يوميـات زوجيـة 1 ♥️

11

اسامة : اووووو صار المدام الحلوة تنكت في حاجاتي وهاتي صور هادم جاي
اني : حول مني ابعدد مفيش
اسامة : تو وحدة بجمالك طحتي في عين العيلة كلها 😂 وني ربحت وقعدتي انتي
اني : ماه لانك كلب
اسامة : سكككري فمكك مسكين محمد مريح عليه الجمال كله ع خاطر كذبة قداش هو تافه ولا بس متخافيش صح متزوجتش صاحبتك بس انتي مش حنضيعك من بين ايديا وتوا حصلت عليك
اني : اسامة حول مني ابعد وراك تجبد سيرة محمد في لسانك يا كلب تفووو عليك وصور هادي لما نوريهم للعيلة كلها يا كلب وحتنكشف قدام الكل ونهايتك قريبة باهي
اسامة : اسسسس نهايتي ولا نهايتك 😂 ترا من بيصدقك والغبية ملاك قاعدة تحامي عليا غر اثبتي بنشوف عيونك يا ام عيون نوتيلا ويا ام شعر حرير انتي ااه من شعرك خيوط شمس بسس خليني نمسه شوية
اني جيت بنطلع
شدني من يدي ودفني طحت ع طاولة
اني : انت كلب وحيوان وتو تشوف لما نوريك يا كلب هي مش غبية ملاك تي هي طيبة لانها صدقت واحد زيك خاين كلب مش متربي بناوتي ابو بدر
اسامة : سكري فممك
وجاي بيمد يده عليا
محمد : ااسااااااممممة يا &#/#^
وطاحلك فيه ضرب
شفت برا نلقى العيلة كلها واقفة وملاك لوطا تبكي
وهما مصدومين اني بروحي كنت مصدومة وفرحانة شن جابهم مشيت طول ع حضن جدة محمد ومحمد معاش وقف ضرب في الراجل
محمد : يا كلبب صار مرتي هي يلي تتقرب منك ولا
قصي : محممد خلاص فوته محممد ياسر
وقفهم قصي بعد طلاع روح
وطلع اسامة برا حوش
اسامة : حتشوفو شن يصير حتشوفو
* واخيرا الحمد لله ياربي غمة وانزاحت من قلبي تجمعنا كلنا وقعمزنا
ام محمد : سامحينا يا بنيتي ظلمناك والله مش متوقعينه راه عشرة عمر
اني : عيب يا امي عارفة حتى ني لو كنت مكانك مش حنصدق
ملاك ناضت وجت قدامي وكانت تبكي اني وقفت
ملاك : اني سامحيني حقك عليا 💔
اني : ملام متعتذريش ومتبكيش انتي توا مفروض تكوني قوية وتتحملي كوني قوية زي معرفتك صح الموضوع صعب بس احسن شي انك عرفتيه ع حقيقته
وغمرتها 💙
ملاك : اني راكبة فوق داري متبو شي
بتول : اركبي ارتاحي
ركبت ملاك وقعمزنا احني

ساجدة : هالكلب عطه سحيقة
اني : ونار الله الطليقة
جدة محمد : وصاروخ من معيتيقة
اني : ياربي الساحق والماحق والرصاص المتلاحق سمسام وعشرة ايام في الحمام واسهال طول العام يا ربي لواء وخبطة ع الوطا ووادي مليان دواء
قصي : مرة خوي 😂😂 وااااك الراجل مات كان مماتش من ضرب محمد حيموت من دعائك
جدة محمد : احسن زيديه
ملك : بس محمد نبي نفهم كيف صار وشنصار
محمد كان يشبحلي واني لمحته
اني : اي محمد قولي كيف
قصي : اسالو محمد
نرجعو الاحداث شوية التالي 💙
محمد : اسمع قصي انت اليوم بتوصل العيلة ولا ؟!
