الحلقة 33 والاخيرة ♥️
متحاوليش بس اني متاكدة انت حتنوض وترجعلي
اني شفت لمحمد وكان راقدد وقعدت نبككي وحطيت راسي بحداه ف سرير وفجاءة نحس حد يمس ف راسي ويقول فرحح بصوت واطي وتاعب هلبااا
ونشوف محمد نحيت الفوطة من فوق عيونه ، كانو حاطينله زي شاش باش كان فتح عيونه الضي ميضربلاش الشبكية ، لمهم نلقاه بدددي يفتح عيونه شوية شوية ويردد ف اسممي ! فرحتي معاش لقيت نعطيهاااا لحدد وجريت جري البرا
اني : ي دكتوووور وي مممرضينننن الحقووو محممد فاااق بسرععععة
ملك : شنوو محمد فااق حي علياا بنتصل بالعيلة وقصي حي عليا شن ندددير يا فرح
الدكتور : انتي ي ماما راجلك اثر ع دماغك ، تي قلنالك مستحيل بنوض
اني : انت يلي شكلك واخد شهادة بالواسطططة برا شوفه توا يبدا كويس ويفشخك طريحة يوريك شن معناها مينوضش
ملك : فرح اهدي بتضربي الراجل 😂
اني : ماه درهلي كبدي ، ليه اسبوع هكي يغني مقدرتش نرد عليه قبل بس توا نوريهه
خشو باقي دكاترة وممرضين لمحمد وجو طلعوه من غرفة العناية اني كنت معاهم وشادة ف يد محمد ، ومحمد يفتح عيونه شوية شوية 💜
الممرض : وين ي انسة لو سمحتي ممنوع الدخول اهني شوية هكي ونطلعوه راجيه قدام الحجرة
اني : اما حجرة
الممرض : الحجرة رقم 206 الدور الثالث
اني : تمام ، حبيبي محمد نراجي فيكك فوووق باههي
ملك : حسني تحشمتلك😂 قدام دكاترة
اني : طز فيهممم اني معاش حنخبي شييي ع محمد وقدام الككل
قعدنا شوية نراجووو لن ركبو محمد وجو باقي عيلة خشيت اني مع محمد نهدرز معاه💜 كان مقعمز والممرضة تركبله ف تغذية
اني : تي خيرك ساعة تركبي فيها هاتيها ونبي تو نركبها
الممرضة : يا ماما هادا شغلي
اني : ونبي فوتيني قارية ستة شهور وتفشكي وجاية تضربي ناس ف ايباري غلط ، مش هكي يركبوها التغذية ! معليشي نبي رئيس القسم هادا ! مشلهدرجة الاهمالل
محمد : 😂😂 خلاص فرح اهفتي تعالي ركبيها انتي
طلعت الممرضة وكانت متكنطية
ومحمد يشبحلي لن معاش قدرت نركبهوله التغذية
محمد : شنو دكتورة فرح😂كنتي تتكلمي مع ممرضة بغرور لن حسيتك بتركبيها ف ثانية😂
اني : اي اي هو اني نركبها غير عيونك بس كان تسكرهم شوية
محمد : حاضر ها سكرتهم
اني : لا لا معاش تسكرهمم نبيهم ديما مفتوحات ياسر اسبوع مسكرات
محمد : حاضر ها هكي كويس شابحتيهم؟
اني : اي 😍
محمد : باه عادي نرمش ؟
اني : 😂😂 محمد : فرح نبي نسمع الكلمة يلي قلتيها
اني : امممم
محمد : الله ع الحشمة
خش قصي
قصي : مرة خوي كملتي نبي نشوف بو حميد هيا
محمد : ضروري منها قصي ف كل مكان يقاطعني ضروري 😂 بو الجن ميبيش يشوفك
اني : عيب عليك هو يبكي وقت انت ف غيبوبة
محمد : تعال ي برو
اني : بنخليك مع بو حميد اني
محمد شدني من يدي
محمد : لا لا خليك معاي
اني تحشمت هلبا قدام قصي
قصي : ههههي ي مااان اني موجود را😂ع اقل راعي شعوري يعني والله م يجي هكي نبي نتزوز النهار المبارك خلاص
محمد : برا نادي العيلة
قصي : تو تجي الممرضة تعيط خلي يخشو بالواحد
محمد : لا لا متخافش زعيمة الثورة فرح موجودة باش تعارك اي ممرضة😂
مشي قصي نادا العيلة وقعدنا نهدرزو 💜
شوية هكي جي دكتور بيشوف محمد
الدكتور: شن حالك استاذ محمد
محمد : خلاص ي دكتور نبي ورقة خروجي بنروح ياسر
اني : ويننن ويننن
الدكتور : مازاللل
محمد : شن مازال اني خلاص كويس
الدكتور : لا لا مازال تبي شوية عناية بعد اربعة خمسة ايام تروح
محمد : شنووو وراس امي الا غدوا بنروح ومدخلي فيكم
اني : محممد
الدكتور : تمام استاذ محمد بتروح بس بتهتم بروحك
الدكتور دار لمحمد شوية كشوفات ولقاه كويس ودارله خروج غدوا
محمد : هي ي عيلة نوضو روحو ياسر
اني : اي نوضو
محمد : ههي هي حتى انتي معاهم
اني : والله ماني متحركة من جنبك
ملك : فرح قداش ليك مرقدتيش ومكليتيش زي ناس نوضي روحي
اني : منيششش خلاص
ساجدة : خلوها خلوها😂 يبست راسها خلاص
اني : هي بااي
ام محمد : ربي ميحرمنيش منك ي وليدي بكل
