يوميـات زوجيـة 1 ♥️

26

ساجدة : والله !
محمد : زي م سمعتو فرح مش ماشية
اني : محمد قصدك بجديات !!
محمد : هي انزلي ساجدة فرح حتقعد
ساجدة : محمد شن تقول خيرك
محمد : انننزلي احسن منحرمها عليك
نزلت ساجدة ونادت امها وبتول وملك جونا فدار
بتول : خيرك محمد شن صارلك؟
محمد : شي مزاج مفيش مشي بس
ام محمد : محمد
ملك : محمد بالله عليك خليها تمششي شنصار امس قلت باهي
محمد : متطلعوش تمشو من قدامي تقعدو حتى انتم
اني : اممم لا لا خلاص امشو انتم عادي تو نقعد
ام محمد : فرح
اني : خلاص ي امي برو 😊
مشو هما وقعدت اني خشيت حمام وني نبكي وننحي في تسريحة وبدلت حوايجي بجديات وجعتني هلبا مكلماته من امس وقالي باه وخلاني نفرح ونتعب ونبدل ويجي ف اخر لحظة يقولي مفيش مشي
طلعتله برا لقيته مقعمز ويتفرج ع تلفزيون جيت غطيت عليه شاشة 💜
اني : فهمني علاش هكي درت ؟! تحساب ناس ع مزاجك ولا كيففف
محمد : شنوو ؟!
اني : يلي سممعتتتههه امس مش قلتلي باهي ؟! ولا قلة ادب وخلاص
محمد : فررح سكريهه فمككك
اني : مش حنسكره باهي ؟! تي عرس وزمزامات وتجي اخر لحظة تقولي لا تحسابني نلعب ع مزاج بوك امالا
محمد : تي متضميش فمككك الا نركك طريحة تواااا ، اي زي م تطلعي بمزاجك؟!
اني : شنو نطلع بمزاجي! امتى هي
محمد : ماشية مزين تقول لا عندك لا راجل لا والي
اني : مصح وجهكك وخلاص قبل منطلع اتصلت بيك لقيت مغلق شن ندير لعمك بعتتلك رسالة ها اصبر شوف نقالي
فتحتله نقالي وشبح رسالة
اني : ها شفتهاا
محمد : حولي من قدامي
طلع محمد وخلاني بروحي
___________
محمد
روحت من خدمة جمال فرح كل شي فيها حلوو بس انصدمت وقت قالو مشو مزين منغير متكلمني قلتلها متمشيش عارف قلبها تكسر شن ندير محد قاللها اطلعي منغير متقولي اصلا كنت نبي نقضي وقت معاها بروحنا بس انصدمت وقت ورتني الرسالة كانت تبكي وفاصلة هلبا مشيت نتمشى شوية وخشيت مطعم نجيب عشي ليا وليها بالك ترضى 💜
طلبت زوز مقلوبة وصندوقين بيتزا واربعة حكك مشروب وشوية حلويات وجيت قعمزت ف طاولة فتحت نقالي ونراجي
؟؟؟ : حمييدة هادا انت
محمد : اووو لجين
لجين : عاش من كلمك مستاحشاتك يا بيبي شن اخبارك
محمد : كويس
لجين : شكلك بروحك خنقعمز معاك
لجين طبعا عندها شركة قبل كنا متعاقدين مع بعض عقد متاعنا استمر قريب خمسة سنوات يعني معرفتي بيها طويلة هلبا بس بعد تزوجت الغو العقد بس حاليا اتطلقت
_____________
اني
تكنطيت هلبا من محمد قعدت نبكي ونفكر بروحي قلت اكيد توا يكون مش واككل ، خنمشي نطيبله
خشيت كوجينة طيبت شوية ماكلة ع قدي اني وهو واتصلت بيه نكلمه امتى بيجي الماكلة بتبرد ومعنديش خلوق نرجع نسخن
طووط طووووط
اني : ايوا محمد
محمد : هيوااا
اني : ...
ونسمع صوت بنت تقول " هههااااي حميدة قداش مكنت مستاحشة كلامك هادا قاعد لطيف زي ايام قبل يا بيبي متغيرتش"
وسكرت الخططط طول في وجههه ماشي تمعشقلي مع صاحبته !! واني زي حمارةةة نراجي فيه !! وصابرة عليهه ومتحملة كل شي منه باش يمشي ويدلع لبنات وني يعاملني معاملة زي وجهه حطيت راسي ع مخدة ونبكي عاودلي محمد مرة اتنين تلاتة ونسكر ف وجهه
___________
محمد
اتصلت بيا فرح بس سكرت طول نحسابه من شبكة عاودتلها مرة اتنين تلاتة تسكر عليا تكنطيت هلبا قعدت نراجي ف طلبية باش نجري نكسرها ونكسر نقالها مهم قعدت شوية مع لجين لن وتت طلبيتي وجري ع حوش خشيت لقيتها مقعمزة ع كنبة وحاطهه رجل ع رجل وتتفرج ع تلفزيون
________
محمد : فرح
اني مرديتش
محمد : فرححح نكلم فيكك ولا !!
