يوميـات زوجيـة 1 ♥️

9

محمد : تمام بري ارقدي توا
ملك : تصبح ع خير
محمد : وانتي من اهلو
اني طلعت من كوجينة ومشيت خشيت لساجدة
ساجدة : تعالي تعالي 😍
اني : شنو
ساجدة : شفتيه طرف بتاع بكري
اني : اي
ساجدة : وووه عليا بنموت حسني نحبه شخصية وكل شي وووو
اني : هشش ليسمعك محمد 😂
ساجدة : اي حق غدوا مش ماشية جامعة خاطريش
اني : احسن ارقدي
ساجدة : محمد يقتلني 😂
اني : ارقدي توا تصبحي ع خير
طلعت ومشيت لمحمد وياريتني ممشيت
محمد جي طول قدام وجهي
محمد : تعرفي اكثر شي نكرهه الكذب وامهههه ليش كذبتي ليش قلتي انك انتب بزعتي ميه كنتي تقدري تقولي صدق تعرفي اني الكذب نكرهه وجو هادا يلي ديري فيه يقدرو عيلتي يصدقوك ع اساس بريئة اما اني مستحيل فاهمة كلام هادا حطيه في عقللك فمعاش تحاولي تديري لقطة هكي ولا هكي هي فترة وتروحي لاماليك فاخطي المشاكل فاهمة؟!
ومشي طول حط راسه ع مخدة وتمرقد
اني درت روحي مسمعت شي
فات يوم خرا هادا وجي تاني يوم فيقت محمد كان قالب وجهه ومدويتش معاه بكل مر يوم عادي جي وقت غدي
اتصلت ملاك بمحمد قاللها مش جاي عنده خدمة اني قررت نرفعله غدي للخدمة ع اساس نبيه يتغير وندير زب ماقالتلي غادة ونحاول نتقرب منه مشي بدلت ووصلني سواق ومشيت 💜
اني : محمد في مكتبه ؟
البنت يلي في رسبشن : ايه
اني : وينه مكتبه ؟
البنت : اخر حجرة ع اليمين في هاداكا الممر
اني : اوكي
جيت بنمشي
البنت : عفوا ممنوع دخول
اني : وعلااش اني مرته وبنخش !!!
مشيت لقيت بنت طالعة من مكتب محمد وتضحك وكانت مدايرة هلبا مكياج تقول عرسها ولابسة ضيق هلبا وقصير وشعرها طالع من وشاح شكلها بخوف عموما😂😒
البنت : من انتي وكيف سمحولك تخشي ؟!!
اني : تي شن تخرطي تعرفي من اني؟
منحكيلكمش كان خاطري في عركة واني نوعيتي مشكلجية بكل😂😂
البنت : شن هالناس من وين تجي تعرفي متطلعيش ناديلك الامن
اني : وووه عليا خفت بوبريس ويهدد اني مرة محمد ي بوبريس انتي شن هالخليقة تي صلحي خلقتك لنلعبلك فيها تسعة توا
البنت : وووه انتتتي مرت محمممد ؟؟
اني : اي مرته شن مش عاجبك والله يلي مش عاجبه ينقي حواجبه ااه حقا معندكش حواجب كل رسم 😂😂 تي ابعدي من باب
دفيتها وخشيت وسكرت باب
ونلقى محمد واقفه عليه بنت نفس خلقة البنت يلي لقيتها برا والعياذ بالله ومشاء الله مبتسم خونا محمد
البنت : مني انتي اطلعي برا شن مش مقالو محد يخش
اني كيف جاية بندوي
البنت : وعندك عين تدوي شن هالاشكال بنادي الامن اني اطلعي برا اقلبي وجهك برا
ومحمد ساكت
اني بعد شفت محمد ساكت مقدرتش ندوي
اني : محمد كنت جايبتلك غدي لانك مجيتش ع الحوششءءء
محمد : حطيه اهني وبري
البنت : اااه قصدك هادي مرتك ؟!! بوسيبل قصدي متوقعتهاش هكي بيئة
اني حاولت نهدا ومننفجرش قدام محمد
