يوميـات زوجيـة 1 ♥️

6

محمد : تعال ي بطل خلنلعبو
قعد محمد يلعب مع علي ويضحكو😂
اني الحق فرحت هلبا اول مرة نشوف محمد منسجم مكنتش نحسابه يحب صغار
علي : ساعة كم توا
اني : واحد
علي : تي حي ع امي وامك المسلسل بدي
اني : ووه😂 معاش تفرجت عليه تعال نتفرجو توا هي
محمد : مسلسل شنو
علي : كووشي 😍
اني : ارناف الطرف
محمد : اي ي علي ريت كوشي كيف حلوة احلى من عمتك
اني : مصحك😒
علي : طقها😂💙
اني : بعدين ارناف تحلى منك بهلباا وكل شي فيه
محمد غزلي ودارلي لقطة تاع تو تشوفي
مشينا قعمزنا ع كنبة ونتفرجو وعلي راقد في حضني
خشت ملاك
ملاك : فرح بنقولك
اني : نعم 😍
ملاك : عاظي تخلي علي يرقد عندي يوم معاي فدار
اني : تي متستاذنيش هادا ولدك . شنو عليوة حبيبي تمشي
علي : لاكن جيبولي ارناف
ملاك : حاضر 😍 هي تعال جبتلك شكاليط
مشي علي يرقد مع ملاك
وقعدت اني ومحمد بروحنا
شرين نقالي كانت غادة
بعد هدرزة وسلام طويل😍😂
غادة : اي حقا اليوم اماليه جو لبسوني الدبلة
اني : يا كلبة ومتقوليش
غادة : عارفة بتجي طول وتضمي وجو وانت عروس ي حيوانة😂 بعدين في عرسي قيميها
اني : ابعتيلي دبلة بنشوفها وصوركم😂
غادة : تم تم هي تصبحي ع خير اهو يتصل بيا هو
اني : رومنسية😂
غادة : باي ي زق
قعظت نشوف لمحمد شوية
وبدينا عاد
________
ملاك : اسامة خيرك متكنطي ومتوتر شوف من عندنا
اسامة : ميهمنيش هو خوك هادا يخلي شخص مرتاح
ملاك : خلاص نوعدك حنكلمه
اسامة : تي ذليتوني
ملاك : حبيبي اني نحبك والله اهدا خلاص
اسامة : ونبي ابعدي مني طالع
ملاك : وين ماشي اسامتي متتعفلقش
طلع اسامة من حوش وشد نقاله بات في الفندق 💙
________
ساجدة : اي هلو الخميس 😍
هالة : وووه وتي روحك للقرمة😂
.
.
محمد : صار ارناف احلى
اني : شنو قصدي انت اكيد معقولة
محمد : مهبولة
اني شبحتله 😒
اني : محمد
محمد : ايوا
اني : بنقولك ع موضوع
محمد : تفضلي
اني : اماليك يحسابونا فرحانين ونحبو بعض باهي وشوف جداك فرحت هلبا وتحسن حالتها صحية فممكن نبينو قدامهم ان اني وانت فرحانين ووراهم لا
محمد : امممممم
اني : محمك اني منبيهمش يزعلو او يضايقو بسببي
محمد : باهي باه ماشي نرقد توا تصبحي ع خير
اني : اممم محمد ممكن تقعد شوية
محمد : علاش
اني : خاطري نهدرزو
محمد : ارقدي صبح بكري بتفيقي
اني : اممم تمام بنقعد شوية ونرقد
محمد خش رقد 💙 شوية هكي اني مشيت رقدت
ثاني يوم فقت من ساعة ستة ونص فجر
ضميت وكنست ومسحت الغبرة وبخرت حوش وقعدت نوتي في الفطور
فاقت ام محمد ونزلتلي
ام محمد : صباح الخير بنيتي خيرك فايقة بكري ارتاحيلك شوية
اني : محمد بيفيق بكري نضت وتيتله فطور وبنمشي نفيقه
ام محمد : مشااء الله علبك
اني : اركبي ارتاحي مازال وقت بكري اني تو نوتي الفطور تخافيش 😍💙
وركبت هي فوق وني مشيت نفيق محمد
اني : محمد نوض خلاص صباح الخير
محمد : امممم شوية
اني : محمد نووض هيا
محمد : شوية امممم فروحتي خليني شوية بس
اني : فروحتي ؟؟؟ شن هادا شكله يحلم
محمد : اااي شاهب حطيه في النار شوية بس شوية
اني : محمد ياسر عاد نوض
محمد : تعالي فروحتي نرقدو شوية بعدين نفيقو
وشدني حداه طبعا كان مش واعي راه😂 فمتستغربوش من حركاته
اني : محمممممممد
محمد : ها شن في 😨 وشن جابك ترقدي اهني بسم الله العظيم خير
اني : ليا ساعة نفيق فيك راه
