يوميـات زوجيـة 1 ♥️

2

قعدت نرتب في دار وفتحت دولاب محمد شبحت حوايجة لن انخلعت كلها اكحل في اكحل تقول خاشة دار الغولا وكان مرتب هلبا والاحذية حاطيها في صناديق ولقيتها تلمع لمع
بعدين درنا العشي وسيد محمد مهناش ومكليتش مكانش خاطري في شي ضميت كوجبنة اني والبنات وهما ميبونيش نخدم لاكن اني نحبش نقعد هك وخلاص ركبت فوق
قعمزت فسرير وفتحت نت شوية جي محمد مع ساعة 12
_______
جدة محمد : ربي يساعدها فرح والله بنت مفيش زيها زعما احني ظلمناها وقت زوجناها محمد ؟!
ملاك : لا لا فرح شخصيتها حلوة واني متاكدة انها حتقدر تغير محمد وهلبا
بتول : انشاء الله يا رب لان اني ملاحظة محمد ميعاملش فيها كويس بككل
ام محمد : ربي يسهل
_________
وردة : اه يا شروق الحوش من غير فرح بدون فرح
شروق : عجبني الشعر 😹
ابراهيم : يا ام دم رزبن عدبمة المشاعر باهي 😹
شروق : والله حتى اني مستاحشتها ومنبيش نتصل بيها باش منزعجهاش واكيد هي توا فرحانه مع محمد وناسيتنا
علي من امس يبكي يبيها
وردة : اه يا بنتي
شروق : خلاص يا امي احني اهني 😍💙 صح مش زي فرح بس حنعوضوك شوبة وهاك توا دواك تاع ضغط منسيتاش😹
وردة : هاتي ي حنة
شروق : اني بنركب نرقد تصحو ع خير 💙 عليوة رقد
وردة : ماشاء الله عليها رد بالك تزعلها فاهم من يوم مشت فرح وهي دايرة بالها على الحوش هلبا
ابراهيم : حاضر هي تصبحي ع خير 😍💙
_________
جي محمد ومكشر وجهه فتح تلفزيون كالعادة ومد وجهه فيه
قعمز حط رجل ع رجل طلع باكو دخان
ويا سلام يدخن زيادة تمت
اني بديت نكح
مجمد : اوووف
اني : محمد ممكن تطلع برا ولا تطفيه عندي حساسية منه
محمد مردش عليا شبحلي شحبة تاع ربع جني وكمل
واني قعدت نكح
محمد : مش عاجبك درقي وجهك اطلعي برا دار اني بنقعد
شوية جتني ملك
ملك : نبيك تشرحيلي حاجة وحدة بس
اني نكح
ملك شبحت لمحمد وقتلي : كان تاعبة خليه
اني : لا لا هاتي هي 😍
قعمزنا شوية نشرحو
ومحمد يتافف
اني : هي لحظة نجيب عندي مترجم الكتروني خنعطيهولك😍
كيف نضت من سرير ونجي طايحة فقدت الوعي
ملك : فررح فررح
محمد مدورنيش وقال : دلع بنات
بختني ملك بشوية مية وبديت نوعى شوية شوية ويلي وجعني محمد قاعد مستمتع
ملك : محممد يا محمد تي خيرك تي نوووض
محمد : اوووف
طفى محمد دخان وجي قامني حطني ع سرير وقرب مني
محمد : نووضي نووضي
ملك : تي متضربهاش كفوف بشوية
اني بديت ناشر ع شنطى متاعي ونقوللها البخاخة
جابتلي ملك بخاخة ونضت بدبت طبيعية
ملك : بالله عليك سامحيني اني تتعبتك
اني : لا لا مش هكي
ملك : اليوم تعبتي هلبا
اني : يا ملك اهدي حبيبتي اني عندي اختناق من الدخان وتوا بديت احسن 😍💙
ملك شبحت لمحمد شبحت احتقار
وطلعت من دار
اني مركزتش الا ونلقى روحي محمد واقف حداي وشادة في يده وهو يشبحلي اول مرة تجي عيني في عينه
انصدمت وطول حولت يدي
وهو وعى ع روحه ومشي طلع حوايج شغله
رقد في صالون واني عدلت فياق ع ساعة سبعة باش نفيق قبل محمد
حطيت راسي ع مخدة وكل فكري خليقة محمد بس
محمد حط راسه ع مخدة ويفكر في شغل
________
ثاني يوم 💙
شروق : حبيبي فيق 😍 ساعة سبعة هيا وتيتلك فطورك
ابراهيم : باهي شوية هي
شروق : اوووف ليا ساعة نفيق راه😭💔
ابراهيم : باهي تعالي نرقدو شوية ونفيقو
شروق : اطلقني ي خرا وراي ضمان هلبا😂
ابراهيم : اي ضمان من ساعة سبعة صبح🌚
شروق : هيا ع خاطري نوض 😍
ابراهيم : قولي كلمة حلوة قبل
شروق : شن تبي اكثر من ان اني فيقتك😂 قصدي نحبك هيا
ابراهيم حذف شروق بالمخدة
