محمد : فرح اهدي وخلاص اني معاك حنرفعك اسكتي بس
اني : محممد اممي يا محمد امي نبي امي
محمد : فرح اسكتتي خلاص قلت حنرفعك امالا نقسم بربي وانتي تبكي وحالتك هادي ماني رافعك هي
اني : ها خلاص سكتت ءء بالله عليك ارفعءءني
محمد : ماشي نسخن سيارة البسي عبايتك
بتول : حتى ني بنمشي
ام محمد : حتى اني
محمد : مفيش اني وهي بس ملك البسي عبايتك وهيا
ملك : حاضر هي
لبست ملك ومشت معانا واني نبكي وننوح
محمد : فرح ياسر يا فرح والله ما صايرلها شي ياسر بكي قتلتي روحك راه
اني كملت بكي
بجديات اصعب شي في الحياة ان الانسان يخسر امه او يصير شي لامه
محمد : فرح حتبكي مش حتنزلي اهو قلتهلك
فرح : لاءء بالله عليكءء نزلنيءء
محمد : هاك امسحي دموعك
محمد قعد شاد يدي 💙
ملك : خلاص فرح امك حتكون كويسة صدقيني
وصلنا المستشفى وخشينا ولقينا ابراهيم برا دخلوني شوية شبحت امي وطلعت اغمى عليا رقدوني في حجرة وركبولي تغذية
فقت لقيت محمد شاد يدي وباقي العيلة وشروق كلهم قاعدين
محمد : قصي خودهم روح بيهم شن جاين تبكو اهني برو ابكو في الحوش
قصي : هي باه اطلعو
اني : محمءءد متسيبنيش باهي انت متمشيش نبيك اني باهي متخلينيش
محمد : اسس اهدي خلاص اني معاك ومش حنسيبكك
اني : بكل ولا
وبديت نبكي
اني : محمد ليش قوليء ليش كل يلي نحبهم يمشو مني امس كلمت امي وقتلي حنكون ديما معاك ليش كذبت عليا وحتى انت كذاب تكذب عليا حتمشي وتسيبني باهي ونقعد بروحيءء مشي بويءء وامي حتمشي وانت حتمشي
محمد : فرح معاش تبكي زح ارقدي ارتاحي تاعبة انتي
اني : نبي نمشي بحدا امي ارفعني غادي
محمد : لا ارقدي
اني : محمءءد بالله عليكءء ارفعنيءء
محمد : شدي فيا
محمد شدني باش منطيحش وقعدنا
محمد : شدي روحك فرح معاش تبكي
اني : محمءءد ليش صار هكي بنموت اني ليش ياريت فيا ولا فيها
محمد : تي شن فيك نموت اني لو صارلك شي
اني : تقول هكي باش منبكيش ولا محمءءد ليش هكي يصير فياءء
محمد : يجي ابراهيم ونمشو الحوش
اني : محمد لا نبي نبات
محمد : تي شن تباتي ودكتور قال ضروري ترتاحي وساعة عشرة ياسر بري ارتاحي وني نولي
اني : محمءد لا نبي اميءء
محمد : اسس مفيش قلت
جي ابراهيم
ابراهيم : خلاص منور حميدة روح انت توا وني حنبات
اني : خوي بالله عليك قوله يخليني نبات ميبيش نبي نبات مع اميءء
ابراهيم : وين تباتي اني بايت اليوم مفيش بري حوش راجلك ومفيش داعي تجي اني قاعد
محمد : هي تصبح ع خير اني نحطها ونجي
ابراهيم : لا لا مفيش داعي اهو اني قاعد وجبت معاي كل شي
محمد : تمام
___________
هالة : نعم احمد
احمد : نبي ايميل ملك
هالة : بتكلمها
احمد : اي اني نحبها
هالة : متاكد
احمد : اي نبيها اني من الاول نحبها مش ذنبي انتي غالطة
هالة مشت جابتله الايميل واحمد قعد يقرر وتشجع يخش يكلم ملك
____________
ملك : خلاص امي ياسر تبكي
ام محمد : والله فرح قطعتلي قلبي
بتول : محمد معاها وانشاء الله خير كلمني قالي جايبها وجاي
ملك : اني ماشية نوتي ماكلة ليهم مبين روحو
بتول : تمام
خشت ملك للكوجينة ولقت ساجدة
ملك : سجو خلي تو ندير اني ماكلة
ساجدة : شنوو بعد ماخديتي مني حبيبي وبكل عين وقحة بتاخدي حتى خوي ومرته ونبي بري اقلبي وجهك فوق
ع خشت بتول سمعت كلمة بري اقلبي وجهك فوق
بتول : سساجدة اعتذري لاختك هي اكبر منك شن بري اقلبي وجهك هادي
ساجدة : تي شن هادا كرهتوني العيشة زفت
قصي خش ضربها كف
ساجدة ركبت دارها طول
ملك : قصي شن يلي درته