قصي : اي
محمد : تمام نبيك قبل متوصل الحوش بشوية هكي ابعتلي رسالة
قصي : ليش
محمد : غر ابعتها بنشوفو اسامة وفرح اليوم هما بروحهم في الحوش ونبي الكل يشوف شن حيصير
قصي : والله فرح مظلومة
محمد : منغير متقول عارف من الاول غر ملقيتش فرصة باش نفهم ملاك ان اسامة مينفعش لان الموضوع مش ساهل عليها فنبيها تكون قدام الامر الواقع طول
قصي : والله نعرفك قدر خوي عاد 😂
_______
محمد : هادا يلي صار
اني فرحت هلبا وقريب طرت
اني : شنو تبو تاكلو نحسابكم بتتغدو برا
بتول : اني والله م عندي نيه من يلي صار
ام محمد : ولا اني
جدة محمد : واني خايفة من كلام اسامة يا وليدي
محمد : متخافيش ميقدر يدير شي والله
جدة محمد : اني واثقة من فرح نبيكم مع بعض ديما اوعدوني
محمد شبحلي واني سكتت
محمد : نوعدك يا امي حنقعد معاها ديما
اني : 😃
ملك : اني عندي قراية بنركب نقرا
ساجدة : وني مخاطريش ناكل بنمشي نوتي حوايج لغدوا جامعة
محمد : عندي شوية خدمة ع اللاب
ركب محمد وفي دروج
محمد : فرح الحقيني
نهاري يلي ندور فيه شن مدايرة من عملة سودا وووه 😭💔
اني : حقا امي دواك نسيت نجيبهولك
بتول : اركبي لمحمد تو نجيبه اني 😍
ركبت ويدي في قلبي شن يبي مني هادا
خشيت لقيته مقعمز ع سرير وقفت قدامه استعداد
اني : ننءعم
محمد : خيرك واقفة تعالي قعمزي اهني
اشرلي نقعمز في سرير بحداه
اني : حتى اهني كويسة الاكسجين يجيني من البلكونة نقي هلبا فريش يعني
محمد : قتلك تعالي
اني جيت وقعمزت
محمد جبدلي شعري بقوية
اني : اي محممد
محمد : شن قلت اني
اني : نسيت واصلا كنت مقعمزة بروحي في الحوش باش هكي
محمد : حتى لو بروحك اول مايجي حد قبل متقولي سلام عليكم تلميه
اني : باه
سكتنا شوية
اني : اممم ليش درت هكي من الاول ليش شكيت فيا
محمد : اني مشكيتش فيك صح منحبكش بس عندي ايمان انك انسانة تنعطالها الثقة وهديكا فترة اسامة بدي متغير
اني ابتسمت
محمد : اي شنو جيعانة
اني : ييييياه بنموت جوع تعرف 😭💔
محمد شبحلي وضحك
اني : قصدي لا لا عادي
محمد : نمشي نجيب حاجة ناكلوها ونجي
مشي محمد وني قعدت نتفرج ع تلفزيون ملقيت شي دورت ع طيور جنة وحطيتها 😍😭 بدت اغنية نحبها تاع جاد واياد هديكا متاع نرمي طابة في الهواء 😂 باهي تضحكوش والله قنينة هي ، عليت صووت وبديت نغني ونرقص ووننقز لن تمت الاغنية تحشمت ع وجهي ووطيت الصوت
ونسمعلك صوت شخص ميت ضحك نشبح للباب نلقى محمد ميت ضحك عليا 😭💔 وووه عليا حشم حالي بس تصدقو اول مرة نشوف ضحكته هي 😭💔 واخيرا وراني 32 سن متاعه يهبل ضحكته وووه عليا اني سرحت في ضحكته ومعاش قدرت نشوف شي غيرها
بعدين وعيت ع روحي
اني : ااه انت ع شنو ع شنو تضحك ها فهمني شن في يضحك يعني الموضوع مش زي ماتحساب راه كنت نغير ولقيتها وصوت كان عالي عرفت بعدين لهيت نضم شوية وهي قعدت عرفت اني مخليتهاش راه
محمدد استمر يضحك ويصفق 😂
اني : معاش تضحك
محمد : واااك فعلا متزوج بيبي اني
اني : اعطيني ناكل جيعانة باه 😒
محمد : هاك هاك يا بيبي 😂
خديت منه البيتزا وقعمزت بناكل
اني : اللطف خيرك جايب باكوين بس وباقي العيلة
محمد : اعطيتهم هني روحك وكولي انتي توا
كملت ماكلة ومحمد خش يدوش ويبدل
وني طلعت ندهور في الحوش
وتفكرت نمشي لقصي
طق طق
قصي : تفضل
اني : بنحكيلك ع موضوع
قصي : موضوت رنا ادوي ادوي
اني : قصي اسفة بس البنت هادي متستاهلش حبك ابدا اني توا حنتصلك بيها واسمع كلامها منبيكش تنجرح بالعكس لازم تفرح لانك بعدت ع وحدة مصلحجية زيها
قصي : لا لا فرح متتصليش اني شفت كل شي صاحبي كلمها باش ترجعلي وقالتله دوة ااه خليني ساكت وخلاص
اني : تي متزعلش يا مان بعدين انت مليون بنت تبيك غر اشر بصبعك بس وني نخطبهالك
قصي : نبيها تكون زيك بس كخلقة واخلاق 😂
اني : لا هكي كترتها