اني : اووووف
محمد جي جبدني لن وقفتتت
اني : يدككك معاش تمدها !
محمد : شكلك اليوم مش ناوية تمشية ع خير
اني : كلام فاضي بس
اني جيت بنمشي شدني من يدي ورجعني مكاني
محمد : خير امك مترديش ؟!
اني : سيرة امممي متجيبهاش فلسانك تحملتك هلباااا بس فجديد صدقني المعاملة يلي شخص زيك يستحقها ! مش حتاخد غيرها فاهمممم
محمد سكت
اني : ههع توا ساكتتت ماشي تتمعشقلي مع حبيبة القلللب وجاي توا علاش جااي ؟! جبتها معاك راه طلعتلك حتى من دار باش ترتاح استاذ محمد كل شي وراحتك را
اني قعدت نبكككي
اني : اني عانيتتت هلبا من وراك نفسيتي تدمرت حاولت نسايرك ونفوتك، كلامك يجرح فيا عادي مندورشش كان اهم شي عندي انت كنت نبي نغيرك ناس كلها تخاف منك محمد جي محمد مشي محمد طلع تي حتى عيلتك مش مخليها تتنفس ، انييي تي فهمني شن درت للدنيا باش تبعتني اهني بس ! تي درت كل شي باش نتقرب منك درت اي شي باش نحافظ ع علاقة زواجنا حاولت نكون مرا تتحمل مسؤؤلية وتقدر تهتم براجلها بس انت كسرتني وهلبااا تي انت اثبتلي ان اني منسواش شي وخاصة اليوم! محمد لدرجة تخوني تهزبني وتمشي تعزم صاحبتك وتضحككك معاها تي شن درتلك اني بس شن درتلككك
محمد طلعع من دار
اني : اااي اطلع معندك شي غير الهروب من مواجهه
بعد محمد طلع اني كنت متدمرة ع اخخخر رقدت ع سرير ونبكي اتصلت بيا غادة 💜 الحمد لله الصديق وقت ضيق
___________
#يوميات_زوجية_الحلقة٥١_البارت١
.
.
14
محمد
روحت حوش مشعارف البنات وقت يغارو هكي ينقلبو شن صار خيرها فرح قالت هكي بس فعلا كلامها صح ، كلامها اثر فيا وهلبا قعمزت ف جردينة فااضية اني بروحي شرين نقالي فرحت نحسابها فرح بس
؟؟ : الووو
محمد : ....
؟؟ : .....
محمد : مدة جاية؟
؟؟ : اي بعد اسبوع اسبوعين هكي
محمد : اوككي
______________
غادة : تي خيره محمد هادا وانتي معقولة تخبي عليا كل هادا وساكتة ؟!
اني : غادة معاش قادرة نتحمله
غادة : اهدي خلاص بالك كل شي شافه ف دنيا وبوه وهكي
اني : اسمعي ابعتيلي رقم .... كان عندك
غادة : اي عندي شن بديري بيه !!
اني : غاادة وراااس امككك ابعتيه
غادة : اممم به متخربيش بيتك بيدك !
اني : مخصككش ابعتيه
بعتت غادة رقم وقعدت نخمم نتصل او لا
لن جت ساجدةة وهي تنقززز😂
اني : تي خيركككك شن في ووه عليا
ساجدة : مرت خوي خيرك تبككي
اني : تي شن نبكي حتى انتي في حاجة خشت ف عيني
ساجدة : تعالي قعمزي خنحكيلك 😂
خشت علينا ملك
ساجدة : حي انفاص سخونة وووه جيعاانة من جابهم
ملك : اهفتي
اني : جابهم محمد😂
ساجدة : فهممت خوي الخبثي يبيك تقعدي باش..