وجت بتول باست محمد ع راسه 💜
بتول : باذن الله نجو الصبح
محمد : وين وين لا تجوني لا نجيكم اني صبح بنطلع ونجيكم
قصي : هي بو حميد تصبح ع خير
قعدت اني ومحمد بروحنا هدرزنا وضحكنا لن محمد رقد شوية واني قعمزت ف صالون 💜
خشت الممرضة فيقت محمد وغيرتله التغذية وطلعت💜
محمد : فرحح فرحح
اني : همممممم
محمد : فرحح نوضي ياسر مقعمزة معاي باش ترقدي ولا تكسدي معاي
اني : همممم محمد نعسانةة شوية بس نرقدد زيدني شوية ونوض ندير الفطور
محمد : فرح فطور شنو احني ف مستشفى را مش ف حوش
اني : اا محمد خيرك حبيبي تبي شي ؟ كنت تنادي فيا
محمد : لا سلامتك ساعة وني نعيط😂 وتقول فيل راقد
اني : خززي اني طلعت فيل؟
محمد : خنفكككر
اني : خززي
محمد : تعالي ارقدي ف سرير مترقديش ف صالون مش كويس ظهرك
اني : باش نطيحك😂 انت مريض
محمد : لا عادي
جيت اني قعمزت ف سرير بحدا محمد وشديت يده💜
محمد : نحبك هلبا يا فرح
اني : ااه ي ربي ونبي عاودها
محمد : نححبك
اني : ححي اسكتتت سمعت العيلة ف الحوش 😂
______
بعد مرور شهر 💜
محمد كان يعامل فيا كويس هلبااا وحنين واخيرا 💜 وملاك رجعت من سفر ومعاش مازال هلبا ع عرس ساجدة وملك بنديروهولهم مع بعض
في يوم جي محمد خاش للدار
اني شبحتله وفنصت
محمد : مدامتي زعلانة ععلاش الحلوة زعلانة
اني : حوول وخليني نطبق ف الحوايج
محمد : اممم حبيبتي زعلانة هلبا شكلها
اني : اااي
محمد : بس تعرفي تبدي احلى وقت تتعفلقي 💜
اني : ااي زيد تغززل باش نرضى مش حنرضى راه متحاولش
محمد : باهي شن ندير كنت تاعب من خدمة ورقدت
اني : مدخلييش انت وعدتني امي وقلتلي حنسهر حنسهر
محمد : باهي تو نسهر اليوم
اني : معاش نبي
محمد : ونجيبلك شكلاطة
اني : جيبها شكلاطة عادي وني مش حنرضى
محمد : باهي افتحي صندوق هادا شوف شن فيه 💜
اني خديته وفتحته ولقيت فيه ثلاثة شكاليط كندر
محمد : مازال نحيهم شوفي شن في تحتهم
اني نحيت شكاليط ولقيت زوز تذاكر سففر
اني : حححي محمممد تذاككر
محمد : بما ان اني وانتي محصلناش شهر عسل فحناخدوه توا ي مدام ف دبي بعدين اسبانيا
اني : الله😍
اني اضبطتت محممد
اني : نحبكك هلبااا
محمد : واهو توا رضيتي 😂 معناها غدوا تطلعي سوق وتشري شن لازمك لان طيارتنا بعد غدوا ي حلوة💜
اني : حي عليا خنوض نوتي حاجات
محمد : مازال مازال قعمزي ، نبي جائزة قبل
اني : شنو
محمد : بوسة
اني : مصححك نوض من قدامي خنوتي شنطتي احنس م نرجع نزعل
محمد : اصلا عادي تو ناخدها بالسيف😂
وناضلي محمد قعد يجري وراي
..
وهادي نهاية قصتي 💜 وزي ما تعرفو لكل نهاية بداية
ويلي نبي نوصلهولكم اهني ان مش ضروري تاخدي يلي تحبيه عادي الحب يجي بعد زواج ، والبنت تقدر تغير الراجل زي م فرح قدرت تغير محمد م تفقديش الامل طول حاولي وف نهاية ح تربحي ، وقصة ساجدة تعلم البنات ان متبعتش صورها لولد مهما كانت ثقتك فيه يعني مرات يجي يوم ويطلع ولد حرام يشهدر بيك ويوريهم لصحابه ، وقصة ملك مش ضروري تكوني انانية باش تحصلي يلي تبيه اهي ملك ضحت بحبها ع خاطر اختها بس ف نهاية خداته 💜 وقصة قصي ، يعني مفيش داعي الولد يكون يحب بنت لدرجة ميشوفش ف عيوبها وواثق فيها هلبا وهي تلعب من لوطا لوطا فلهذا ردو بالكم من نوعيات هادي 💜 وقصة ملاك مفيش داعي وقت تحبي ولد تحبيه ومعاش تقبلي تسمعي اي كلمة ضده قصدي صحباتك وقت ينصحوك اكتر من مرة عليه اكيد في حاجة متخليش الميه تجري من تحتك 💜
طبعا الرواية مازال فيها جزء تاني وحتكون فيه هلبا احداث مشوقة ومختلفة حنزله باذن الله 💜
أنت تقرأ
يوميـات زوجيـة 1 ♥️
Storie d'amoreبنحكيلكم قصتي طبعا اني اسمي فرح وعندي اخ واحد اكبر مني اسمه ابراهيم متشدد شوية معاي متزوج ومرته اسمها شروق وهي متقربة مني هلبا ونحكيلها في كل شي 😍💙 وعندهم ولد عمره ثلاثة سنين اسمه علي نحبه هلبا وخوي ساكن فوقنا طبعا بوي يونس وامي وردة حنينين هللبا...