ابراهيم : باردة من يومك😂
_________
اني نضت بكري ومدرتش صوت في دار كان محمد راقد محلاها رقدته زي الملاك ميبانش عليه شخصيته زي الاسد الغضوب 😂😒
هالمستر عصبي
ملك : صباح خير خيرك فايقة بكري 😂
اني : نوتي في فطور 😍 هي تعالي افطري
ملك : وين محمد امالا
اني : مستر عصبي قصدي محمد راقد شن يفطر هو ؟
ملك : بريوشة كاملة وفروبي
اني : تمام😍 من بيوصلك جامعة؟
ملك : اهي ساجدة نازلة نمشو مع قصي
اني : بري ناديهم مبين وتيتلكم فطور
حطيتلهم فطور وفطرو نزل محمد
ملك : محمد فطور
اني نحسابه بيطلع
اعطيته فطوره وكلاه 😍💙
واخيرا دار لقطة بس اني نعجبكم درت روحي متكنطية احرف منه ع اساس 😂
محمد : قصي سوق زين
قصي : متوصيش يا مان😂 اسمع محمد بنقول
محمد : قول
قصي دار الابتسانة الصفرا هديكا
محمد : خير شن في علاش توري في 32 شن تبي
واني ننشرك ضحك على منظرهم 😂
محمد شبحلي ومستغرب
اني بعد كملت ضحك ركزت ان محمد يشبحلي وسارح نحسابه بيكشخ بس قعد يتامل فيا وخلاص
قصي : واااك😂😂فرح عندك ضحك تضحككك
قعدو يضحكو عليا ومحمد شبحلي ودار ابتسامة
محمد حط لقصي فلوس ع طاولة وضربه ع راسه قاله : فاهمك شن تبي يا حنفي 😂
قصي : حنففي 😑
اني : حنفي شنو
محمد طلع وهو ماشي : قوليلهم هما يقولوك عليها
ساجدة : هيا حنفي نتاخرو😂
قصي : سكري فمك خير متقعمزي
طلعو من حوش
اني : حنفي سوق بشوية😂
قصي : ايااه ربي يسامحه محمد حتى انتي 😂 تي انتي ضحكتك زي نقار الخشب
ملك : تي هيا بعدين كمل عركة
قعدت نلم في الصفرة ونتفكر في محمد وضحكه معناها صح يلي قالوه وان محمد حنين مع خوته غير متعقد شوية 😍
ااه ابتسامته تهبللل اول مرة نشوفه يبتسم
قعدت نغسل في ماعين
وكملت شبحت وراي للباب
نلقى اسامة راجل ملاك واقف ويشبحلي
اني : امم صبحنور
وهو واقف ويشوف شبحات غريبة هكي
اني : احمم
اسامة : ااه صباح الخير اسف كيف نزلت بس
اني : نحطلك فطور ؟
اسامة : لا لا شكرا نفطر في شركة تو نتاخر راجلك يديرلي قصة 😂
اني : اعطي الغدي هادا لمحمد لاني عارفاته مش حيجي
اسامة : باهي
ومشي
بعدين نزلو باقين لقوني نضم في كوجينة حطيتلهم فطور وقعمزنا نهدرزو😍💜
بتول : تسلم ايديك يا بنيتي زعما صغار فطرو قبل ميطلعو للجامعة؟
اني : اي حطيتلهم فطور مع محمد😍💜
ام محمد : قصدك محمد قعمز وفطر ؟
اني : ااي
ام محمد شبحت لامها وبابتسامة
اني : تبو شي تاني 😍💜؟
جدة محمد : لا لا خلاص تسلم ايديك يا بنتي
اني نضت وغسلت ماعين شوية اتصلت بشروق
اني : شرووق 😻💜
شروق : يا حيوانة مستاحشاتك هلبااا تعرفي تعبت هلبا بدونك😂
اني : اللطف كيف مر يومين 😂
شروق : اي شنجوك
قعدت نهدرز اني وهي
ام محمد : غريبة محمد تطور كويس
بتول : اي بس محمد مزاجي ع حسب جوه
جدة محمد : انشاء الله يارب يتهنو في حياتهم😻 والله البنت تستاهل كل خير
جدة محمد : وين ملاك ؟
ام محمد : اكيد راقدة او تضم في دارها
مر يوم عادي وروحو جماعة من جامعة بعدين روح راجل ملاك ودرنا الغدي ومحمد مروحش زي متوقعت😂
ضميت وغسلت جت ساعة ستة جي محمد
اني محاولتش نتقرب منه بككل
جي بدل ودوش
اني : محمد كليت حاجة ؟
محمد : مدخلكش
اني : تمام
محمد بدل حوايجة وع طول قعمز في لاب توب عنده شغل مكلمتاش بكل
خديت نقالي وحطيت سماعات وبديت نسمع في اغاني
محمد : اسمععي
طبعا اني كنت نسمع اغاني وملهيتش
ومحمد قعد ينادي وطارتله يحسابني نبيش نرد عليه وجاني يجري زي تور ومنحسش الا بحد شح السماعات من وداني
محمد : ليا ساعةةة نااادي خير امككك مترديش
اني : اا شنو والله...
