اني : بنسالك بالله
محمد : شنو
اني : ليش واخدني ؟؟؟ مدامك متبيش علاش ؟ ولا بتدمرلي حياتي هكي وخلاص
محمد قعد ساكت
اني : هه معندكش جواب ماه تحساب كل الناس زيك عديمين احساس
محمد : فرررررح
ونقز عليا شدني من وجهي
محمد : سكتتلك هلبااااااا احترمي نفسك والزمي حدودك واعرفي شن تدوي ومع مني فاهمممة!!
ودفني ع كنبة
اني مقدرتش ندوي ولا شي قعدت نبكي لليل كله لن رقدت ع كنبة
مرو اسبوعين ومحمد شخصيته باردة اتجاهي قد مجاولت نتقرب منه يسمعني نفس الكلام زواجنا ع ورق بس مشعارفة اني بديت نحبه محمد وحابسة شي هادا ولا كيف ؟؟ ومشفتش اماليا قضيتها مكالمات بس وغادة اماليها وافقو ع زواجها لاكن مازال موضوع مش رسمي ناس كلها تحسابني ني ومحمد فرحانين الا جداه وامه نحسهم شاكين شوية 💙
جدة محمد : غدوا ارفعها حوش اماليها حرام
محمد : حاضر وباسها ع راسها ومشي
تاني يوم صبح
اني فقت غسلت وبدلت ودرت شعري ومكيجت
اني : محمد فيق وقت شغل
محمد : مش ماشي يوم
اني : 😨 ترا مس راسك سخون؟
محمد : شنو ؟؟! مش ماشي
اني : لاهي نازلة ندير فطور
نزلت ولقيت عيلة كلها فايقة وملك تدير فب فطور خشيتلها وبدينا نهدرزو😍💜
شوبة هكي نزل محمد
قصي : ساجدة اقرصيني كاني شفت خيال محمد
ساجدة : حي محمد قاعد لتوا الخدمة
ام محمد : مشاء الله شن صاير محمد قاعد
محمد : خيركم انخلعتو ناس تقول صباح خير
ساجدة : صببءااح خيءءر
محمد شبحلها شوية بعدين قال : صباح نور
اني وملك طلعنا فطور
وقعمزنا فطرنا
بعدين لمدت صفرة وباقبن يهدرزو بعدين ركب كل واحد لداره وقعدت نغسل في الماعين
وكملت غسل طلعت برا انضربت في راجل ملاك اسامة وطاحو منه باكوات اني طبست قمتهوله كانت دبلة شكلها حلو ونازك هلبا 💜 اني فرحت قلت اكيد لملاك واعطيتهوله
اني : تفضل
اسامة بتوتر : ااااا اا ششكءءرا
اني قعدت نشبحلة ومستغربة
ركبت فوق داري لقيت محمد راقد ع سرير وساد ريموت ييغير وساعة كانت عشرة مازال بكري
تحشمت نجي نرقد حداه قعدت واقفة
محمد : نعزمك باش ترقدي
اني : لا لا كنت طالعة
محمد : لا خليك
اني : علاش شن بندير
محمد : نبيك تقعدي اهني بس
اني : محمد كساد بنمشي نهدرزو او نديرو حل
محمد : مفيش واطلقي شعرك خليه مفتوح
اني : واللهي ليا ساعةة نلم فيه
جي محمد وجبد التوكة من شعري
محمد : هكي احلى
اني : 😒 اووف باهي نبي نمشي
محمد : قلت لا غايب ع خاط...