ملك : ااسسسس معاش تدوي 😂
اني : خوديهم مخاطريش ناكل ومحمد طلع مش عارفة وين ، بعدين كيف جيعانة مش كنتي تهيجي ف عرس 😂؟
ساجدة : عرسس قهررة زمزامات مجوش ام عريس بتمووت🌚💔 والعريس شينننننن اقصر من عروسة😂 والعشي كان نقولك تضربي بيه يهودي يسلمم مكلينا شي وفيلو العروسة نسوه ف حوش ع اساس بتلبس ف صالة نسوووه الا مشي خوها حوش جابه
اني : هادا كله لاني ممشيتش 😂
بتول : حي فروح فايقة
اني : حقا وين جداي ؟
بتول : ف دارها
اني : نبيها بنمشيلها
ساجدة : هي تصبحو بنمشي نرقد
ملك : حتني باااي
مشيت لحناي وقعدت بحداها وقعدت تلعب بشعري 💜
جدة محمد : خيرك فروح
اني : مفي شي
جدة محمد : زعلانة لانك ممشيتيش ؟
اني : لا لا قالولي عرس مش مليح😂
جدة محمد : اني زي امك راه!؟ خيره عيونك دموع
اني : دموع شنو في حاجة خشت عيني معرفتهاش
___________
ساجدة تبدل ف حوايجها اتصل غسان💜
ساجدة : اوووووف
ساجدة : الو
غسان : اهلين سوجي
ساجدة : اهلين
غسان : كف حالك
ساجدة : حمد لله
غسان : امبكري نتصل بيك مسكر
ساجدة : كنت ف عرس
غسان : ليش مقلتيش
ساجدة : الله اني حرة ولا ضروري ناخد منك اذن
غسان : مقصديش هكي غير انشغلت عليك بس
ساجدة : تمام اني نعسانة توا بنرقد
غسان : اوكي تصبحي ع خير 💜
ساجدة سكرت
_____________
خنمشو شوية لملاك يلي نسيناها بكككل 😂
ملاك تهدز ف فايبر مع محمد
ملاك : حمودي سلملي ع عيلة كلهاا
محمد : اهم شي فرحانة
#يوميات_زوجية_الحلقة٥١_البارت٢
.
ملاك : خسارة راحت عليا خطوبة ساجدة
محمد : توا بنسكر نروح حوش نكلمك
ملاك : رد بالك ع روحك
خشت ملاك ع ماسنجر لقت حد باعتلها رسالة💜
ملاك : .....
؟؟؟ : .....
ملاك : .... ؟؟ : .....
ملاك : .....
____________
جي محمد وقعد يدور عليا ملقانيش خش لامه قتله تلقاها عند حناك 💜
خش علينا محمد
جدة محمد : حميدة
جي محمد باسها ع راسها
اني : هي تصبحي ع خير حناي نحبكك هلباا
جدة محمد : وانتتي من اهل خير
مشيت اني داري شوية هكي جي محمد متكلمتش معاه ابدا
محمد : فرح
اني مرديتش
محمد : فرحح لما نكلمك ردي !
اني : تفضل هي شن تبي !
محمد : خيرك ؟! شن صارلك
اني : مصارلي شي خيرني
محمد : وخيرك تقيمي ف بطانية ومخدة وين ماشية ؟!
اني : بنرقد ع كنبة
محمد : شنوو !
اني : زي م سمعت
محمد : تعالي ردي مخدتك اهني هي كلمة
اني : منبيش ! اني حرة ! نبي نعاود الماضي من جديد !
محمد : فرح
اني : ماتتت فرح القديمة ماتت ، توا حنقعد معاك لن تتم فترة زواجنا وبسسسس
محمد : شنوو
اني : يلي سمعته
اني مشيت رقدت ع كنبة
محمد سكت معرفش شن يقول
___________
محمد
من كلام فرح مجانيش نوم قعدت نتامل فيها وهي راقدة جيت قعمزت بحداها ف كنبة وشديت يدها وقعدت نفضفض في اي شي في قلبي بستها ع راسها لعبت بشعرها وهي راااقدة نومة اهل الكهههف😂
____________
ثاني يوم صبح ف تركيا💜
ملاك اتصلت ب.....
ملاك : .....
؟؟ : ......
ملاك : ......
؟؟ : ......
ملاك : اسمع توا بنمشي نطلع باهي ؟؟ : ردي بالك ع روحك ملوكة💜
__________
فقت صبح جو تمانية لقيت محمد راقد ع ارض وشاد يديي
نضت مخلوععة
اني : محمممد
محمد : همممءمء
اني : محممد نووض
محمد : مدامتي خليني شوية راقدءء همءءءمممم
اني : محمد نوض ياسر لعب ! وقت خدمة
محمد : ااا فءررح شن جابني اهني صباح خير
اني شبحتله ونضت خشيت حمام وتوضيت وصليت لقيته مقعمز ع كنبة جاية بنطلع من دار
محمد : فرحح
اني : ها
محمد : وين ماشية
اني : نوتي الفطور
محمد : امس
اني : بنمشي نوتي الفطور
محمد : تي غير اسمعععيني
اني : مش حنسمع كنت مع معشوقتك المجهولة ولا ؟ برالها!
