يوميـات زوجيـة 1 ♥️

10

لقيت غادة باعتتلي الصور قبل منفتحهم قعدت ندعي مية مرة ميطلعس ظني صح
خشيت ع فايبر وكانت صدمة نفسه اسامة يا ربي شن ندير توا معقولة هالانسان وصلت بيه الحقارة يدير هكي خفت هلبا ع ملاك لانها تستاهل كل خير 💔 بس شن ندير توا شن الحل لمن نشكي همي
بعتت لغادة رسالة ع فايبر
اني : غادة حبيبتي مفروض تشكري ربك انك عرفتي حقيقته قبل ميصير شي رسمي الحمد لله متزعليش
غادة :لا فرح معقولة شن تقولي اكيد غالطة
اني : عارفاتها صدمة بس اني معاك اهم شي كشفتيه توا
غادة : يا ربي كيف فرح مستحيل كيف هو نفسه 💔
اني : غادة افرحي تو خليك عادية هلبا معاه باش متصيرش مشكلة لن نكشفوه قدام الكل
غادة : اي الحمد لله اني عرفته ع حقيقته
اني : ايوا افرحي توا يناري ع ملاك يلي هو يكون راجلها 💔
غادة : اني قاعدة مش مصدقة
اني : خلاص غادة
قعدت نهدرز مع غادة شوية وسكرت ورقدت
تاني يوم فقت بكري
دوشت ودرت شوية مكياج صلحت شعري ونزلت لقيت جدة محمد وبتول فايقين
خشيت صبحت وع كوجينة طول وتيت فطور 💙
شوية نزلو الباقين الا محمد
وحطينا الفطور
نزل محمد
بتول : صباح الخير حميدة
محمد : صباح نور
قعمز محمد بيفطر
قصي : حي محمد لقيت باكو سبسي بتاعك محذوف اهني
محمد : لوحه
قصي : جديد راه
محمد : لوحه معاش ندخن
ام محمد _ قصي _ بتول _ ملك : شنووو
ساجدة : يا ساتر يا ساتر شن شن في
محمد : خيركم
ملاك : غريبة محمد قد محكينالك مسيبتاش دخان
محمد : لا شي اكتشفت ان تدخين ضار بس ولا شنو دكتورة فرح
وشبحلي وغمزلي
ساجدة : اها فهمت توا 😂
اني كنت نحاول نتهرب من محمد لان موقف يلي دارهولي تاع المكتب مستحيل ننساه ومن جهة تانية كنت نفكر في اسامة وكيف نكشفه
كملنا فطور وخشيت ع كوجينة نضم
شوية جي محمد اعوذ بالله قعد واقف ويتامل فيا
اني : اممم محمد شن تبي في شي ناقصك ؟
محمد : لا شي
جي محمد شدلي يدي وباسها
محمد : معاش تعبي روحك مدامتي
اني انخلعت واستغربت يا ربي شن صارله ولد ناس هادا زعما ركبتله حرارة ولا شن
اني : م م م محمد شن تدير
محمد : مش من مدة قلتيلي قدام عيلتك خلينا زوجين متفاهمين ونحبو بعض ع اسااس
اني : اي بس توا مفي حد معانا 🌚💔
خشت ساجدة
محمد ضحك وهمسلي : ها توا في حد معانا 😂
محمد طلع
كملت نغسل في ماعين وساجدة تمدلي
محمد : اني طالع متبو شي
بتول : سلامتك
محمد : وانتي مدام متبي شي
اني : ااء لا لا سلاءمتك
وجهي بدي احمر قدام العيلة
مر وقت عادي جت ساعة اربعة وروح محمد واسامة من عمل حطينا الغدي تغدينا
خشيت بعدها ع كوجينة
جي اسامة
اني توترت هلبا
اني : تفضل
اسامة : محلاك وقت تكوني متعفلقة
اني سكتت وكملت نغسل في ماعين يلي متبيش تتم ونستغفر
اسامة : ااه من الحلو يلي يغسل
جي اسامة وقف بحداي وما اهتميتش بيه
اسامة : شن هالجمال عيون على شعر على جسم معقولة محمد فايت هادا كله
اني دفيته وخلاص طارتلي
اني : ابعددد منيي يا كلب يا حيووووان يا خااين "حشاكم"
وطلعت برا
اني : الانسان هادا تافهه
اسامة واقف ساكت ومطبس راسه
وباقين ساكتين ومصدومين
اني : صدقوني هادا شخص حيوان وبناوتي وميستحقش الاحترام ملاك صدقيني شخص هادا خاين مش ليك بكل انتي طيبة وبريئة والله هو خاين من يوم جيت للحوش شبحاته وتصرفاته غريبة قدامي وشكيت فيه والله يخون فيك ومشي خطب بنت غيرك ولبسها الدبلة والبنت اسمها غادة وتكون صاحبتي
جت ملاك وقفت قدامي
وضربتني كف
ملاك : اسسكتي سكري فمك مسد محمد هزايب واهانات وتوا انتي تي من تكوني باش تقولي هكي ع راجلي اطيب منه مفيش وقلبه حنين معاي مفيش مرة قتله نبي حاجة ومدارهاليش ليش انتي قولي علاش تديرو هكي
