يوميـات زوجيـة 1 ♥️

25

مع ولد ناس باش يشوفككك تفتحي فمك ولا تقولي مش موافقة اقسم بالله ي ساجدة نقبرك ف مكانككك باهي
اني : محممد خلاص حتدير اي شي هي وعععد
محمد طلع وقربع الباب
خشت ملك
ملك : ساجدة اهددي مفي شي يستاهل
ساجدة : تي شن منبكككيش حياتي تدمرت قرايتي كل شي
اني : مرات يكون ولد ناس وكوبس
ساجدة : يا ربيي ميهمنيشش منبيش نتزوجج نبي نقرا ي فرح نكمل قرايتي ونختار شريك حياتي يلي نحبه بروحي
اني : مش ضروري تختاري يلي تحبيه مرات تتطيحي في ولد ناس كويس ومحترم ويحبك ومع وقت حتحبيه مش كل زواج بالحب راه💜 العلاقات يلي تقعد الحب يكون بعد الزواج وصدقيني حتى لو كان الشخص يلي حتتزوجيه زي الصخرر حتقدري تغيريه انتي خلاص توا متبكيش المكياج يسيح
ساجدة : بالله عليك ساويه خايفة من محمممد
" اني حق حسيت ساجدة مظلومة حرام صغيرة فاعدة ومازال قدامها دنيا تكمل قرايتها وكلامي ليها للكل 💜 "
ساويت المكياج لساجدة 💜
وناس جو سمعنا صوت تبييب واغاني اني كيف نزلت
اني : غااااادددددةة
غادة : تعالي اني حماة حماتك😂
اني : شنوووو
ام محمد : خوها يلي جاي يشوف ساجدة
اني : شنووو وعلاش مقلتيلللليش
غادة : جاية بنقولككك خوي قالي لا مفاجاءة
اني : اي احكيلي كيف صار
غادة : غسان شبح ساجدة وعجباتة ف تاني يوم من خطبة ملك غسان مشي لمحمد ف شركة وكلمه ع ساجدة محمد قاله قاعدة صغيرة ومكملتش قرايتها بس اول متكمل باذن الله انت اول شخص ، بس امس اتصل بيه وقالله تعال غدوا
نزلت ساجدة وسلمت ع غادة تحسابني اني عازمتها تحسابهاش من امالي العريس 😂 ورجعت ركبت
طبعا من طرف العريس مفيش كان غادة 😂 احسن يعني نقدر نتصرف براحتي قعمزنا هدرزنا شوية لن نادى محمد ساجدة ودخلها المربوعة قبل متخش
محمد : حركة ايمين ايسار راسك نقلعه افردي خلقتك
ساجدة : حءءااضر
خشت ساجدة وشبحت غسان وتفاجااءت وضحكة الصفرا ف فمها خوفا من محمد بس مقدرتش تقول شي
محمد : نخليكم مع بعض شوية
طلع محمد وشبح لساجدة
ساجدة خشت قعمزت بحدا غسان ومقدرتش تتكلم خوفا من محمد وطبست راسها
غسان : ااءهلين
ساجدة : امممم اخر م كنت نتوقعه تكون انتتت
غسان : اممم ساجدة منكذبش عليك بس اني معجب بيك مش حب مجرد اعجاب امممم انتي موافقة بيا؟!
ساجدة سكتت شوية ودمعة نزلت ع خدهاا
غسان : ساججدة انتي مش موافقة؟!
ساجدة تفكرت محمد
ساجدة : لا لا اني اكيد موافقةة
صدمة كانت ان محمد مقرر يلبس ساجدة ويديرلها الخطبة توا وفعلا سكر راسه ودار يلي يبيه شن نديروله دماغه يابس خطوبة من غير اغاني ولا شي جو كئيب
مر اليوم لن روحو غادة وغسان وكان حيموت من فرحة وساجدة تبكي فدارها
اني : اي واخيرا كملت كلشي
ام محمد : خلاص فروح اركبي دارك
اني : وين قصي
بتول : تعشى وركب ف داره
اني : تمام خلاص كملنا كل شي تصبحو ع خير بنركب دار
ركبت دار لقيت محمد مقعمز ع صالون شاد طاسة فاضية ويفكر
اني : محممد !