طلعت اني ونزلت جري ع كوجينة
اني : صباح خير وين باقين
بتول : سوجي فطرت وركبت وملك وقصي ف جامعة
خشيت كوجينة نوتي لمحمد ف فطور
شوية هكي نزل محمد
ام محمد : ويا صباح نوور مفيش ناس قاعدين باش تصبح؟
محمد : اه مشفتكش
بتول : قعمز حميدة فرح توتيلك ف فطور
#يوميات_زوجية_الحلقة٥٢_البارت١
.
قعمز محمد وني جبت الفطور وقعدت نقربع ف صواني ومحمد بعيونه قريب ياكلني
اني : تفضل
وركبت طول ع داري
ام محمد : شنصاير ؟
محمد : شنو شنصاير
جدة محمد : مزعلها؟
محمد : تقدرو تسالوها ونفسي انسدت معاش نبي نفطر
محمد طلع ومشي خدمة
قعدت نضم ف داري لقيت استاذ محمد حاذف الملفات لميتهم وحطيتهم ف دولاب
___________
عند محمد ف خدمة 💜
ادم : استاذ محمد ممكن الملفات
محمد قعد يدور يمين ويسار ملقاهمش
محمد : اصبر شوية اطلع اطلع تو نكلمك
طووووط طووووط
محمد : ايوا فرح
اني : تفضل
محمد : شوفيلي كان في ملفات طايحات مني
اني : اي كان في ملفات لميتهم دولاب
محمد : جيبيهم وتعالي خدمة
اني: وعلاااااش
محمد : قتلك تعالي
اني تفكرت يلي صار هديكا مرة وكيف هزبني قدام لبنات وخلاص قويت روحي لاني معاش يهمني شي ومحمد مش مهم
لبست سروال واسع اسود وسورية حمرا ووشاح اسود فيه شوية احمر وكعب احمر وشنطة ونضارات وقمت ملفات وطلعت💜
ساجدة : فروح وين ماشية
اني : محمد نسي ملفاته قالي جيبيهملي
ام محمد : ردي بالك ع روحك ف طريق
اني : سوجي هيا معاي نكسدو
ساجدة : هي تلبس ونجي
مشينا لمحمد ف شركة 💜
ساجدة : انزلي انتي اني بنقعد
اني : اوكك
__________
طق طق
محمد : تفضلل
البنت : حميدة
محمد : لاباس حمد لله ع سلامتك قالو مدايرة عملية
البنت : الله يسلمك
محمد : عملية شنو
البنت : تجميل الانف ودرت بوتاكس ع سريع هكي 😂وتوا رجعت للخدمة
...
جيت اني
موظفة : وين ي انسة
اني : ع جهنم ! اني مرة محمد في مانع ؟!
الموظفة : اسفة تفضلي مدام
خشيت ع محمد من غير ما نطق الباب وخشيت
البنت : انتتتتتي
اني : لا حول الله ضروري من شكالات المقلبة
نفسها البنت يلي هزبني محمد ع خاطرها😂
اني : محمد هادم هما الملفات ؟!
محمد : اي اي هما
البنت : مشعارفة ي حمودي كيف متحمل هكي بيئة اووف
اني جاية بنهزبها ونطلع بروحهااااا بس فكني منها منبيش نعرض روحي لموقف قدام محممد
اني جاية بنطلع
محمد : فءءررحح
اني : تفضل
محمد : في شوية اوراق نبيك توقعيهم
اني : وع اي اساس !!!
محمد : نص شركة بنسجلها باسمك وجبتك اهني باش توقعي
البنت : وااااات
اني : هعع تقدر تعطيهم للبنت يلي حداك تو توقعهم او عاشقتك المجهولة اني ميلزمنيش
وطلعت منعرفش قوة هادي من وين جبتها
محمد طلع لاحقني وجبدني من يدي ودخلني المكتب وطلب من هديكا البنت تطلع
محمد : خيرككك شن صار ؟ شن فيك فرح ادوي
اني : شن بندوي مصار شيي غر نراجي امتى يوصلوني اوراق الطلاق بسسسس
محمد : شنوو وراق شنو !!!
اني : يلي سمعتتته اوووراقق الطلاق
محمد : فرح ؟
اني : ها
محمد شدني من يدي