اني : اني وجاري شن دخل حماري ☺
البنت طلعت وتعفلقت هلبا
محمد : شن جابك اهني؟؟؟
اني : مجيتش باش نشوفك جيت نعطيك ماكلة بس
محمد : هييي يا بنتتت احترمي نفسك ومتحاوليش تقربي مني احسنلك
فجاءة تخش البنت يلي لقيتها في فم الباب وهي تبكي نهارات شن ضربتها اني 😕💔
البنت : محممءد اني كنت نحسابك ترضاش حد يهين عملائك
محمد : شن مني هانك
البنت : مرتتك اهيا كيف طالعة منكم قعدت تهزب فيا علاش هكي شن درت 😭💔
اني : مصح وجهك
اني كنت واقفة وقفة ثقة نحساب محمد بيوقف معاي وجو عايشة اللحظة
محمد : فررح
فرح : نعم
محمد : اطلعي برا شركة ومعاش نبي نشوف خليقتك اهني
فرح : بس
محمد بزع الماكلة يلي جبتهوله ع الارض
تفو عليه
وناض جاني متكنطي
محمد : قداش مرةة نقولك متقربيش مني مجرد كلام ع ورق وخلاص حيتم قريبا فاهمة
اني سكتت وراسي في الارض كيف هاني قدام البنت
محمد : وتوا اقلبي وجهك اطلعي برا
اني طول طلعت وركبت سيارة وصلت حوش
ومحمد قعد ف شركة
البنت : اهدا حميدة متعدلش....
________
في الحوش
بتول : بنيتي فرح نحطلك ماكلة
اني وجهي كان مليان دموع مقدرتش نتكلم او ندوي 💔
اني : لا لا شكرا مخاطريش
ام محمد : فرح شن في خيرك بنيتي
اني : لا لا شي تعبانة شوية نركب داري نبدا احسن
ركبت داري وطول ع مخدة وبديت نبكي معاش سكتت
جتني ام محمد
مسحت دموعي
ام محمد : شن في فرح محمد دارلك شي
اني : ااه لا لا لا مفي شي غر تعبانة شوية واستاحشت اماليا
ام محمد : تعالي في حضني
غمرتها وقعدت نبكي هلبا وارتحت 😍💙
ام محمد : هي خلاص نوضي عاد متعودناش عليك هكي وقصي اليوم كئيب مكلي شي مسكر داره بس
اني : علاش
ام محمد : مباش يتكلم مع حد
اني : خلاص تو نوتي ماكلة ونرفعهوله
ام محمد : انشاء الله يسمعلك
درت شوية ماكلة وعصير وحلويات ورفعتهم لقصي 💙
طق طق طق
قصي : قلت خلوني بروووحي
اني : قصي خلاص افتح اني فرح ممكن نتفاهمو شوية بس
قصي فتحلي الباب 💙
وقعمز ع كرسي
اني خشيت حطيت ماكلة في طاولة وسكرت باب
اني : قصي خيرك يوم ع عكس عادتك شن في
قصي : لا لا شوية ارق بس
اني : قصي اني زي اختك واكتر تقدر تحكيلي وني ندور معاك ع حل مش كوبس تقعد هكي
قصي كان مطبس راسه لوطا
اني : ادوي عادي 💙
قصي : اني كنت نحب ببنت نحبها هلبا ومرتبطين لينا اربعة سنين مع بعض وكنت ناوي نخطبها كلمتها توا قتلي ولد عمي خطبني وخلاص 💔 اني يا فرح شن ندير غير علاش هكي يا ربي ليش شن درت
اني : قصي اكيد غصب عنها وحنلقو حل واماليها مستحيل يزوجوها لواحد متبيش هي
قصي : اماليها وافقو
اني : حاولت تكلمها ؟
قصي : تي اي مدايرتلي حظر في كل مكان اني بننتهي ي فرح 💔
اني : اممم باهي اعطيني رقمها وني حنحاول نكلمها
قصي : حقا