اسامة : ملاك حبيبتي اهدي عادي حياتي اهدي انتي متبكيش
ملاك : ها ريتي اهم شي عنده اني وتجي تقولي هكي خلاص اني معاش متحملتكم ياسر
اني : غر اسمعيني نقسم بربي كل يلي نقول فيه صح واني متاكدة
ملاك : خلاص بس ، اسامة قول ادوي
اسامة : ليش تكذبي يا فرح والله نحترم فيك هلبا ومعتبرك اختي بس حركاتك يلي تديري فيهم قدامي خلاتك تطيحي من عيني ليش تحاولي تتقربي مني ديما كل يوم
ملاك : ها سمعتو وانتي يا فرح استغليتي الموضوع ليك اني خلاص يا اسامة معاش بنقعد اهني حبيبي خلينا نركبو نوتو حاجاتنا
اسامة : لا حبيبتي اهدي العيلة مدخلهاش لو هي مش محترمة نفسها مدخلناش
طبعا اسامة قال هكي يبي يقعد ف الحوش ويجيه اي شي بالساهل ويستفزني اني
ملاك : اسفة حبيبي وحقك عليا ؛ محمد ادوي محمد ليش ساكت ادوي شي معاها مرتك هكي طلعت
اني : محمد صدقني كل يلي نقول فيه صح منكذبش اني ليش بنكذب عنديش صالح اصلا
ملاك : ياسر ونبي اسامة خلينا نركبو دارنا حبيبي
ركبت ملاك واسامة لدارهم ومحمد ركب دار وباقين ركبو
ساجدة : ليش يا فرح والله م نحسابك هكي
وركبت
اني : قصي اكيد انت مصدقني والله ما نكدب ومعنديش صالح اصلا شن بنستفيد نقسم بربي الراجل هادا كذاب 💔
قصي : عارف عارف اني اصلا مش مرتاحله شبحاته وكل شي انتي احكيلي شن صاير شن صار وكيف عرفتي
اني حكيتله كلشي
قصي : باذن الله حنلقو حل غر اصبري
اني : يلي وجعني محمد ونظراته ليا 💔 معقولة مش واثق فيا ليش يا قصي ليش
قصي : كل شي ليه حل حينفضح صدقيني فرح
اني : امم تمام خليني نضم اني واركب اقرا
قصي : تمام
كملت ضمان واني متكسرة هلبا من نظرات العيلة ليا ومحمد يلي موقفش
معاي ركبت فوق لداري لقيت محمد مقعمز في كرسي وساكت
اني جيت قعمزت بحداه
اني : محمد انت مصدقني ولا اني اقسم بالله مستحيل ندير تصرفات زي هادي محمد علاش ساكت ادوي 💔 بالله عليك متسكتش ؛ والله هو كذاب باهي اني عارفة ان اني في نظرك وحدة متنعطالهاش الثقة وانك تحسابني نمثل دور البراءة بس حتى ولو كنت هكي متوصلش بيا نخون راجلي مع راجل اخته والله مستحيل يا محمد واهو ربي فوقي وعارف
محمد ساكت ومتكلمش
اني قعدت نبكي وقعمزت في سرير
محمد نزل لوطا ونادا ع العيلة كلها ابصر شن بيقول اني فرحتتتتتت هلباااااا
20
محمد : فررح
اني : ننءعم
محمد : اسامة وملاك
اسامة : نعم محمد
محمد : فرح اعتذري ع كل شي درتيه اني مكنتش متوقعك هكي
اني ونبكي : محمد لا مستحيل علاش متبيش تصدقني اني مدرتش غلط باش نعتذر
محمد : اعتتتذذري
اني : اااني اسفة
محمد : ملاك سامحيني بالنيابة عن فرح ونوعدك خلال الاسبوع هادا حندير حل يريحك انتي واسامة وانت اسامة اسف ع يلي داراته مرتي ليك
* اني انصدمت هلبا منحسابش محمد غبي هكي
مرو اربعة ايام ممكن من اسوء ايام حياتي 💔 ملاك مكانتش تدوي معاي بكل كانت محتقرتني هلباا واسامة مداير فيها البريئ وكل مرة يتقرب مني ويحذف في الكلام وباقي العيلة ميدوش معاي هللبا مش زي قبل بكل قصي الوحيد يلي كان فاهمني اما محمد بعد مني هللبا متكلمش معاي بكل اسلوبه جاف معقولة وصلت بيه يحسابني نخونه وغادة سيبت اسامة وهي فرحانه مش زعلانة الحمد لله💜
اني : محمد صباح خير
محمد : وتي الفطور تو ننزل
وتينا الفطور وقعمزنا نفطرو ع سكوتي
بتول : اليوم كلنا ماشين لحوش ربيعة
محمد : ليش
ملاك : حميدة ضروري نمشو كلنا ولدها مداير حادث قداش ليه وممشينالهاش وهي ديما تجينا
محمد : تمام قصي يوصلكم
ساجدة : حتى فرح بتمشي معانا
اني : .....