محمد : كذب اني نومي خفيف ونفيق طول شكلك قعدتي تدوي مع روحك
اني : اي اي
وقعدت نضحك
محمد : صبح راه شن في عارضتيلي ال 32
فرح : لا شي سلامتك فطور واتي
محمد : باهي ندوش ونجي
نزلت على طول وتيتله صفرة شوية هكي ونزل هو ياكل 💙 واني في الكوجينة نضم جاني في كوجينة
محمد : شنو كلب اني حاطيتيلي ماكلة وماشية
وجي قرب من وجهي وهو واقف ومتعفلق
نزلت ملك وكانت واقفة وراه
اني شبحتها ودرت روحي حولة وشديت محمد اضبطته
اني : حتى اني نحبك هلبا😍
ونحيت منه
اني : اااه ملك صباح الخير
محمد شبح وراه وطلع برا كوجينة
من غير ما يتكلم شن هالمغرور هادا قول صباح الخير
ملك : اسفة مكانش قصدي
اني : لا لا عادي خنوتيلك فطور مبين بدلتي هي اركبي😍
وطلعت ملك دارها باش تبدل وجاني محمد
اني : اسسمع مدرتش شي هادا ع سواد عيونك كله ع خاطر شفت ملك بسسس
شدني من يدي وطلعني برا معاه
محمد : حتى لو متبيش تفطري تحطيلي فطوري وتجي تقعمزي
اني : انشاء الله
محمد : شنوو
اني : حاضر
اني قعمزت نشبح للطاولة ومحمد يتسمسم السم الهاري انشاء الله
محمد قعد يمس في شعري
محمد : الشعر الاشقر هادا شن قلت عليه ؟ مش قلت متخليشي نطلقو لحد غيري
اني مكنتش طالقاته كنت مطلعة قصة وباقي كودة وقصة طلعت بروحها يخي
اني : ونبي شن تشبح فيه مفتوح احول
محمد : سكري فمك وادوي زين وشنو القصة هادي لمي امها فجديد نشبحك هكي تشوفي
ساجدة : صبح الرومنسية 😍😂
ومحمد طول نحى يده من شعري
اني وقفت : صباح النور
وجريت ع كوجينة
محمد : احترمي نفسك احسن منغير الاسلوب
محمد كمل ماكلة
ونزلت ملك وام محمد وجداه وقصي وقعمزو فطاولة
وني حطيتلهم الصفرة
جدة محمد : بنيتي تعالي كولي
اني : لا لا والله مخاطريش
محمد : شني تبيها تبدا برميل ؟ مش ناقصها هي زياظة كيلو تاني وتتطربق
قصي : وكان محمد يلي يتسهوك توا ولا ؟
اني : وزني 45 بس 😒
ونزل علي وجي يجري
اني جريتله نحسابه بيشدني
وجي شد محمد
مصحه تي محمد شن فيه من خلقة 😒 لا خلقة لا اخلاق الزح هو طرف صح بس اخلاقه اعوذ بالله هالمغرور العصبي
محمد : اووو البطل
علي : صباح الخير 😊
اني : تو تشوف ي علي
علي : عمتي نحبك 😍😂
محمد : ديرله فطور
مشيت درتله كورنفليكس وكلاه وهو في حجر محمد
اني : خلاص انزل عليوة هي نمشي نبدلك حوايجك لان محمد بيمشي خدمة
محمد : خليه عادي
ونزل علي جاني
اني : وين ملاك ؟ غريبة منزلتش
قصي : امس ريت اسامة طلع من حوش في الليل ؟ حي ولا لا
محمد : طلع؟
قصي : اي
جدة محمد : اكيد راقدة
محمد : باهي به اني توا طالع متبو شي
قصي : نبي
محمد : ردي بالك ع روحك مدامتي
وشبحلي
قصي : اوووووووو
بتول : مشاء الله 😂
ساجدة : معمرك قلتهالي
اني تحشمت هلبا وخشيت كوجينة
نسرع الاحداث شوية
ساجدة : اي هلولتي بتجي ولا
هالة : اي اني واحمد وامي وبوي نحصلو جو😍😂
ساجدة : اي متشوقةةة هلبا
هالة : نفكر شن نلبس
ساجدة : شوفي هداكا طرف تعالي بنطيحه😂
هالة : ديري روج
ساجدة : هاتي تو نحط الاحمر الفاقع
اما ملك 💙
ملك : حمد لله جاوبت 😍
غفران : حتى اني وغدوا معندنا شي ولا
ملك : اي
صهيب : ملك اكتى ناوية تعدلي فهميني اني نبيك نبيكككك امتى بتفهمي ؟؟؟
ملك : لو سمحت اني منبيش نخش في مواضيع هادي ومنبيش نفكر فيها فخليني خلاص
ومشو ملك وغفران
صهيب : والله يا مصعب لما نطيح عمها 😂
مصعب : مشكلتها احلى واحسن من اختها
