يوميـات زوجيـة 1 ♥️

8

اني : وانت بتقعد فاتحة وني مسكراته ؟!
محمد : اي عااادي شن عندك مانع بعدين اني كله مواضيع شغل بس وانتي كلام فاضي
اني : شنو كلام فاضي منكلمش في اولاد
محمد : عارف بس خلاص سكرتهولك ونلقاه مفتوح يا ويلك عندكك مانع ؟؟؟!
اني هزيت براسي لااا
محمد : هوني فايبر وواتس مفتوحين شوفيهم😂 بالك ساجدة تبعتلك صوري من جديد
وغمزلي
اني طول انخمدت ع سرير ورقدت وقعدت نفكر في محمد واسلوبه واني مش متاكدة من مشاعري اتجاهه ملخبطة هلبا وقعدت نفكر في راجل ملاك واسلوبهه وافعاله
بعدين جي هو تمرقد
تاني يوم فقت بكري خشيت حمام توضيت وصليت ونزلت طول لقيت ملك فايقة
اني : صباح خير مبكرة اليوم
ملك : وتيتلك انتي ومحمد فطور ريحي روحك اركبي ارقدي مازال بكري 😍 ويوم عندناش جامعة قصي بس عنده
اني : محمد مفيقتاش مازال خنمشي نفيقه 😍😂
نختصر الاحداث
فيقت محمد ومشي خدمته مفطرش كان قالب خلقته تف عليه بعدين فاقو العيلة كلها وملاك في دارها متحركتش وساجدة كذالك قعدنا نطيبو ونضمو لن بخرت الحوش جو 12 ومشيت داري بندوش ونبدل
خشيت دوشت ولبست سورية عسكرية وقونة ليكرا لونها بيج وشعري طلقته وجبدته ودرت شوية مكياج و بخيت صنه ولبست شوية حدايد وخواتم وجو بعدين قعمزت فتحت نت لقيت غادة باعتتلي صورها وصور
دبلة والحاجات
بس يلي حيرني الدبلة وين شابحتها يا ربي والله ريتها في مكان وكان شكلها مالوف هلباااا مهم سكرت نت وجاني اتصال
اني : الو
فاطمة : بارك الله فيك في ميزان حسناتك انشاء الله غيث يوم رجع للخدمة
اني : تبصري ؛ امم قصدي معنديش فيه جميل والله محمد رده
فاطمة : صحيتي والله اي رده ودارله ترقيه واعطاه تعويض ربي يحفظكم لبعض ونشوف صغاركم انشاء الله
اني : اااء امين
اني فرحت هللبا وقعدت نتفكر في محمد😍
بعدين نزلت لوطا
جدة محمد : مشاء الله عليك ي فرح كيف طالعة
اني : اكيد طالعتلك انتي 😍
بتول : قل هو الله احد هادا كله شعرك
ام محمد : مشاء الله
اني : خاطري نقابلهم يلي بيجو توا
جدة محمد : حق اماليك سافرو
اني : ايه كلمني خوي قالي وصلنا
بتول : هادم ناس قراب هللبا علينا واحني متربين مع بعض بعدين صارت ظروف ومعاش شبحنا بعض وبنت المرا طلعت صاحبة ساجدة اسمها هالة
شوية خش محمد وني مستغربة جي بكري
محمد وقف يشبحلي
وقتها تفكرت شعري نهاري الاسوووودد 😭💔💔
وكان جايب حاجات في يده خديتهم منه وخششتهم كوجينة طول جي لحقني
محمد : انسة فرح
اني : اا امممم مدام مش انسة
محمد : شن قلت
اني : وراسك اني نسيت نلمه ووشاحي قاعد في السرير بعدين بنات كلنا توا مفي حد غريب
محمد : حتى قدام بنات نبيشي مطلوق
اني : حاضر
محمد سكت شوية
اني : باهي ممكن نطلع توا😶
محمد : اني مقتلكش اطلعي مازال
اني : امممم محمد شكرا
محمد : وعلى شنو
اني : انك رديت غيث للخدمة مرته امبكري كلمتني
محمد : هعع مش ع خاطرك راه غر نبوه في شركه لازمنا بس
اني : امممم تمام
وجيت بنطلع شدني من يدي وووو غر شن يبي شكله مش ناوي ع خير 😭💔
اني : اووف محمد مشغولة
محمد : متتاففيش فاهمة
اني : حاضر
محمد قعد يشبح لعيوني واني مطبسة الحق تحشمت هلبا
اني : محمءءد
محمد : هش
اني توترت هلبا كنت متمنية اي حد يجي خاش للان محمد شكله مش ناوي ع خير قعدت نتفكر في عمايلي كلها وشن درت😂💔
فجاءة...
