يوميـات زوجيـة 1 ♥️

22

محمد : تمام
____
ايهم : قصيي
قصي : انعم ي برو
ايهم : وين رنا!
قصي : خشت محاضرتها
ايهم ضرب قصي بوني
ايهم : شن يلي درته؟!!!
قصي : تي خير امككككك يا راجججل
ايهم : روان؟! روان عارف مع اني نحبها ونموت فيها بس بعد شفت حبها ليك وتحملت كل الاهانات ! باش تنقذك من رناا
قصي : راككك تجيب سيرة رنا ف لسانك احسن م تشوف شؤي ميعجبكش
ايهم : تمام احني شن خاسرين ؟!
قصي : به ما خاسرين شي
ايهم : تمام عندي ولد عمي كيف مروح من ايطاليا غدوا نكلمه يجي جامعة زويش يقعمز مع رنا ف كافتيريا شن رايك ؟! ونقدرو نعرفو رنا ولا روان يلي تحبك؟! وهي سلام عليكم
مشي ايهم وكان متكنطي هلباااا
_________
نسرعو الاحداث شوية تاني يوم 💜
محمد قالي متفيقينش لانه مش ماشي خدمة بيوتي لخطبة ملك
عند قصي ف جامعة دار زي ما اتفق هو وايهم وقعدو يراجو في رنا تخش الكافتيريا باش تراجي صاحباتها كالعادة 💜 ولد عم ايهم اسمه وليد
وليد : هي خنخشلها اني
ايهم : خلي نقال فوق طاولة واقلبه باش يوضح صوت
قصي : مشكلة مش حتستفيدو شيييييء
خش وليد للقهوة وطبعا لبسه ونقاله يلي قايمه ومشيته تدل ع انه ولد معبي فلوس رنا طول عيونها بدو قلوب قلوب
جي وليد ماشي بحدا رنا وطبح مفتاحه
رنا : عفوا ي استاذ مفتاحك طاح تفضل
وليد : منورة ، غريبة بنت بجمالك مقعمزة بروحها شن تراجي ف حبيبك امالا😂؟
رنا : لا لا قهرتي معنديش حبيب 😂 مقعمزة بروحي تفضل قعمز كان تبي
وليد قعمز
وليد : اي شن اسمك
رنا : اسمي رنااا
وليد : اسمك حلو وانتي حلوة وكلكك على بعضك حلووو
رنا : شكراا ، شكلط طالب جديد
وليد : تي اي كيف مروح من ايطاليا وبنولي بعد مدة جاي ندور ف عروس حلوة زيككك هكي
رنا : تسلم
وليد : انتي مش مرتبطة او مخطوبة ؟
رنا : لا لا والله نراجي ف النصيب الحلو زيك😂
....
ايهم : قصيييي راجي متخشش توا
خش قصي ع رنا ووليد
قصي : تعرف اخر ماكنت نتوقعه تكوني هكي او رخيصة هكي منبيس نكتر معاك دوة
رنا : شنوو حبيبي منعرفاش هادا را جي قعمز هكي طول يدحنس
وليد : صار ندحنس 😂 تي كل كلامك وصل لقصي شوفي نقال ها
رنا : شنووو
ومشي قصي يدور ولقي ريان
قصي : ريان لو سمحتي وين روان
ريان : ماتت انقربت مدخلكش بيها
قصي : اووقفي رياان وين روان نبيها💔
ريان : هع توا تبيهاااا براااا لرنا
قصي : نبي روان
ريان : روان بعد يلي قلتهولها امس ! مرقدها امس مستشفى على شنو؟! متخافش روان طايرة ومخليتلك كل شي حتحول حتى من جامعة ارتاح
قصيي : ريانن.
ريان مشت معدلتش
______________
عند ساجدة ف جامعة
مصعب : اقسم بالله ماني مخليكككك
ساجددة: مصعب موووت
مصعب : تي لما نكرهك حياتتكك يا /@&@*
مشت ساجدة متعفلقة وانضربت بسيارة وطاحت
؟؟؟ : يا ساتر يا ساتر اسف اسف والله مشفتك من وين طلعتي
ساجدة : تي شن هالغبااااء ما نتفكو من غبي يطلع التاني
؟؟؟ : نوضي يا انسة نوصلك حوشكم
ساجدة : حول مكاصيرك شن هادا
وناضت ساجدة نفضت روحها ومشت
___________
محمد : ايوا اني نبيك تقعد وراه ديما
الشخص : حاضر استاذ محمد
محمد : اسمعني مس لازم يحس ع شي ! او يعرف انك تراقب فيه
خشيت اني ومحمد طول سكر
اني : محمد ؟!!!
محمد : نعم
اني : خيرك هكي فهمني !
