انك قوية
اني : محمد بالله عليك ادوي خيرك
اني قعمزت ع سرير ودموعي نزلو
محمد : شن قلت ع البكي انتي قاعدة معرفتيش شن صار
وشرين نقال وفتحت خط كان صوت غادة تبكي وتعيط 💔
غادة : ااه يا فرحح بالله عليك متبكيش امك حتنوض بسلامة ووووه عليا كيف كلمتني شروق
اني : غادة شن صاار غادة خيرها امي
محمد جبد مني نقال
اني : محممد امي خيرههها
محمد : امك راقدة غيبوبة
اني : ااا كيف
ودنيا دارت بيا ومعاش حسيت بشيء ونجي طايحة ع الارض
محمد : فررح فرح
اني معاش وعيت بشي الا ومحمد يبخ فيا بالميه والعيلة كلها فوق راسي
اني " نبكي " : محممد بالله عليك ارفعني لامي محمد نبي امي امي محمد نبي امي محمد ارفعني لامي امي يلي معنديش غيرها ي محمد ، نبي امي يا ربي متاخدهاش مني اني معنديش غيرها امي هي يلي ربتني وكانت واقفة معاي يا ربي امممممممي
محمد : بحالتك هادي لا مش حنرفعك اسكتي معاش تبكي
اني حضنت محمد بالقوية
اني : محمد هادي امي حتخليني زي بوي محمد نبي امي محمد خودني ليها بالله عليك
ام محمد : ارفعها يا محمد