محمد : تي ضمي فمك هادا تقيميه فجديد فاهمةةةة
وكان شكله متعفلق هلبا اني مقدرتش لا نتكلم لا نرد نشوفله بس تبكشت
محمد مشي طلع من دار
اني " تي شن هالغول وسماعاتي تقطعو وااااك قعدت نبكي وندعي عليه "
مر جو ساعتين
اني كنت راقدة ومنشبحش في الباب اصلا مسمعتش صوته كنت ندوي مع روحي وبصوت عالي
" يا ربي شن هادا اني شن درتله ليش يكرهني شن اني شينة ؟ قهرتي اني غزالة حويتة عليا نم سماعاتي تقطعو هي " وبديت نبكي
اوووف يا ربي ساعدني اني شن درتله
ومنشوف الا محمد جي وخدي مخدته وبطانيته
اني من شبحتله شوية وغطيت راصي بالبطانية وسكتت قعدت نقول بالك مسمعنيش شن قلت
رقدت ومفكرتش بمحمد بكل
محمد قعد يفكر في كلامي يلي سمعه
_________
تاني يوم فقت قبل محمد خشيت حمام غسلت وبدلت وطلعت نبي نجفف شعري
نشوف في المرايا نلقى محمد واقف وراي
اني درت الحولة وكملت نجفف في شعري
محمد : احممممم احم
اني ولا كاني 😂 تو نوري عمه اللقطات يلي يدير فيها
محمد : صباح خير
اني : اوف صباح نور
وكيف مشيت محمد شدني من يدي
اني والله ختمت القران قلت خلاص بناكل بونية ع قلة ادبي من صبح ونمشي نتمرقد😂
اني : غر صلي ع نبي مقصدي شي اني مرديتش والله ماهي صايرة غر اهدا
محمد ضحك ضحكة بالجنب
اني وقتها حسيت ع روحي ودرت روحي متعفلقة😂
اني : اي خيرك شن في يضحك حلوة اهيا
محمد سكت وقعد يشوفلي مس شعري بيده
كان مطلوق ومبلول وحالة لاكن طويل واشقر 😻
محمد : شعرك ولا تركيب ؟
اني : بسم الله الرحمن الرحيم قل هو الله احد خمس بايديك ولا قول ماشاء الله شن هادا اضربني عين نفيق صلعة غدوا
محمد قعد يمس في القصة متاع شعري
واني مقدرتش نتحرك او ندير شي نشبحله بس
وبكل قوة واندفاع تخش اخته ساجدة للدار
ساجدة : فررح فر...
وانصدمت يناري ع المنظر يلي شبحاته
ساجدة : اني اسفة اسفة هي سلام عليكم
اني طول دفيت محمد من عليا
اني : ساجدة تعالي جاي
ساجدة متحشمة كانت😂
جي محمد شدها من ودنها
محمد : في شي اسمه طقي باب ولا
ساجدة : محمد والله اخر مرة معاش معاودها توبة غير نحسابك مهناش
اني : باسر اطلقها
نحساب محمد بيركني كف ع الكلمة😂
محمد : حاضر
وطلقها
ساجدة مصدومة مازال
ساجدة : خيره الصالون علاش من كان راقد غادي
اني خلاص وجهي بدي الوان الوان
اني : ااه ماه اني ومحمد كنا نتفرجو ع فيلم في الليل ورقدنا غادي
محمد شبحلي ويضحك 😒
ساجدة : اها 😂 غير جاية بنقول لفرح تكلمك يا محمد وتقولك توصلني قصي وملك معندهمش جامعة يوم
محمد : انزلي لوطا نبدل ونجي
نزلت ساجدة ومحمد سكر باب
وقعد يشبحلي
النهار المبارك شن في اليوم يا ساتر وخلاص 😭💔
شدني من يدي
محمد : قاعد مكملتش كلام امبكري
اني : نعم نعم محمد تفضل
طبعا درت روحي قاعدة متنكيطة من لقطة امس
محمد : يجيب ربي نلقى شعرك طالقتيه لواحد غيري
اني عيوني كانو خوف
محمد : فاهمة
اني هزيت براسي اي وهو طلق يدي وجريت مشيت نضم فدار
هو كيف خاش حمام
محمد : وتيلي فطور شوية ونجي
وغمزلي