صهيب : تي اختها متنفعش تاع اولاد بس
مصعب : مرتبط بيها بناخد شوية حاجات وخلاص 😂 نبي فلوسها
صهيب : خوها معبي لنم
وكملو باقي دوتهم التافههة
طبعا قصي كان يقرا في جامعة غير متاع ساجدة وملك 💙
في جامعة عند قصي
كان يتمشى مع صاحبته رنا 💙
رنا : واننت عارفني نحبك واطمن مش حنقبل بولا ولد غيرك 😍💙
قصي : ااه قداش منحبك ي بنت
رنا : باي حبيبي محاضرتي بتبدا
قصي : ردي بالك ع روحك
ومشي قصي
وفجاءة انضرب ببنت وتبزعت قهوتها عليه و طيحت كتاباتها
البنت : تي شن هادا هييي هيييي اعمى ؟ العمي في عيونك
قصي : مصح ووجهك انتي يلي خاشة فبا زي طانطا
البنت : تي تنحشم واعتذر وقيم الكتابات اقل شي
قصي : مصحك اعتذري انت خاشة فيا تقول دولاب زح
البنت : تي طيحت نقالي وووه
ونزلت تلم في كتاباتها ووقفت
قصي عفس ع كتابات البنت
البنت : ووقحححح
وشدت باقي قهوتها وبزعاته علي وجهه ومشت
_______
محمد
اني كنت نفكر في فرح مش عارف ليش وبدت تخطر ع بالي هلبا منحبهاش طبعا بالك لان حسيت اني ظالمها
وهي مفيش زيها وتستاهل واحد خير مني وكنت نفكر في الخدمة وفي اسامة يلي مجاش ونتصل بيه نقاله مغلق 💙
______
فرح
مهم اني قعدت نلعب مع عليوة
بعدها هو قعد مع بتول يلعب وني خشيت لملاك قلت بالك مش راقدة
خشيتلها
طق طق طق
ملاك : تفضل
اني : اني فرح نخش ؟
ملاك : خشي
وخشيت لقيتها راقدة في سرير وتبكي واضح عليها
اني : اسم الله عليك خير كلاك شن في ليش تبكي ؟ احكيلي خيرك عليوة ضايقك ؟
ملاك : لا لا منبكيش حبيبتي 😊
اني : ملاك ادوي بالك ترتاحي
ونقزت في اضبطتني وبدت تبكي
ملاك : اني تعبت تعبت يا فرح خاطري نجرب شعور ان نبدا ام تعبت امس علي وقت جي رقد معاي قداش ما فرحت وحسيت بشعور حلو تي خاطري في بيبي يقولي مامل ويقعد معاي نلعبه ونضحكه ليش اني شن درت باش ربي ميرزقنيش بولد
اني : اهدي اهدي كل شي فيد الله واكيد في حكمة وراء شي هادا اهدي انت ومتبكيش وكل شي حيتصلح بعدين احمدي ربك عندك عيلة زي هادي ولا ؟ وراجلك قاعد معاك معاهم ويحبك شن تبي اكثر ؟
ملاك : نتصل بيه من امس مغلق
اني : علاش
ملاك : هو مضايق من محمد من تصرفاته معاه 💔
وخش علينا علي
ملاك : وليدي 😍
علي : كيف فقتي كسلانة انتي 😂
ملاك : اعطيني بوسة
علي : بنقولك ماما باهي يا ماما
ملاك اضبطت علي
اني عيوني دمعو
اني : عليوة اطلع برا حبيبي شوية ونجي
ملاك : خليه خليه بنلعب معاه تعال ي حلو😍
اني لقيتهم فرحانين طلعت وخليتهم
خشيت داري فتحت نت
خشيت ع الفيس
ولقيت صفحة محمد من الاصدقاء المشتركين ماه كنت ضايفة قصي وملك وساجدة فطلعلي هو 😂
وربعت رجليا واستعديت😂
خشيت لصفحته
ولقيته منزل صور وكلام صفحته راقية يعني وتعليقات في بنلت معلقينله
منور حمودتنا
وربي يحفظك ليا وجو
شن هادا نم معقولة هكي لن درهت كبدي
مهم خزنت نص صوره يلي منزلهم😂ودرت منهم خلفية جهازي
شوية رن نقالي كان رقم اني رديت
اني : الو
المتصل : حبييي
اني : مني انتي
المتصل : تي هادا اني فاطمة معرفتينيش
اني : لحظة نتفكر
وتفكرت ان كانت تقرا معاي 😂
اني : اها تفكرتك شنجوك😂 ليك وحشة
فاطمة : والله هو مش كويس بنقولك ع موضوع ونشاء الله تفيدتفيديني
اني : تفضلي
فاطمة : اني عندي زوجي يخدم في شركة اسمها &#%@ وني عرفت ان مديرها هو راجلك
اني : اه اي انشاء الله خير