مردش
اني : محممد نكلم فيك ولا
محمد ساكتتت
اني : تي خيرك ي راجل ونبي فهمني خيرني شن مدايرتلك ؟! علاش مقلتليش ان غسان يلي جاي بيخطب ساجدة ؟! تي ادووي زفتتت
محمد ناض وكسر طاسة وجي شدني
محمد : متعرفيش ترقدي ؟! وتسكريه فمكككك ؟؟؟! اي شي اني نديره مخصكش في امه بكككل
طلع محمد من دار يعني كالعادة شن حيدير
_______________
محمد
مشعارف اني يلي نبعد ع فرح ولا ضروري تصير مصيبة تبعدنا بالسيف مكلمها فرح كم مرة وقت نكون متعفلق متقربنيش تكنطيت فيها فشيت غلي فيها بس اوووف مشعارف كيف نتفاهم او شن نقول حياتي متلخبطة حاليا
______________
اني مشيت لساجدة تبكي عيونها جفو من البكي وني تعبت من ننصح فيها💜
ساجدة : نبي محمد بس يسامحني
اني : انتي غير تعالي اعتذري من محمد حيتقبل
_______________
ثاني يوم فقت صبح بكري 💜
لقيت محمد مقعمز ويده مجروحة لتوا ملفهاش ومدارلها شي مفتوحه هلبا كانت جيت قعمزت بحداه جبت عدة الاسعاف
وشديت يده لفيتهوله وهو ساكت متكلمش كملت جاية بنوض
محمد : فرح
اني : نعم
محمد : علاش تديري هكي ؟!
اني : كيف شن درت ؟
محمد : فرح اني درت هلبا حاجات
اني : محمد حتى لو انت درت هلبا حاجات وحتى لو مازال مدة وننفصلو المهم اني مدة هادي ندير واجبي كزوجة وربي يرضى عليا ونكون مقصرتش ومظلمتش حد بكل 💜
محمد : باهي اسمعي
اني : نعم
محمد : اوول امس مكنتش ندخن لما شميتي عليا ريحة دخان
اني : امالا شنو
محمد : سيارتي وقفت ركبت مع صاحب تاكسي ورواشن مسكرات وهو دخان ورا دخان لن بدت صنتي زيه
اني : اني اوكي نازلة نوتي الفطور
قبل مننزل خشت ساجدة وجت قعمزت ع ارض بحدا رجلين محمد وتبكي ع رجليه
ساجدة : محمممد انت خوي وحبيبي وكلشي عندي اني اسفة سامحني حندير اي شي تقولي عليههه ومش حنزعلككك ونوعدك والله
محمد ساكتت مردش ومشبحلهاش بككل
ساجدة : محممد متقتلنيش بسكوتك اني استسمحت امي وعيلة كلها محمد انت تهمني اقسم بالله زعلك عندي بالدنيا تعرف اني راضية باي شي تبيه انت حتى لبسني خمار عادي بس متزعلش مني محمد
محمد ناض دفها من عليه وطلع من حوش
اني : اسسس حاولي معاه مرة تانية متستسلميش
.
.
بعد مرور اسبوعين 💜
يلي صار فيهم ملك قاعدة مع احمد ويحبه وتحبه هلبااا
قصي قاعد مع روان زاد حبه ليها هلبااااا
اماليا اني مشو تونس ابراهيم عنده شغل غادي
ساجدة نهار كله تبكي زي مطلقة وتعتذر يوميا لمحمد مباش يتقبلها بكل ع قد متكلمت معاه يهزبني يكشخ عليا بس
اني ومحمد قاعدين زي م احني جاف هلبا معاي من بعد ساجدة
ساعة تسعة ف الليل مقعمزين في دار تقعميز 💜
ام محمد : اي غدوا عرس بنت ربيعة😂كبرت
بتول : اي كلكم بتمشو
خشت ساجدة
بتول : واخيرا هل القمر
جدة محمد : تعالي سوجي قعمزي معانا غدوا عندنا عرس باش تمشي خلاص ادفني الماضي وراك وابدي صفحة جديدة راك كبرتي وبتبدي عروس 💜
ملك : شن بنلبس
اني : تي كيف نديرو شعرنا اصلا
خش محمد شبح ساجدة قاعدة طلع ديما بدي يتهرب منها
ام محمد : محمممد
ساجدة طلعتله جري وشدت يده وخلاته يلود عليها.
