يوميـات زوجيـة 1 ♥️

32

اني شفت محمد يلم ف حوايجه ف شنطة
اني : وينن
محمد : جهنمممم
اني : ندوي معاك ولاا !
محمد : مش تبي تتطلقيي !!!
اني : اممم
محمد : هي مخليلك ليبيا وبري تطلقي مع روحك
اني : شنو
محمد : تو نوري عمك اني ماشي عندي مؤتمر صحفي ف بريطانيا ، تعرفي اسبوع فات قالولي تمشي ! قلت لا باش نقعد مع حضرتك بس تو نوريك اني ماشي وخلي تنقلب بيا ويصير يلي بيصير ومحكمتك يلي بعد غدوا !زبطتي اوقفي بروحك وتطلقي من الحيط تي لما نخليك تتمني الموتتت
اني : تي شن تخرط يا مختتش
محمد قام شنطته ونزل لوطا
محمد : اممي اني ماشي
بتول: وين
محمد : عندي مؤتمر صحفي ف بريطانيا
اني : محمد اصبر
محمد : هي باي
طلع محمد وكان متكنطي هلباااا اني قعدت ف دار ونفكر ف شي يلي صار ونبكككي استرجعت كل شي كيف محمد كان يتقرب مني ويبي يصلح غلطته واني زي غبيةةةة نتجاهل فيههه
خديت نقالي واتصلت بيه فصل عليا قريب ستة مرات لن رد
__________
محمد
مشعارف شن جاني بس اني درت هلبا باش نتقرب من فرح معقولة محكمتنا مازال عليها يوم خديت شنطتي وماشي ركبت سيارة اقصى سرعة كنت نبي نتفكى من روحي كرهت كل شي
اتصلت بيا فرح قعدت نفصل عليها لن رديت
محمد : خير عمككك
اني : محمد
محمد : ماتت
اني : بالله عليكككك بالله عليككك ارجعلي نترجى فيك ارجعلي
محمد : مش رااجععع بنموت بنطير مخصكش ف اممممي
اني : محمد حبيبي نوعدك معاش بنجبد سيرة الطلاق وعدد
محمد : تقولي طلااق تيييييي..
اني : شنو محمد
محمد : تي اني نموت فيككك زفتتت طلاق شنو هادا
اني ونبكي : اني نحبك نحبك محمد متخلينيش بالله عليك ارجعلي محمد نحبك نبي نعيشو حياتنا
محمد : فرحححح وعلاش طولتي باش قلتيها زفتت
اني : اني يلي طوولت ولا انتتتت
وفجاءة نسمع صوت قوووي ونتصل بمحمد نقاله مغلق
مر نص ساعة وني نعاود ونقال مقفل
نزلت لوطا للعيلة ونبكي
اني : قصي محممد
بتول : شن ففي خيره حميدة
اني : مشعارفة حاسة بشيي بالله كلموه يجي
قصي : خلاص فرح اهدي معاش تبكي تو نكلمه
اتصل قصي بمحمد
قصي : مغلق
اني : يا ربببي محممد
ساجدة : فرح خيرك عاد اكيد نقاله سكر شحن😂
اني : مش قصة شحن اني سمعت صوت بنموت انني
ملك : فرححح صوت شنو
___________
ف مستشفى
الممرض : ف طريق السريع السيارة مقلوبة ف الوادي وسائق شكله كان سايق بسرعة
الممرض2 : في حد كان معاه؟
الممرض : لا لا هو بروحه ونبضه ضعيف هلبااااا
الممرض2 : نقاله ااي شي معاه
الممرض : ننقاله ملقيناش سيارة متحطمة كلهاا وهو ميتنفسش ركبناله تنفس صناعي ، لقينا رخصته وجواز والفلوس هادم
الممرض2 : تتمام بسرعة ع غرفة العمليات
كان في شخص مار
؟؟ : ي ممرض ممكن نعرف من هادا ؟
الممرض : اصبر نشوف الرخصة متاعه ، اسمه محمد ال^#^@*
؟؟ : لا حوول الله
الممرض : تقربله ؟
؟؟؟ : لا بس نعرفه
الممرض : كلم عيلته
؟؟؟ : تمام
.