قصي : مرة خوووي مرةةة خوووي
محمد بعد من عليا
اني : نعم قصي
محمد : كيف فايق ؟!!! وجامعة
قصي : اممم
محمد : ادوي لنفشخك ع ستين ليش قاعد لتوا عندك اليوم ولااااا
اني : اي عنده بس اني قتله يقعمز لان الضيوف شوية وبيجو وانتم في خدمة باش هكي قتله يقعد يستقبلهم مش حلوة اللقطة
محمد شبحلي شبحة تاع ربع جني وركب فوق للدار 😭💔 اني خفت يدير شي لقصي
قصي : انقذتيني قبل وقت نغيب يضرب باي شي حداه ويوصلني هالنفسية
اني : هشش ليسمعك😂 خيرك كنت تنادي
قصي : نبيك تحدديلي حوايجي مفي حد يبي ومنعرفش نحدد😂
اني : حاضر من عيوني برا اركب وتو نحددهم
حددت لقصي حوايجه وقلت خلنركب نشوف وحش الغابات كان يبي حاجة
ركبتله لقيته مبدل لابس سروال بيج وسورية سوداء سود وجهه هالالوان الكئيبة يلي يلبس فيها وحاط سبسي في فمه
محمد : شن ركبكك
اني : جيت نشوفك لو تبي شي
محمد : منبي شي انزلي توا منبيش نشوفك اهني
اني : علا...
محمد : قلت انزززلي
اني طلعت من دار طول ومشيت لساجدة اعوذ بالله منه مرات كويس ومرات لا ديما يحب يكسر بقلبي
_______
محمد
روحت من شغل فرح جذبتني بجمالها ورقتها مشعارف اني علاش هكي معاها مقدرتش نحي عيوني من عليها بعدين ركبت دار وهي جت كنت ندخن محبيتهاش تتاذى وهي فترة وترجع حوش اماليها صح مفيش زيها وتستحق كل خير بس هادا نصيبها واني مش مقتنع بالزواج هادا عارفها مضايقة مني
________
ساجدة : تمام حبيبي توا بنسكر ضيوف شوية وبيجونا
مصعب : شن بتلبسي
ساجدة : اووف منعرفش
مصعب : غطي شعرك المهم والبسي زين نبيش حد يخطفك مني لن نجي نخطبك😍
ساجدة : انشاء الله يا راجلي 😒
مصعب : نبي نسمع صوتك مازال مشبعتش
ساجدة : اووف مصعب خلاص بنبدل باي
مصعب : تمام حبي باي 😍
خشيت اني
اني : خيرك متكنطية 😂
ساجدة : هالخرا يلي يكلم فيا معرفتش كيف نسيبه😂
اني : ليش متحبيشي
ساجدة : جت فترة وحبيته وتوا نكرهه
اني : في حد خدي قلبك ولا شنو😂
ساجدة : تبي حق خو صاحبتي اليوم بيجونا وشوفيها تعرفي نحبههه هلبا ونعرف عليه كل شي وهو ميعرفش جتى اسمي 😂
اني : قنين 😍😂
ساجدة : طرف اغبر بس مش احلى من محمد راه😂
اني : تي بدلي ي خرا 😂
ساجدة : اوكي ديريلي شعري ضفرة
اني : حاضر نمشي نشوف ملك مبين بدلتي
ساجدة : اوكي
مشيت لملك
لقيتها مبدلة وواتية وشادة كتاباتها تراجع😍 قعمزت نهدرز معاها شوية بعدين رجعت لساجدة لقيتها مبدلة وكانت تبي روج ومسكارا مشيت لداري نجيبلها
عند محمد فدار
شرين نقالي ناض محمد شبح
كانت شروق
في البداية مردش
بس بعدين رد
شروق : فروحتي استاحشناك هلبااا😍
محمد : فرح لوطا
شروق : اهلين محمد
محمد : كيف حالكم
شروق : كويسين 😍 غر قلت نسال عليكم وعلي يبي يكلمك
واعطت النقال لعلي
علي : الو عمي 😍
محمد : اووو عليوة
علي : استاحشتكم
محمد : حتى احني
علي : في مزز هلبا اهني احلى من عمتي تعال شوف😂
ع خشتي اني
محمد : اي عمتك زي القرد اصلا😂 تو نجي نشوف معاك
اني : شنوو
محمد : اهو اسمع صوتها😂 زلزال
محمد اعطاني نقال
علي : عمتي يلي تشبه القرد 😂😍
اني : عليوة
ومنغير منحس دموعي نزلو استاحشت اماليا هلبااا
محمد جبد مني نقال
علي : عمتي زعلت مني 😢
محمد : لا لا تو تكلمك مزعلتش 😍
علي : يسلمو عليكم بابا وحناي
محمد : سلملي عليهم بعدين تو تكلمك فرح😍
علي : تمام تشاو
سكر محمد الخط
محمد : خيرك تبكي شن قلت اني
اني : م م منبكيش غير استاحشتهم
محمد : بلا دلع شوية ويرجعو هما
مسحلي دموعي