ساجدة : محمممد ياسر يلي تديره فيا هاادااا اني غلطت صح ! بس وعدتك حنصلح غلطتي كل شخص عنده فرصة ثانية وني نبيها فرصتي تانية
ساجدة مشت ع كوجينة جابت موس وجت قدام محمد
" ساجدة كانت تبكي بعبرتها هادا درس باش اي بنت متبعتش صورتها او اي شي من هالكلام لولد متعرفوش مرات يغدر بيكم وتتطيحو ف عين اماليكم وقدام كل الناس لهاذا خليك بشرفك احسن خلي بوك ديما مفتخر بيك ومتسمحيش لامثال الرجال هادم يخلو راس بوك ف ارض 💜 "
بتول : ي بنتتت شن بتديري
ساجدة : تفضل هاككك اقتلني لانك بسكوتك وتهربك مني هادا تقتل فيا اكتر خود موس اقتلني توا مش اني جبتلك العار اقتلني هيا تفكى مني بس بالله عليك متسكتش زي توا وتقتلني
محمد سكت شوية وشد ساجدة اضبطتها وباسها ع راسها💜
ساجدة : خووي يعني سامحتني ؟
محمد هز براسه اي
وخش داره
اني : واخيرااا😭💜 هي معناها غدوا بنقيموها ف لعرس ولاا ضروري نكونو منورين
بتول : تعرفو اني نعسانة بنمشي نرقد
ساجدة : مازال عشرة مجتش
بتول : هي تصبحو
اني : هياا بناتتت خنمشو نقررو شن بنلبسو
اخترنا شن بنلبسو وقعدنا نهدرزو في غرفة سوجي 💜
ملك : ساجدة هاك غسان يتصل بنقالي
ساجدة : اووف
اني : سوجي تنسيش وعدتي محمد
ملك : اي سوجي ردي
ساجدة : ليا اسبوعين نكلم فيه من نقال ملك وني معنديش نية ع خاطر محمد بسسس
اني : نوضي ملوكة خلينا نمشو ديارنا وخلي سوجي تكلمه 💜
كيف خشيت دار
محمد : كويس يلي جيتي الباكو هادا بري ارفعيه لساجدة
اني : ارفعولها انت
محمد : كان نبي نرفعه راه رفعته من امبكري
اني : اوكي
خديته ورفعتهوله
ساجدة : غسان سكر قالي نقال اختك وشن مشعارف تو شوية نكلمك
اني : هاك
ساجدة : شنو ححححي ع امممم نقالللل تي شكككرا مرتت خووي نحبككك
اني : ياسر بوس ي لصقة😂 مش اني جبته محمد
ساجدة: واخيراا
اني : شفرتك قاعدة ولا؟
ساجدة: اي اي
اني : هي تصبحي
مشيت داري
اني : محمد غدوا في عرس بنمشي بيوصلنا قصي
محمد : تمام
_________
فقت صبح ساعة تسعة لقيت محمد فخدمة شكله مشي 😂
اني : صباح خخخيرر
ام محمد : صباح نور بنيتي
ساجدة : فروووح طلعت قفطان تاني هداكا انحرق وقت نحدد فيه
ملك : فرححح
جدة محمد : اسمعو وتو روحكم بككري قصي حيجينا من سبعة رااا
اني : اوكي تمام
___________
عند قصي ف جامعة 💜
ف قاعة كان قصي مقعمز يراجي روان تخش جايبلها شوية حاجات 💜 جت رنا
رنا : قصي اني والله نحبك تعرف سوء تفاهم هو
قصي : متعرفيش تقلبيه وجهك؟!