قصي : تي منعرفش هي جبرتني ندير هكي
ملك : اني راكبة فوق باي
ركبت ملك وفتحت نقالها شوية لقت احمد باعتلها في الماسنجر
" ملك اني متاكد انك عرفتي كل يلي صار ولو معرفتي شي اني نحبك انتي نحبك ونبيك ونموت فيك صار سوء تفاهم بسيط وانحل اني والله مقصدي اختك ولا نبيها ابدا "
ملك قرت رسالة ومردتش
بعتلها " ملك ليش متبيش تردي !! ردي عليا نبي نعرف جوابك
ملك : اسمع مهما كان اني منفضلش اي حد ع اختي اي واختي تحبك انت خلاص تم الموضوع ومستحيل نفكر فيك بعد اليوم
احمد : وانتي قصدك تحبيني ؟! وبتخسري شخص يحبك وتحبيه ع خاطر شنو بالله
ملك : من قالك نحبك لو سمحت اني معنديش في جو هادا وتوا بنسكر بنقرا
سكرت ملك نقالها وقعدت تقرا وتبكي لانها تحب احمد بكل صدق وتعرف ان احمد يحبها هلبا بس تخلت عليه ع خاطر اختها
___________
محمد : خشي هي
بتول : فرح محمد
ام محمد : شنصار
محمد : مصار شي
ملاك : محمد ركب فرح دارها
محمد ركبني دار وقعمزت ع سرير ودموعي ع خدي وساكتة
اني : محمد مكليت شي انت شن تبي نديرلك
محمد : شن تديريلي قعمزي ارتاحي اني تو نمشي ندير ونجي
اني : محمد لا اني كويسة
محمد : فرح اسكتي وقعمزي منبيش ناكل اني
اني : خلاص اني اصلا مخاطريش
محمد : حتاكلي
.
.
ملاك : تصبحو ع خير بنخش نرقد شوية
جدة محمد : محمد خيرك نزلت
بتول : العشي واتي محمد ارفعه فوق
ام محمد : شنجو فرح
محمد : معاش تبي توقف بكي
ملاك : امها راه صعب عليها الموضوع
محمد : اني راكبلها
خش محمد وني في سرير بدلت وقعمزت
محمد : هي تعالي
اني : محءءمد قتلك منبيش كول انتي
محمد : فرح معاش تبكي امك حتفيق بس ضروري تكوني انتي قوية باش تقدري تهتمي بيها وقت تفيق ولا
اني هزيت براسي اي
محمد : هي كولي
اني : كوءءل انت اوءل
محمد : ها كليت كولي
محمد قعد يوكل فيا قداش مكان حنين معاي هداكا اليوم 💙
كلينا ومحمد نزل ماعين لوطا وجي ركب
حضني وشد يدي
محمد : متخافيش معاش تبكي امي حترجع
اني : متخلينيش
محمد : مش حنخليك هي توا نبي فرح يلي تدوي ومتسكتش ومتعرفش تقعد في مكان واحد
اني : لن تجي امي تخيل تمشي مع بوي ءء
محمد : هششش ارقدي
اني : غدوا ارفعني بكري
محمد : حاضر فروحتي
خدي محمد نقاله
محمد : ايوا ادم اني معاش بنجي خدمة فترة هادي شد انت الشركة مبين سخر ربي
ادم : تمام انشاء الله خير
اني : ليش محمد
محمد : وقتي هادا حيكون معاك بس
مر اسبوع وامي قاعدة زي ماهي واني طول وقتي نبكي وخلاص ومحمد واقف معاي ومخلانيش بكل وملاك كانت تقول لاحمد انها متحباش وكانت تتعذب هلبا اما ساجدة الحقد ملي عيونها بدت تغار هلبا من اختها
اني : ملك انتي تحبيه ياسر تعذبي روحك وتعذبيه حرام راه شوفي ها توا تبكي
ملك : مرة خوي منقدرش منقدرش ساجدة منقدرش
اني : قصي يكلكس برا امسحي دموعك واطلعيله
________
في الجامعة 💙
هالة : علاش هكي تكرهي اختك تصدقي هي رفضت خوي احمد ومتبيشي بكل ع خاطرك
ساجدة : جو الملاك 😂 هههه معليشي حبي جو هادا يمشيش معاي بري شوفي حد تاني ادوي عليه
هالة : اني غالطة يلي صاحبت وحدة زيك
ساجدة : فوتيني ونبي
.
.
أنت تقرأ
يوميـات زوجيـة 1 ♥️
Romanceبنحكيلكم قصتي طبعا اني اسمي فرح وعندي اخ واحد اكبر مني اسمه ابراهيم متشدد شوية معاي متزوج ومرته اسمها شروق وهي متقربة مني هلبا ونحكيلها في كل شي 😍💙 وعندهم ولد عمره ثلاثة سنين اسمه علي نحبه هلبا وخوي ساكن فوقنا طبعا بوي يونس وامي وردة حنينين هللبا...