بعدين سكت
اني : شنو
محمد : شي شي هدرزي معاي باه
اني : اني نهدرز معاك😂
محمد : شن في يضحك
اني : انت شن بنهدرز معاك
محمد جبدني من يدي وقعمزني في سرير وقعمز حداي
محمد : ها هدرزي مش بتهدرزي مع خواتي هدرزي معاي اني هي
اني : تي شن بنقولك اصلا قداش مازال باش ينتهي زواجنا ولا كيف
محمد : اممممم وتي روحك بنمشو حوش اماليك بعدين
وطلع برا دار
تعرفو اني غبية😂 وقت محمد يبدا كويس ويتقرب مني نقول حاجات غبية لاكن فرحت هلبا ان بنمشي لامي 😍
مشت كلعت لروحي بدلة وحددتها
خش محمد وطلع بدلة
وحددتهوله واخيرا اعطاني نحدددله 😂
شوية جي ضربني ع راسي
اني : ااي محمد خيرك
محمد : شن قتلك ع شعرك
اني : ها هكي كويس
محمد : اي احسن
ومشي قعمز ع سرير وني قعمزت نساوي في شعري
محمد : تي معاش تمسيه
اني : الله شن نخليه هكي امالا😒 بنجبده
جاية بنطلع من دار
محمد : شن قلت مفيش طلعة ولا
اني : اووف محمد نحبش نقعد هكي وخلاص نمشي ندير دورة بالك يبو حاجة
محمد : لا
اني : اووف باهي
محمد : على من تتاففي
اني : ااه لا شي 😑
قعدنا ساكتين شوية
اني طلعت كارتة من شنطتي
اني : اسمع بنمشي نلعبو كارتة باهي
محمد : وااك😂 تعرفي تلعبيها
اني : مالا شنو
محمد : تعالي نعطيك شوط ونشوفو
اني : انت واني تبصر وولا
محمد : جيبي كارتة ونعرفو😂
اني : هي لحظة نلم شعري
محمد : تلمي امك خليه مكانه
اني : محمد بيضايقني هكي مش حنقدر نلعب ولا خايف تخسر 😂
محمد : لميه باه اصلا لو خليتيه حنسرح ومش حنعرف نلعب
اني : شنو
محمد : هيا جيبيها وينها
بديت اني ومحمد نلعبو واول شوط فزت اني
محمد : طلعتي واعرة
اني : باش تعرف بس 😂
شوية خشت ساجدة
ساجدة : حي محمد يلعب
اني : خشي زودي خشي 😂😍
محمد : تعالو باش تخسرو
جو قصي وملك
اني : تفضلو العبو حتى انتم راجو خنفرش طاولة ارحي 😂
ملك : لا شكرا بنشوف بس نعرفش نلعب
قصي : هي وسعو جاكم الكاسح
محمد شد قصي وبدي يناشب فيه من شعره
محمد : كاسح شنو قصده طياح سعد😂
وبدينا نضحكو باعلى صوت
لن جو باقي العيلة كلهم في دار واحني نضحكو
اني كنت فرحانة هلبا
ام محمد : مشاء الله شن هالعياط😂
جدة محمد : هاتو نوضي يا ساجدة بنلعب مكانك
محمد : اووووو بنخسر راه
اني : حي حي هي جتكم الكاسحة 😂😍 وسعو
قعدنا نلعبو مسافة طويلة
محمد غمزلي واشرلي ع ساعة
قتله ساعة 2
محمد : هي يا عيلة تفضلو العبو في جنان بنبدل اني والمدام بنطلعو
العيلة كلها شبحت لمحمد ومستغربين كيف قال عليا مدام اني بروحي شهقت
اني : شنو
ساجدة : اوووو
قصي : والله صح اووو 😂
بتول : حتى اني اووو
أنت تقرأ
يوميـات زوجيـة 1 ♥️
Romanceبنحكيلكم قصتي طبعا اني اسمي فرح وعندي اخ واحد اكبر مني اسمه ابراهيم متشدد شوية معاي متزوج ومرته اسمها شروق وهي متقربة مني هلبا ونحكيلها في كل شي 😍💙 وعندهم ولد عمره ثلاثة سنين اسمه علي نحبه هلبا وخوي ساكن فوقنا طبعا بوي يونس وامي وردة حنينين هللبا...