شرين نقال قصي
قصي :هادا ادم يستر ربي
ادم : ايوا قصي
قصي : ادم
ادم : قصي والله اممم
قصي : خيرك ادم ادوي شن في
ادم : محمد
قصي : تي خيره محمد
ادم : دار حادث وحاليا ف غرفة العمليات
قصي : حااادث ويننن
ادم : ف مستشفى ^@^@&
قصي : اهو اني جاي
اني : قصصصي حاادث محمممد ، قصييي خوودنننني ليهه
اني طحت ع ارض وقعدت نبكككي
بتول : ي وليددددي وووه
ملك : يا رب محممممد مصارله شييي
قصي : فرح المستشفى بعيدة خليكم اهني اني بنمشي ونجي
ام محمد : والله ماني قاعدة بنمشي معااككك تي ولددي هادااا محمد هادااا
العيلة كلهم يبكو منهارين
قصي : انتم خليكم مع جداااي ، فرح ساجدة ملك هيا معاااي شوية هكي ونرجع نجيبكم
ام محمد : والله لا
قصي : يا امي جداي ف دارها كيف تقعد بروحها وزيادة تسمع ان محمد هكي صارله ! شن حيصير فيها شدو روحكم شوية وادعوله
ركبت اني وباقي للسيارة وقلبي ف يدي ع محمد 💜
اني: يا ربي محمممد يا ربي م يصيرله شي اني نبي محممد
ملك : فرحح محمد يحبكك هلباا
اني : نعرف قاللي ي ملككك اني منحوسةةةةة هو قالي من اهني ترزيت فيه من اهني
قصي :لا حول الله معاش تفاووولي
_____
طلع الدكتور
ادم : شن ي دكتور طمني
الدكتور: شن بنقولك ! مفيش امل حتى واحد ف الميه انه يعيش مفيش اي استجابة احني حنديرو يلي علينا
ادم : لا حول اللله
وصلنا مستشفى وخشينا
قصي : لو سمحت عندنا مريض دار حادث توا جابوه اسمه محمد ال^@
الولد : اا اي اي تلقوه ف العمليات قاعد دور الاول
مجرد وصلنا دور اول شبحنا ادم مقعمز ع ارض
قصي : ادممم شن في
اني : متقولليش مااات
ادم شبحنا نبكو
ادم : لا لا شي حالته كويسة
اني : ي رببيي
قعدنا شوية نراجو
لن طلعو دكاترة ومعاهم محمد
اني : شنوو وين وين حترفعوههه هادا محمد متاعي وين شن بنخسره !! خلووه ردددوه
الدكتور : شدوها يا اختي مش مكان عياط هادا تبي تبكي الحوش احني اهني نديرو ف عملنا والباقي ع ربي
الممرضة : اهدي ي مدام
قصي : شنو ي دكتور وين رافعينه
الدكتور : خاش ف غيبوبة حالياا غير الحادث يلي داره ، كان صايرله ارتفاع ف الضغط وهلبا
اني : شنووو غيبوووبةةة
ونجي دايخه ع قصصي
فقت لقيت روحي ف غرفة راقدة ع سرير وبحداي امي وام محمد العيلة كلها جيش 😂
اني : قصيي محمممد وينه
قصي : اهدي مرة خوي محمد حيرجع حاليا قاعد ف i.c.u " العناية الفائقة " ومانعين عليه الزيارة 💜
اني : ياربيي كلههه مننني من قالي نطول عليه لساننني اني نحبه هلبا علاش كابرتتت وتوا حنخسره ، معاش حيقعدلي حددد
بتول: فرح حبيبتي مش هكي يصير كلنا متوجعين اقسم بالله بس مفيش شي نديروه غير ندعوله
ابراهيم : فرح نوضي نوصلك الحوش مفيش داعي تقعدي شروق وروان وملك وباقي البنات كلهم ف حوشكم غادي نوضي هي
اني : شنوو تبيني نمشي مستححيل اني بنقعد اهني
ابراهيم : تي شن حتستفيدي نوضي روحي انتي ونساوين اني وقصي بنقعدو
اني : مستحيلللل قصي نوض وصلهممم اني قاعدة نبي محمد
مشي قصي بروح بامي وبتول وباقي نساوين لحوش وابراهيم نزل لوطا شوية واني قعدت قدام غرفة العناية لن طلع ممرض هكي صغير شكله
اني : اسمعع
الممرض : نعم
اني : راجلي الداخل بالله عليكك نبي نشوفه نبي نخشله
الممرض : اسف ي انسة منقدرش
اني : بالله عليككك اني بنموت ونشووفه
الممرض : ي انسة انتي غير اهدي وبطلي بككي وادعيلة
اني : خلاص هل معاش بنبكي غير دخلني ليه بسس 💔 نقسملك بالله خمسة دقايق نشوفه بسسس ونطلععع
الممرض: اممم تمام خمسة دقايق
اني : حاضر
اعطاني الممرض حاجات نلبسهم لان العناية معقمينها وخشيت وقلبي تكككسر كيف شفت محمد راقد ع سرير ومركبينله الاجهزة وهو راقد زي الملاككك تفكرت عيونه مشيته ضحكته قعدت نفكر بس ان هو حاليا ف عالم تاني بروحه مرات نفقده مفيش امل اني نرجع نعيش معاه تحطمت هلبا اننني
اني قعدت نبكي ومتكلمتش معاه بكككل
الممرض : يا انسةة خلاص شفتيه ولا هيا اطلع
اني هزيت براسي حاضر وطلعت
مرر اسبوع ومحمد ع نفس الحال واني مخليتاش بككل ع امل انه يفيق ويقعد معاي كنت يوميا نخشله ونهدرز معاه هكي قالو الدكاترةة ، بس هو مردش كان راقد زي جثة محركش لا يده ولا رجله شي💔 تعبت اني هلبااا وعانيت هلبا ف هادا الاسبوع لا نومي زي ناس ولا ماكلتي زي ناس
اني : ملك خليني اني شوية نخشله
ملك : تمام خشي انتي الاولى وني بعدك
خشيت لمحمد وقعمزت بحداه وشديتله يدههه حضنته بالقوية
مر عليا سيناريو علاقتنا كلهههه من وين م تزوجنا ل تواا
اني : محمممد اني نحبكك هلبا استاحشت كل شي ضحكتك يلي بالجنب وكيف تمسح لحيتك وكيف تمس شعري وكيف تنوض تكسر وتعيط عليا ومشيتككك محمد بالله عليكككك ارجععععلي انت روحي وكل شي نبي نكمل معاك حياتي ونجيبو صغار الدكتور شبه يوميا يقولي مفيش امل منه متحاوليش بس اني متاكدة انت حتنوض وترجعلي..