يوميـات زوجيـة 1 ♥️

17

اما عند محمد
وصلوه صور لما اني وصلت الحوش
فتحهم وشافهم واتفاجاء هلبا وتكنطا كسر نص الطاولة يلي قدامه وطلع يجري ركب سيارته وسرعة ميتين وميشبح في شي قدامه كلها خطوط حمر رقتله صفار
_______
بتول : اي فروحة شن جو اماليك
اني : والله كويسين هلببا
جدة محمد : اسم الله ساجدة شن لابسك
ام محمد : مشعارفة ليها ساعة تضحك بروحها
ساجدة : لا شي 😂 غر في شي حلو بيصير
بتول : انشاء الله خير يا وخيتي
خش محمد ونسمعو صوت حاجات تكسرت طلعنا من غرفة التقعميز نجرو
محمد : فرررح فرررح
اني : نعممم محمد شن في خيرك
محمد : وين كنتي اليوم
اني : خيرني مشيت حوش اماليت وجيت
محمد اعطاني بظهره ويجي يعطيني كف قريب اغمى عليا
ام محمد : محمد شن هادا
العيلة كلها واقفين يتفرجو مصدومين وساجدة تضحك
محمد : تعرفي اليوم وين اتاكدت ان اني متزوج وحدة متاحة للكل عارفة ماشية تتلاقي في جامعة مع صاحبك اكيد طبعا ؛ وجاية بتجبدي اختي معاك ؛ ماشية تتصيعي تي اني كيف وثقت فيكك اساسا
اني : لاءء محءءمد انتء فاهم غلط
ملك : محمد
محمظ : ولاااا حرررف اني سمعتك هلبا وتوا دورك بتسمعي تي انتي اكبر وحدة متصنعة متتكلميش طبعا خنقووللكم الاخت فرح اليوم ماشية الجامعة وتكلم في اولاد
جدة محمد : ياسر هبال
محمد : هي شوفو صور هادي شنو
ملك : شنوو كيفف
محمد : كييف جايك دور انتي اصبري تي لما نربي جد عمكم
رجع محمد وقف قدامي
محمد : شنو توا تبكي ولا لسانك كلاه الفار وحدة خاينة وكلبة تي تفووو ع هكي رباية وتبيني للكل انك كلاك تي كيف مفيش زيك ومن لوطا لوطا من ولد لولد ولا لما ميعجبكش هادا اكيد يعجبك تاني وشنو تبي تاخدي ملك معاك ولا تي ملك اني مربيها واشرف منك بمليون مرة اصلا اني شن متوقع من وحدة بوها ميت معندهاش من يربيها ع حل شعرها تطلع وتسوق بروحها وامها مش حتعرف كيف تربي بروحها اكيد الحوش مفيشي راجل تي انتي من وين جيتي الحوش بدت المشاكل
اني : محممد الا عيلتي رد بالك
اني وقت جبد سيرة اماليا طارتلي
بعدين هو نحى مني ومشي لملك جاي بشدها
اني : متكلمهاااش مش ذنبها هي
محمد : ومعترفة زيادة تي اني معنديش ليش بنكلمك قتلك شن بنرجعع بوك حي ونهزبه ع هكي رباية
اني : محمممد ياسر ديما انت يلي تتكلم بس تي شن تحساب روحك انت بس يلي كلمتك مسموعة انت بس يلي كلامك صح انت بس يلي كل شي تديره صح انت بس يلي معمرك تدير غلط شن رسول انت تي شن حاسب في روحك انسان مغرور وواخد في روحه مقلب ع فاضي
محمد جاي بيتكلم
اني : سكككر فمكك اني بنتكلم
كنت نبكي وندو معاه
اني : تحساب الناس عديمين مشاعر وقت تتكلم معاهم مش خوف منك راه ولا شي باه اني خود عليا الفكرة يلي تبيها بس ملك لا تي تفو عليك تشك فيها راجي هي اني تو نحكيلك شن صار
جدة محمد : اهدي بنيتي
اني : يا امي اني مش حنهدا لن نسمعه الحق وكل شي صار ويعرف اني ليش مشيت جامعة
اني حكيتلها كل شي صار حتى كتاع صطل الميه حكيتهوله
اني : ها ريت ملك يلي شكيت فيها لثانية هي شن وشن تكون تخلت ع حبها ع خاطر اختها ووقت جتها فرصة تحب حرمت نفسها ع خاطر خوها والولد كلمك برا شوف رسائل الفيس واهو اليوم اعطيته رقمك باش يكلمك ومكذبتش في ولا حرف عليك
بتول : مسستحءءيل
اني : مفيش شي اسمه مستحيل
ام محمد : ملك
ملك كانت تبكي