محمد : شن في خيرني
اني : علاش هكي تستحقر في اسامة! وتراقب فيه قصدي عيب يلي تدير فيه اسامة تغير
محمد : فرحححح
اني : متعيطش فيني قصدي خيرك هكي حرام عليك ملاك اختك!
محمد : اني مدرت شي ومكلمتاش
اني : باهي امبكري وقت هو خش كوجينة علاش جيت !
محمد : شي جيت بصدفة
اني : مفي شي اسمه صدفة انت شبحته خش وني بروحب ف كوجينة جيت تجري عارف شن قالي هو اعتذر بس ؟!
محمد : فرحح نحي من قدامي احسن
اني : اوككي حنحي من قدامككك
_____________
يوم الخطبة 💜
اني : ملك طالعة تهبلللللي 💜
ملك كانت لابسة قفطان كت اسود من جهة صدر مفتوح وظهره مفتوح ومن تحت منفوخ لونه اخضر وشعرها تسريحة يهههبلللل ودارت شوية مكياج 💜
اما اني كنت لابسة قفطان اكحل ضيق وشيفون من الظهر والايدين اما ساجدة كانت لابسة قونة منفوخه حمرا وفلينية كم كحلة 💜
ساجدة : شنرايكم فيني
اني : طالعين نهبلو كلنا ولا😂
ملك : خاايفة تعرفووو
خشت علينا ملاك
ملاك : فرح فرح اماليك وصلوووو
اني نزلت طول وسلمت عليهم
اني : وين روان
ريان : مريضة راقدة
اني : معقولة مجتتتتشش لمهم تعالي نركبو فوووق
شوية هكي جت غادة واختها وخوها وبعدين جو عيلة احمد وصحبات ملك " صفاء ومروة وجنى " ف مكان ودرابيك والاغاني وزغاريت وام محمد حبت ملك هلباااا 😭💜
اني : يا كلبة استاحشتك هلباا
غادة : شنووو منسمعش الاغاني عالية
اني : تو نجي محمد يتصل بيااااا
مشيت داري بسرعة قلت اكيد محمد يبي حاجة
محمد : واخيرا جيتي
اني : نعم محمد شن في
محمد : فرح سوريتي تبزع عليها عصير وسوريتي تانية ملقيتهاش وينها
اني : لحظة هي تو نطلعها
اني فتحت دولاب ولقيتها طول ام وجهي
اني : محمد شن هادي متشبحش ؟! 😂
محمد كان واقف ويشوفلي
اني : الووو محمد هاك سورية
محمد شدني وضمني ليه وبدي يمس ف شعري
اني : محءءمددد
محمد : اسكتي
اني : محمد شن تدير
محمد : منبيش نسمع صوتكككك اليومم ليش طالعة حلوة هكي
اني : ااا شن تقول محمد
محمد : والله تزيدي حرف تاني لما تشوفي شي تاني
اني : محمد خيرك اطلقني ناس قاعديننن
طق طق طق طق
محمد : استغفر اللله ، منييي
قصي : محمد نبي فرح شوية
فرح : هي اني جااية
طلعت برا جري لقصي
قصي : فرح بنقولك
اني : نعم تفضل
قصي : روان مشفتهاش
اني : ااه روان مريضة تاعبة شوية ف الحوش 😂 تو شوية هكي ونقول لمحمد يرفعني نجيبها
قصي : امم علاش محمد اهو اني قاعد كلميني نمشو مع بعض
طلع محمد لقصي وشد يدي
محمد : تفضل استاذ قصي مناخدش راحتي مع مرتي ؟
قصي : اا😂 شي شي هي ماشي
محمد سكر باب طول
اني : ونبي محمد خليني نمشي ناس قاعدين
محمد : باه وين سوريتي
اني : اهيا ف سرير
محمد : هاتيه
اني : هاك تفضل
محمد : شن بنلبسها بروحي يدي واجعتني
اني : محمممد
محمد : شن عاجبك اسمي
اني : لا
محمد بنبرة غليضة : شن قلتتتتي
اني : اي حءءاضءءر
اني بالسيف لبستها لمحمد وهو يضحك ويشوفلي ونضت طول نجري لوطا وكملنا تصفيق وغني ورقص وماكلة😂 طبعا اني والبنلت درنا مفاجاءة لملك وجبنالها مصورة للحوش باش تصوورها هي واحمد
________
محمد
اقسم بالله اول مرة نشوف فرح هكي جمال ونعومة عيونها كل شي فيها مشيتها مفيش حاجة ما حبيتهاش مقردتش نقاومها ناديتها ف دار باش نشوفها حسيت روحي طولت ومشفتهاش 😂 بس هي هربت مني عادي بعدين تشوف
_________
شوية هكي خش احمد لبس ملك الخاتم💜
احمد : حي ع ام الجمالللللل تي انتي توا وهكي ف العرس كيف