اني : اممم جيت بناخد شوية حاجات وماشية
خديت روج والحاجات رفعتهم لساجدة
لن جو ضيوف 💙
اول شي اعطيناهم عصير وشكلاطة
كانو كويسين هلبا وغيرنا جونا😍💙
جي وقت الغدي تغدينا كلنا ع طاولة وحدة
وبعدها شاهي ونساكافي وقهوة والحلويات وقعمزنا نهدرزو
ساجدة : هلوش تعالي نمشو داري 😍
هالة : هي 😍
ملك مشت كوجينة
ملك : حي ع صطل معبي ميه نسو يبزعوه تو نمشي نديره
طلعت ملك بتفرغ الصطل في الجنان
عند الشباب💜
احمد نقاله شرين
احمد شبح لنقال ورجع شبحلهم
قصي : اهو باب الجنان مقابلك طول تقدر تحكي غادي كان الحب ع الخط 😂
احمد : لا مش هكي موضوع شغل بس
طبععا جنانهم عنده بابين ملك جاية من باب واحمد جاي من باب
وكيف ملك تبزع صطل الميه
واحمد خاش ونقال في يده
وخدي دوش بالبلاش 😂😂😂
ملك : هييييييي نهار اسودددد ااااء ااء اسفة والله ماشفتك نهاري اسود حي عليا والله اسفة مشفتكش مكانش قصددي
احمد واقف مصدوم ويتفرج ع ملك
ملك : والله خشيت لقيتهم نسو يبزعوه جيت اني وكيف قلت هكي انت طلعت زي جن بسم الله الرحمن الرحيم والله ماريتك خنمشي نجيبلك فوطة تو تمرض نهاراتي السود وووو عليا
احمد : حصل خير خلاص مفيش داعي للفوطة
ملك : اااءسفة
ملك حطت يديها ع راسها
ملك : حي علمي وشاحي
ملك جرت طول ع كوجينة
واني كيف خشيت كوجينة ندور فيها
ملك جت اضبطتني طول
اني : حي ملك خيرك
ملك : وووه عليا كان نقولك شن صار اني غبية كيف ندير هكي ووووه
اني : غر اهدي
ملك حكتلي شنصار
اني : ووووه عليا بنموت ضحكك😂😂😂😂 يناري ولد ناس دوش
ملك : خزي تضحكي والولد كويس مقال شي ربي يحفظه وانشاء الله ميمرضش
اني : غر اهدي عادي تعالي نطلعو
احمد رجع للولاد وكان كله اميه
محمد : خيرك هكي ميه
احمد : اممم اا شي انزلقت بس كان في اميه
قصي : واااااااااااك 😂😂😂😂😂😂 ياريتني كنت غادي راه صورتك نم
محمد : شن هالاهمال من مخليها
محمد تعفلق
مهم قعمزنا وهدرزنا وخلاص هما روحو ساعة سبعة بعد كلينا وضحكنا
جي موعد العشي ومحمد ريته متعفلق ابصر خيره حطينا العشي واحني ناكلو
محمد : ليش مسيقتوش الميه يلي في الجنان الولد انزلق فيها امبكري !!
ساجدة : حي ع جو بس اني سيقته الجنان
ملك : احممم احممم
ام محمد : ولد منو
محمد : احمد طلع جنان ولقي ميه انزلق شن هادا الاهمال كله
اني : اني صبيتها في جنان ونسيت نسيقها
محمد خبط ع طاولة
محمد : شن هادا الاهمال كله تي كيف تديري هكي اصلا
بتول : محمد اكيد مش بقصدها
محمد ركب ع دار
اني نضت انسدت نفسي منه
جتني ملك
ملك : خبرك هكي درتي
اني : لا عادي تي كان قلتيله بزعتها فيه منغير قصد يقتلنا
ملك : شكرا 😭💔 بس نحبش نكذب ع محمد
اني : كذبة بيضا عادي 😂
طلبعا ملاك نزلت سلمت ع ضيوف ورجعت ركبت دارها واسامة مطلعش من داره بكل
بعد العيلة كملو ماكلة ركبو ديارهم قعمزت اني اخر وحدة نضم ونرتب مكنتش حابة نركب لمحمد فوق ونبي فكني منه
في نفس الوقت
طق طق طق
محمد : تفضل
ملك : هادي اني
محمد : نعم ملك
ملك : حابة نحكيلك ع شي
محمد : ادوي
ملك : امبكري الولد لما قالك انزلقت كان يكذب ما انزلقش اني جاية بنبزع ميه وجت فيه وفرح قتلك هي يلي خلت اميه باش انت تتعفلقش مني واني اسفة والله من غير قصدي
محمد : اممم تمام وفرح كذبت
ملك : فرح دارت هكي تحملت هزيبتك ع خاطري بس
محمد : تمام بري ارقدي توا ..... رايكم وتعليقاتكم وشن رد فعل محمد لما تجي فرح هل حيمشيلها كذبتها ؟ او يوريها نجوم الظهههر 😂💜💜