خش احمد وهالة باب شارع كان مفتوح
احمد : مفيش مستحيل محمد واهو قدامك وقدام العيلة كلها ويلي بيصير يصير اني نحبها ملك وزدت حبيتها بعد احترامها الكبير ليك انت وبراءتها وكل شي واني جيتك من الباب
هالة : وصور يلي عند محمد ساجدة صورتهم وبعتتهوله بعد تضحية ملك ليها دارت فيها هكي حسد عمي عيونها
اني جريت ع داري طول وطحت ع سرير وعيوني دموع كله ذكريات بوي والكلام الجارح يلي قاله محمد عليا
________
محمد طلع برا الحوش ومتكلمش ابدا اصلا هكي طبعه يغلط ويدرق وجهه برا الحوش
احمد : هيا هالة توا نمشو
هالة : تمام احمد باي رد بالك ع روحك ملك
ركبت ملك ع دراها وبدت تبكي وتفكر شن بيصير
وجت بتول ضربت ساجدة كف وريشتها
ساجدة : ايي يمااا 😭💔💔
قصي : ونبي زيدي عمها كان تقدري حولي تو نشد عمها اني كلبة
ام محمد : تي ياسر اطلقوها بتموت
بتول : ونبي خليني عليها تي توا شن بندير نعيك ولا كيف
ساجدة : اني مدرت شي غلط ديما انتم ملك ملك ملك واني دور البنت قليلة الادب الباير
ركبت ساجدة جري لغرفتها وسكرت الباب ع قصي جاي بيضربها
قصي : اممم فءء رح
جدة محمد : خليها ترتاح توا محد يكلمها
قصي : باهي اني طالع توا
ام محمد : باهي رد بالك ع روحك
خشت ملاك كانت في حوش صاحبتها
ملاك : خيركم شن في
حكولها شن صار
ملاك : معقوللة
_________
روان : اسمعي نحبهه والله نحبه
ريان : لا حول الله
روان : لا لا منحباش
ريان : ولا قوة الا بالله
روان : ريان ساعديني ونبي نبي نعرف
ريان : حتى لو تحبيه مض حيحبك انسيه هو يحب بنت وانخطبت مستحيل ينساها
روان : باهي وانتي سكرتي عمها طوول اووف بنبكي
ريان : كان وافقتي بكابتن الطيران يلي جاك احسن 😂
روان : امالا كابتن هو 😂 احول نهارات وشيباني شعره ابيض نم نحساب ولده جي بيخطبني مش هو
ريان : اس يوسف يتصل
روان : ايييححح
__________
اني سكرت نقالي وطول وقتي في داري جي الليل وتيت ساكو حطيت فيه شوية حوايج ليا وسيد هتلر قاعد مجاش
طق طق طق
اني : تفضل
ملك خشت وحضتني بقوية وهي تبكي
ملك : اني اسفة اسفة اسفة سامحيني كله بسببي
اني : اسس خيرك تبكي معاش تبكي مصار شي ملك واهو خلاص محمد انشاء الله حيوافق ع احمد وتكونو لبعض
ملك : شن تديري ليش شنطة هادي وين ماشية فرح متعدليش ع كلامه فرح تعرفي اني بدونك شي اقسم بالله وين ماشية
اني : مش ماشية مكان بنمشي حوش اماليا يومين يهدا الوضع ونولي
ملك : لا متمشيش ونبي
خشت ام محمد
ملك : ماما تعالي شوفي فرح بتمشي كلميها ونبي 💔
ام محمد : فرح يا بنيتي خيرك راهو محمد مقصده شي انتي عارفتيه لسانه هكي خليك اهدي
اني : والله مفيا شي ومش معدلة ع كلامه ماشية يومين حوش اماليا استاحشت امي بنبات معاها بس وحنرجع تخافوش 😊
خشت ملاك وحضنتني
ملاك : فرح ردي شنطة وصلي ع نبي
اني : عليه افضل صلاة وسلام ؛ اني وربي استاحت اماليا وذكريات بوي وكل شي في الحوش نبي نقضي شوية وقت معاهم ونجي ومش زعلانة او مضايقة وبالعكس فرحانة مفروض تفرحو ها ملك جايها عريس مفيش زيه ولا 😍
ملك : تضحكي وانتي حابسة في قلبك نعرف
اني : والله لا من كلام محمد امبكري تفكرت بوي بسس مش غير
واني كنت مغمومة وبنبكي وبنعيط ونخبط وكان محمد جي قدامي حنكسره ونفش فيه كل شي
ملك : ليش هكي فرح والله نبكي
ملك طلعت من دار تبكي
اني : مللك
ام محمد : خليها تو تهدا