قصي : الله الله 😂
اني : اني طالعة نشوف باقين متبي شي
قصي : سلامتك
خشيت لملاك وكانت منهارة تبكي بس حكيت معاها شوبة بي الموضوع صعب شخص تحبيه نص عمرك وفي نهاية يطلع خاين صعبة
___________
عند هالة 💙
احمد خوها كان تفكرتوه كان يفكر وبقول " اوووف اني نحبها تي شن تحبها يا راجل فوت نم لا لا بس هي سبحان الله احترام و جمال على كل شي ااه وقت جت عيني في عينها وبدت تدوي تي اني نسيت كل شي نبي نمشي نطلبها بس نخاف هي متبيش شن الحل يا رب لقيت امها نمشي نكلم هالة احسن شي هي بسم الله
احمد : هااالة يا هااالة
هالة : اللطف خيرك
احمد : خشي وسكري الباب نبيك في موضوع
هالة : نعم خوفتني
احمد : اسمعي خوك بدي يحب
هالة : تبصر قصدي من هي قوول
احمد : ونبي نمشي نطلبها بس خايف هي تكون متبيش
هالة : باهي من هي
احمد : صاحبتك اخت محمد وقصي هديكا اختهم ، نبيها وحابب نطلبها وخايف
هالة : ساجدة 😍 حقا تعرف بنقولك ع شي
احمد : اسمها ساجدة
هالة : اي 😍 هي ديما تحكيلي عليك راه واكيد حتوافق وني تو نمشي نكلمها توا
احمد : حقاا بالله كلميها وقوليلي شن صار معاك
هالة : هي اعطيني خمسة دقايق
مشت هالة باش تكلم ساجدة وتبشرها
بعتلها رسالة ع ماسنجر
هالة : سجو 😍
ساجدة : نعم
هالة : مرة خوي قصدي 😂
ساجدة : شنتقولي 😂
هالة : بنقولك ع موضوع مهم مهم مهم
ساجدة : ادوي بسرعة
هالة : خوي احمد قالي انه يحبك ويبي يجي يطلبك بس خايف انتي تكوني رافضة
ساجدة : شنوو تبصري احمد خوك 😨؟
هالة : تي ويراجي فيا نعطيه رد توا
ساجدة : تي اني نحبه ونموت فيه خوك كيف بنرفض بس
هالة : انشاء الله ربي يتمم ع خير وووه بنموت من فرح 😭💔
ساجدة : حتى ني بري كلميه وقوليلي شن ب يصير معاك
ساجدة فرحت هلبا وقررت تنهي علاقتها بمصعب للان احمد طلع يحبها ع حسب ماقالتلها هالة اخته وهي هازكل يلي تبيه وتتمناه
هالة : احمد
احمد : ها شنو طمنيني
هالة : البنت تحبك وتبيك
احمد : يعني الموضوع تمام 😍
هالة : اي
احمد : اعطيني ايميلها ع فيس او رقمها نكلمها ونتفاهمو وانشاء الله غدوا نفتح مع امي الموضوع
هالة : هادا اسم ايميلها تاع فيس 😍
احمد : اوكي
__________
اني كنت راقدة في حضن جدة محمد ونهدرز معاها 😍
خش محمد
محمد : هو انتي اهني ليا عام ندور عليك
اني : نعم
جدة محمد : متخافش مخطفوهاش 😂
محمد : اهو انتي خاطفتيها مني ها
جدة محمد : خلاص خودها 😂
محمد : هي
محمد مدلي يده وشديتها
ومشينا واحني شادين في ايدين بعض حسيت روحنا زي عشاق نتمشو في الكورنيش 😂💔 هو طويل وني درية
وخشينا ع دار
اني : محمد نعم ليش كنت تدور عليا
محمد : شنو نبي نقعد معاك شوية
وقعد واقف ويشبحلي ونحى توكة متاع شعري
محمد : خليه توا هكي
اني : حااضر
شرين نقالي جيت بناخده 💙
قامه محمد وحطه فوق يده وني قعدت نحاول باش نوصله لاكن محمد طويل مقدرتش 😭💔
محمد : اوو شني درية خيرك موصلتيش هاك خوديه هيا 😂
اني : لعلمك بس اني مش درية هاته هي بيفصل راه
محمد : اي مش درية كم طولك بالله
اني : 155 عادي حلو طولي
محمد واااك 😂 تحشمي عاد اني 185
اني : باهي هاته نقال تي بيفصل
محمد : لا
اني : هي حميدتي هاته 😭
محمد : نعم شن قلتي
اني : معاش نبيه خلاص
محمد : هاك غدوشتك تتصل 😂💔
اني فتحت الخط
اني : ايوا حب
غادة : شنصار معاك
اني : موضوع مشي زي زبدة 😂 تو غدوا نتصل بيك ونهدرزو هئحم احم
غادة : فهمت هو حداك 😂
اني : شطورة هي طيري
غادة : تصبحي قرد
اني : تصبحي مونكي 😂💔
محمد : اسمعي في فيلم كان بتجي تتفرجي
اني : تاع شنو
محمد : رعب راه
اني : حي عليا نموت في رعب نجيب سمينسة ونجي
محمد : تمام
جيت لقيته مقعمز ومحتل نص الكنبة شن وين بنقعمز اني
محمد : اطفي ضي
اني طفيت ضي
اني : شني وين بنقعمز امالا
محمد : شبح لمكان حداه .......