ملك تحشمت وبدت حمرااااء
احمد : يؤبرني الخجول
اني : احممد شن تقول نبو نسمعو را😂
جي محمد وقف بحداي تصرفاته غريبة اليوم
محمد : شن دخلك فيهم
اني كملت نصفق ونغنو واحمد وملك يقصو طورطة 💜
وساجدة كانت فرحانة هلبا لملك 💜
اما قصي كان متوتر ومضايق هلبااااا
فجاءة طق باب كنت ماشية بنفتحه
محمد : وين وين خليك
مشي محمد فتح وكانت مصورة
ملك : حي مصوورة
اني : هادي هدية بسيطة باش تقعدلنا ذكرة😂
خدينا هلبا صووور
ام محمد : فرح تعالي انتي ومحمد
محمد : ااء
اني : لا لا مفيش داعي خلي تتصور ملوكة
جدة محمد : تعالي ي فرح
مشيت اني ومحمد تصورنا صور محلاهم😂 ويحشمو
كملنا صور وروحو احمد وعيلته قعدنا احني بس نضمو ونهيجو وقعدت غادة فجاءة رن نقال غادي
غادة : حي هادا غسان خوي 💜
اني : امووووواه هي باااي وعاوديها
غادة : حي اليوم هياجة ابعتيلي صووور
____________
ساجدة : ملك شوية بنطلععع برااا اهني منسمع في شي ونقالي يشرين
طلعت ساجدة براااا
وكان في حد موخر بسيارته وضرب ساجدة
؟؟؟؟ : حيييي والله اسف منعرف من وين طلعتيلي
ساجدة: انتتتتتتت يا حقيييير تلحق فيا حتى ف الحوش مسد ف جاكعة ضربتني وتوا اهنني اااه يا رجلي مرة فاتت جت سليمة بس توا كسرتني وقعدت
؟؟؟ : تي نوضي نرفعك مستشفى ؟ شنو اني نلحق فيك!  والله لا
غادة : غسان حييبي خيرك ، حييي ساجددة شن في
غسان : منعرفش كنت نوخر ف سيارة وهي طلعتلي زي جن
غادة نوضت ساجدة 💜
ساجدة: خيرك مروحة غدوش مازال وقت بكري
غسان : مش توا رجلك😂
غادة : اسكت غسان، اسفة بنيابة ع خوي الغبي 😂
ساجددة : لا عادي هي باي
سلمت ساجدة ع غادة وباستها💜
غسان : واني ؟
غادة: اركب سيارة ي بارد😂
خشت ساجدة💜
___________
كنت مقعمزة ف صالون اني وريان وملك وجتنا ساجدة
قصي : فرح مش ماشية؟
اني : وين
قصي : مش بتجيبي روان
اني : اي حقق فكرتني خليني نلبس
ريان : مفيش داعي تجيبوها خليها
اني : علاش شنوفي ؟!
ريان : اسالي المحترم هادا تو يقولكككك
اني : لحظة قصي نكلم محمد ونجي
مشيت لمحمد وكلمته قتله بنمشي وقالي اوكككي طول طريق و قصي يحكيلي يلي صار بينهم
اني : واااك توا كيف يصير
قصي : منعرفش يلي نبيه نبي روان
اني : نعرفها روان تتحسس هلبا صح جوها حلو بسسس
قصي : تي اننني شن درت يا فرح اقسم بالله مكسور وهلباااا
اني : اوكي درس اهني اني نمشي نجيبها ونجي
مشيت لروان وخشيت وقعدت تبكي
اني : روان نوووضي ياسر بكي
روان : فرح اني تعبتتتتت بنموت
اني : يلي صار سوء تفاهم
روان : اما سوء تفاهم مريتيش قصي شن قالي 💔
اني : حكالي اي شي وهو من امبكري يقولي هيا نجيبو روان الندم واضح ف عيونه
روان : شنوو اني بنركب معاه مستحيل
اني : اني جيتك توا نوضي نمشو
روان : منيش
اني : شوفي قصي اقسم بالله قلبه متكسر شوفي شن صاير فيه؟!
قعدت نحكي لروان لن اقتنعت 💜 وركبت سيارة وهي ساكتة وقصي عيونه عليها بس
اني : روان
روان : نعم
اني : خلونا ننهو الموضوع توا؟!
روان : فرح لو سمحتتتي ركبت معاه ع خاطرك كان هادا ميحلمش يشوف وجهي لن نموت
قصي : روان اسف اقسم بالله اسف
روان : درسولي سيارة بننزل
اني : روان اهفتي
روان : مش اتفقنا نركب معاه بدون ما يكلمني ؟!
اني : اوكي خلاص ها سكتنا
وصلنا حوش قعدنا شوية لن جو اماليا بيروحو💜
اني : شروق ي كلبة مجبتيش عليوة
شروق : فكني منه😂 فحوش امي
ساجدة : روان وريان باتو معانا اليوممم
ملك : اي والله فكرة💪😍