اني : اي وكان اضطر الامر نمشو لاماليها ونخطبهالك اني 😍 وانشاء الله يصير خير يا رب بس ضروري تاكل وتقوى ولا باش تقدر تفتح حوش ونزوزك😹
قصي : حقا
اني : ااي بس اوعدني لو صار عكس هكي انت تكون قووي وتشد روحك 💙
قصي : حااضر
اني : اكيد جيعان هي هي كول 😹😍
قصي : من عيوني 😍 ورقمها تو نبعتهولك فايبر
قعد قصي ياكل واني طلعت
شوية نسمع صوتت اسامة من داره وهكي قال
اسامة : الو غادة حبيبتي 😍 نحبكك ومستاحش صوتك
اني درت روحي مسمعت شي وقعدت نقول لروحي غير صفي النية ي فرح
خشيت داري وبدت الافكار تلود وحكاية اني سمعت اسامة يقول غادة حبيبتي والخواتم نفسهم فكلمت غادة ع فايبر كانت متصل الان وهي نظام صيدلية ديما فاتحة 😂
وقلتلها
اني : غادي حبي بنقولك ع شي ونبيك تهدي اوكي
غادة : حيوانة استاحشتك قولي خيرك
اني : عندي شك في شي ونبيك تبعتيلي صورة اسامة خطيبك
غادة : علاش غر في شن شاكة
اني : غادة اني شاكة ان هو نفسه راجل ملاك اخت محمد وانشاء الله بكون لا
غادة : لا لا مستحيل يحبني هلبا وطيب مستحيل يدير هكي
اني : غر ابعتي نبي نقطع الشك باليقين
غادة : هي لحظة
وطبعا اتصلت بحبيبة قصي مبتش ترد بعتلها ع فايبر ونراجي فيها ترد
قعدت نراجي غادة وبعتتش صورة شوية خشيت دوشت وبدلت ودرت شوية مكياج ودموعي في خدي من محمد خلاص تعبت منه ووصلت بيه يهزبني قدام كم بنت متساوش ممكن اني غرت ع شخص ميستحقش
نزلت لوطا لقيتهم يهدرزو
ملك : فرحح طالعة حلوة هلبا 😍
جدة محمد : قداش ما خاطري نديرلك شعرك
اني : مدابيا هي هي نجيب الخلاص ونجيك 😂
مشيت جبت خلاص وقعمزت ع الارض وهي قعدت تديرلي في شعري والله حسيتها امي
ام محمد : مشاء الله شعرك
نزل قصي حط صفرة في كوجينة
بتول : مشاء الله كليت
ام محمد : كله من فروحة 😍
ساجدة : بنبدا نغار راه😂
قصي : اني يلي بنبدا نغار
قعمزنا نهدرزو ونلقحو ونضحكو لن خش مستر نكد
محمد : صوتكم واصل لنهاية شارع
فرح : غريبة اني امبكري ركبت داري مسمعت شي اه اكيد الارتفاع بس🌚💜
نزل اسامة وكان طالع برا حوش
محمد : وين ماشي
اسامة : طالع
محمد : عارفك طالع وين
ملاك : محممد ياسر تتدخل هو بالغ ويعرف شن يدير
ياسر يا محمد كرهتنا العيشة هو راجلي ويحقله يمشي وين مايبي فاهم ورد بالك تدخل سكتنالك هلبا راه معمره وقفك قالك وين ماشي ليش تدير هكي
اسامة : خلاص حبيبتي اهدي متدوريش خلاص اني قاعد
ملاك : اسامة بالله عليك خليني نتفاهم معاه ؛ غر قولي محمد شن درنالك بالله عليك قولي
محمد : كلام فاضي + اليوم مجيتش الشغل
وركب محمد داره
وملاك كانت تبكي
اسامة : خلاص حبيبتي تعالي نمشو دار هي
ركبو دارهم
اني كنت متكنطية بس ضروري ندير واجبي كزوجة درت لمحمد غدي ورفعتهوله فوق 💙
اني : تفضل
محمد : شن هادا
اني : سم
محمد : مسمعتش
اني : غدي شن تشوف فيه
محمد : منبيش
اني : درته اني !!!!