ملاك : امالا خلاص مش ماشية
اني عرفت ملاك متبيش تمشي بسببي
اني : امممم لا لا مش ماشية تاعبة هلبا يوم برو انتم وني تو نقعد
بتول : تمام
محمد : هي اسامة نوض خدمة
مرت كم ساعة هكي وهما مشو
شرين نقالي 📱
اني : الو
محمد : شنو من معاك
اني : شني مني معاي
محمد : في الحوش طلعو ولا مازال
اني : ااه اي طلعو اني بروحي
محمد : باهي باه
وسكر عليا خيره هادا
واني نسيت همي وتفكرت هم قصي يناري كان واقف معاي طول مدة فاتت ونسيت نكلم البنت يلي يحبها فجاءة خطر فبالي نعاود نتصل بيها والحمد لله ردت 💜
اني : الو سلام عليكم من معاي
البنت : قوية من معاي انتي متصلة يا اختي اني رنا
اني : انتي حبيبك قصي ؟
رنا : مني انتي ومن وين تعرفي قصي ؟!!
اني : شوفي اني مرة خوه ونعرف كل شي بنسالك انتي تحبيه قصي
رنا : مهما كان اني توا انخطبت لولد عمي وحنتزوجو شهر جاي
اني : قصي يحبك
رنا : واني كنت نحبه بس خلاص تو خطبني ولد عمي
اني : برايك هادا اسمه حب ؟!!
رنا : يلي هو ولد عمي روح من بريطانيا وطلب يدي شن بنرفض
اني : اها روح من بريطانيا صار
رنا : اي ومعاش تزعجوني خلاص اني قصي معاش نحبه شن هادا
اني : تعرفي تزيدي حرف ناخد محادثتك انتي وقصي من نقاله ونمشي نوريها لاماليك يا قليلة الادب با عديمة المشاعر اربعة ولا خمسة سنين وقصي يحبك ومنقصش عليك شي وانتي زي كلبة بس اصبري علاجك عندي اني يا مريضة لما نوريك
وسكرت عليها وهي قعدت تعاود وحطيتها في قائمة الحظر المهم الكلام يلي قلته مجرد زعل وغضب 😂 وهي كنطتني فشيته فيها
___________
محمد : ادددمم
ادم : نعم استاذ محمد
محمد : ناديلي اسامة
ادم : حاضر هي
(^～^)
اسامة : نعم محمد
محمد : عندي ملفات في الحوش برا جيبهملي قول لفرح تعطيهملك
اسامة : اني
محمد : ايه ع سريع
اسامة : حاضر
طلع اسامة وشوية تانية 💙
محمد : ادم اني طالع عندي شغل
طلع محمد من شركه واتصل بقصي
محمد : شنو الامور ميه ميه وين انت
قصي : اهو زي مبعتلك في رسالة قريب نوصل الحوش يا نمر 😂
محمد : هي تمام
________
اني نزلت ع كوجينة كنت جيعانة واتصلت بغادة
اني : كويس يلي اتصلتي مضايقة
غادة : تعرفي تعبت وني نفكر كيف نلقى دليل ع هالكلب
اني : محمد شبحاته ليا قتلتني
غادة : باهي نكلمه اني محمد نقوله اني صحبتها وكلامها صح
اني : ههه ماه بيقولي انتي قلتيلها تقول هكي شن هالذكاء 😂😒
غادة : اي صح مفكرتش خسارة صور الخطبة يا حسرتي وجعني قفطاني 😭
اني : صور الخطبة ؟؟ قصدكم تصورتو
غادة : تي اي
اني : وصور وين وين
غادة : في المصور مفروض نستلموهم اول امس
اني : ووه تي ليش محكيتيش هكي من الاول راه انحلت المشكلة
غادة : لحظة نتصل بالمصور ونساله لو صور عنده
اني : هي بسرعة
سكرت غادة وشوية تانية عاوتلي 💙
غادة : طيح سعدنا صور خداهم الكلب هاداكا
اني : امممم مدام خداهم اكيد حاطيهم في مكان اهني
غادة : بالك
اني : اني توا بروحي في حوش نمشي ندور داره باهي
غادة : طمنيني شن صار
اني جري على داره
ونكتها كلها في نهاية لقيتهم في شنطة تاع الخدمة في دولابة طلعتهم ونتفرج عليهم وني نضحك 😍😂
فجاء حد شدني من شعري
اني : انتتتتتتتت
اسامة : اووووو صار المدام الحلوة تنكت في حاجاتي وهاتي صور هادم جاي .......