رنا : قصي نحبككك
رنا شدت يد قصي
رنا : انت راجلي اني نبيككككك نحبك هلبااا
خشت روانن
شبحتهمممم
روان : قصصي💔
قصي : روااان حبيبتي راجججي
روان : مش حنراجي شييي
قصي : تي تعالي ي مهبولة
روان : برا كمل شد يدها
رنا : امشي ي خطافة الرجالة
قصي : رنا تعرفي شنو ، اني نحب روان نحبها هلبا نموت فيها ذايب فيها وناديتها اهني باش نعطيها هدية تعبر ع حبي ليها ، روان حبيبتي اقسم بالله كنت نراجي فيك وهي خشت هي الله اني نحبك انتي ومستحيل نخليك
روان : الله قداش م نحبك انني 💜
رنا : تافههييين مش حنخليكم ف حالكم صدقوني
طلعت رنا وقعدو قصي وروان اعطاها هديتها شكاليط وكعب وبطاطا
روان : اهم شي حاجة ماكلة😂
قصي : اووو بادية سمينة رااا
روان : نحبك
قصي : نبي نكلم اماليا ع موضوعنا
روان : شنوو قصي لا مازال شوية خليها
قصي : وعلاااش نبي نعطي فيك كلمة بس
روان : لا لا فوت توا اني قاعدة نقرا وانت قاعد
قصي : اممممم
روان : تزعلش مني بس خلينا نصبرو شوية وباذن الله اني ليك مش لغيرك
قصي :نحبككك
____________
محمد
ادم : استاذ محمد الاجتماع مازال عليه خمسة دقايق
محمد : اووك من مجاش ؟!
ادم : مدام سارة واستاذ هيثم وعلي مازال
محمد : كان جو اعطيهم ورقة فصلهم وباقي مرتبهم
ادم : حاضر استاذ
محمد سكر نقاله وخش ع اجتماع
____________
اني بعد كملت ضمان وهدرزة جت ساعة اتنين بدينا نجبدو شعرنا ووووو
اني : ي بناات معاش نلحقو
ملك : اسمعو خنمشو مزين اهوا حدانا يوصلنا سواق نديرو شعرنا وشوية ميك اب
ساجدة : اي فكرة
اني : تمام خنكلم محمد وتو روحكم وكلمو باقين 💜
مشيت اتصلت بمحمد اعطاني مقفل اتصلت بنقال شركة محد رد عليا خشت عليا ام محمد
ام محمد : فروح يراجو فيك انزلي
اني : نتصل بمحمد مقفل
ام محمد : خليله رسالة
اني : اوكي
بعتتله رسالة قتله طالعة المزين وطلعنا
حصلنا جو😂💜 درنا تسريحة ومكياج وهلبا حاجات روحنا حوش كانت ساعة ستة
اني : اي وين محمد مجاش
جدة محمد : قاعد مروحش نقاله مقفل برو بسرعة بدلو ساعة قريب تجي سبعة راا
ملك : اي اي هي نركبو بناات
ساجدة : هي
بتول : اني واتية
ركبنا وبدلنا 💜
ملك كانت لابسة قفطان اسود شفاف من ايدين ومفيشي ظهر ومعاه كندرة حمرا 💜
ساجدة لابسة فلينية زرقاء كمها شفاف وفيها قونة منفوخة فضية وقفطان طويل من تالي نظام ذيل لونه ازرق وكعب فضي 💜
اني كنت لابسة قفطان لونه دم غزال لاصق وكت بس من تالي منفوخ هلبا 💜
كنت ف حمام طلعت برا نساوي ف روج متاعي 💜
خش محمد وقعمز قعد يشبح ساعة بعدها قعمز
محمد : امممممم
خشت ساجدة
ساجدة : فرروح هي البسي عبايتك قصي لوطااا
اني : هي هي جاية
محمد : مشاء الله شن مخليكم تتطرحو هكي من مدايرلكم شعركم ومن وين هادا كله
ساجدة : تي امبكري مشينا مزين هييا فرحح
محمد :امممممم فرحح مش ماشية قاعدة
ساجدة : محمد مش وقت تسهويك
محمد : فرحح بري بدلي واغسلي وجهك الحوش مفيش طلعة منه
اني : هش من غير بصارة😂
ساجدة : والله !