محمد : قلت منبيش
اني : اي براحتك
خديت ماكلة ورديتها وني غالطة درتله قيمة
مر وقت وملاك واسامة مسكرين عليهم وباقبن لوطا نهدرزو الا مستر نكد في دار
جت ساعة 12 ركبت داري
خشيت حمام بدلت توتة ولميت شعري ومتكلمتش مع محمد بكل جيت بنقعمز ع سرير
محمد : ديريلي ماكلة
اني : شنووووو امبكري درتلك قتلي متبيش وتوا عشي قلت منبيش شن بنديرلك توا
محمد : وغصب عنك انزلي هي ديريلي
اني : اووف
ونزلت درتله وجيت حطيتله تسمسم وغسلت ماعين
واخيرا وصلت لسريري ومكانش خاطري نشوف لمحمد بككل
محمد : مسلسل بتاعك بيبدا
اني : شكرا نتفرج ع حلقة الاعادة غدوا بروحي وع راحتي
طق طق
محمد : تفضل
قصي : اسف ع الازعاج مرة خوي نبيك شوية
اني : هي
طلعت برا مع قصي
قصي : شنو كلمتيها
اني : قاعدة مردتش فايبر اخر ظهور امس تو تفتح نكلمها تخافش اصبر وبرا ارقد صبح عندك جامعة
قصي : تمام بالله طمنيني تصبحي ع خير
خشيت داخل
محمد : شنو في
اني : اوف موضوع شخصي
محمد : ادوي زين
اني : مغلطتش والله
محمد : يا بنتتتتت
اني : اي بنت شن تشوف فيا راجل
محمد ناض وقرب مني
اني : لا حول الله ها وقفت شنو في
محمد : لسانك نقصهه
اني : باه حول بنرقد
محمد كان بياكل روحه مني اني وقداش متغيره
محمد قعمز ع كرسي وشد نقاله
محمد : انتي يا بنت نوضي صبيلي ميه
اني : تشوف فيا راقدة
محمد : قتلك نوضي
اني : حاضر
نضت صبيتله ميه
اني : تفضل
محمد : ناس تمد بيدها اليمين ؛ راجي وين ماشية خودي طاسة
اني : اوووف
محمد : هاك
وبدي يلعب عاد  يجيبها يمين ونجي بناخدها يغير مكانها وقعدنا عام هكي
اني : محمد ياسر لعب واعطيني طاسة
محمد : لا مفيش 😂
اني : محمد ياسر اوووف
محمد : ها خوديها خيرك
اني : اقعد جيبها بروحك
__________
محمد
مش عارف شن رد الفعل يلي درته بس اني منبيش نتقرب من فرح ومنبيهاش تتقرب مني ، وبعد تمشي حوش اماليها منبيهاش تتفكرني بحاجة كويسة نبي كل متتفكرني تزيد تكرهني منبيش يكون بيناتنا شي حلو بس لما روحت حوش وشفت اسلوبها حسيت زي شوكة تنخص فيا تمنيت الموت حاولت نغيرلها الجو شوية متحملتش
__________
مشيت حطيت راسي ع سرير تفكرت نقالي
شديته شوية خشيت ع فايبر
لقيت غادة باعتتلي صور قبل منفتحهم قعدت ندعي مية مرة ميطلعش ظني صح ....... شن تتوقعو اسامة خطيب غادة هو نفسه راجل ملاك ؟؟؟ او لا 😂💜 ولو طلع هو فرح كيف حتتصرف بتكلم العيلة ؟ ولا بتسكت وشن حيكون رد فعلهم لو كلمتهم ؟!