ملاك : انتي زعلانة من محمد
اني : لا لا ابدا وليش
سكتو شوية
اني : اي حقا حبة امي خنعطيهولها شوية ونسيتها 😂😍
ام محمد : خليها فرح تو نمشي اني تعالي ملاك
طلعو من دار واني طحت نبكي وهما سمعوني
_______
احمد : اي يا امي في بنت عاجبتني ونبيها نبيك تمشي نخطبيهالي
ام احمد : غر شوية بسرعة هادي
احمد : تي كل شي واتي امي
ام محمد : اني عاجبتني وحدة ليك
احمد : ومن تكون هادي ونبي متقوليش بنت خالتك سالمة
امه : 😂 لا لا اخت محمد وقصي مش صغيرة بكل تانية ملك
احمد : تي تبصري ولللا 😍
وناض باسها ع راسها
احمد : تي بنرقص هندي توا
امه : غر خيرك تي حول مني خيرك
احمد : امي هي يلي نبيها ملك نحبها موت ونبيك تخطبيهالي
امه : تمام
احمد : تو نكلم خوها ونشوفه شن يقول باش نمشو بشكل رسمي
امه : حاضر من عويناتي يا غالي
احمد خش جري واتصل بملك ملك شبحاته ومردتش قعظ يعاود لن ردت وهي كانت تبكي
ملك : نعم نعم شوف بسببنا شن صار فرح حتمشي وتخلينا كله بسببي اني
احمد : تي غير اهدي قولي شن في
ملك : فرح زعلانة من محمد ماشية حوش اماليها
احمد : اسسس حبيبتي متبكيش كل شي حيكون كويس اهدي ونوضي توا صلي وادعي واني كلمت امي وموافقه عليك وكانت تبيك ليا يا كنتها باهي اهدي توا وفرح ومحمد حيرجعو فرح مفيش زيها وقلبها طيب وحترجع صدقيني خلوها تمشي يومين هادو احسن باش ترتاح هي
ملك : حقا حبيبي ريحتني بكلامك نحبك ربي مايحرمني منك
احمد : ااه هادا وين ارتحت بعد سمعت الكلمة😍💙
ملك : ماشية نصلي توا
احمد : تمام حبيبتي صلي وكلميني
ملك : حاضر حبيبي
________
اني وتيت حاجاتي وبدلتي وجاية بنطلع من حوش وناخدلي تاكسي فتحت باب شارع لقيت محمد قدام وجهي وقف حاط يده في جيبه ويشبح لحاجاتي وساكت
ام محمد : محمد وقفها
محمد وبكل برود : هي وين ماشية
اني : امي متزعليش نقسم بربي يومين بس وكان طارت تلاتة ونرجع استاحشت اماليا بس
محمد : راجي هي تو نوصلك
اني وقت سمعته هكي قال خلاص طارتلي منه مداير روحه كانه مش مداير شي ريلاكس ع الاخير
اني : شكرا ناخد تاكسي
طلعت من الحوش نحسابه بيلحقني او شي مدار شي
جدة محمد : والله يا محمد مش حنسامحك لو مرجعتهاش
محمد : لا حول الله هي خدت روحها ومشت شن بنربطها
ام محمد : اني تعبت من تفاهم معاك شن بيقول فمي بس بنت ناس مشت بسببك
محمد : مدرتلها شي
جدة محمد : اهو قتلك كان تحساب حياتك حتبدا ساهلة وحلوة من غيرها لا تو تشوف يا فرخ انت وتعال قول رجعوهالي
محمد : تصبحو ع خير ماشي نرقد
خش قصي
بتول : كويس يلي جيت برا فرح طلعت للرئيسي تدور في تاكسي اجري وصلها انت قبل متمشي في تاكسي
قصي : ليش وين ماشية هي
بتول : بتمشي حوش اماليها بطل اسئلة وبرا
اني كنت نراجي في تاكسي وقفت عليا سيارة ونزل مرش نحسابه محمد فرحت شوية بي طلع قصي وصلني حوش اماليا وكنت متحشمة نوليلهم شن بنقول
طق طق طق
ابراهيم : مني في هالليل
اني : اني فرح ي هيمو
ابراهيم : فررح خيرك شن في
جت شروق وامي
امي : بنتي خيرك شن في
شروق : فروحتي خيرك حبيبتي
اني : شي استاحشتكم وقلت لمحمد يجيبني حطني ومشي
ابراهيم : اي الكذب يشع من خمسة ميترو شن في خيرك طلقتو
شروق : تي اسكت طلاق شني اسم الله خيرك
اني : لا لا لا
امي : فررح ادوي وجهك رايح اصفر راه بنيتي ونعرفك
اني شبحت لابراهيم