يوميـات زوجيـة 1 ♥️

21

جي محمد 💜
محمد : شني انسة فرح وين ناوية نمشو
اني : اممم مشعارفة نشرو حوايج لملوكة
محمد : تعرفي اول مرة نشوف بنت متحبش اكسسوارات😂
اني : اعطيني سبيدرواتتتتت وبطنننني وغير هكي سلامتكككك معاش نبي شي 😂
محمد : باش هكي رايحة سمينة
اني : اني سمممينة ؟! وزني مفاتش خمسين
محمد : اااي ي سمينة😂 حتى لو مش سمينة حنقول هكي
اني درت روحي زعلت
محمد : غر شوفو شوفو زعلت المدام
اني شبحتلههه
محمد : تي انتي موودل رشيقةةة لن الرشاقة تنقط منك😂😂
اني : ايوا هككي خير 😂
محمد رفعني محل ونزلنا
اني : حييي ع ام سبيدددرووواتتت محمد شوف هادا ؟ لا لا تعال شوف هادا ؟ حححي هادا احلى شوفه لا لا اهوووا حي ع امه
محمد :كم مقاسك انتي
اني : 37
محمد : لو سمحت اعطيني من هادم النوعيات مقاس 37
الولد : صفة هادي ؟
محمد : اي كلهاا
اني وشوشت لمحمد : بتفلس رااا
محمد : هي اليوم رايحة رايحة 😂 فخليها
لمهم شرينا هلبا حاجات وفرحت هلبا لاني مع محمد وتعرفت عليه كشخصية حنونة واخيرا 💜 روحنا حوش وتجمعنا كلنا
قصي : محمد من وين عندك الطرحة يلي لابسها هادي 😂 هاتها نطرح بيها
محمد : خلاص ضاقت معاش لقيت الا تشبحلي اني شوف واخدلك بدلة مزيها حد
بتول : تسلم ايديكم ع حاجات
ساجدة : انشاء الله بمشي يوم لخميس ع خير
جدة محمد : مفي شي ناقص
ام محمد : لا لا كل شي تمام العقبة للباقين😂
لمهم ركبنا اني ومحمد دار 💜
قعمزت نساوي ف شعري ومحمد يبدل
وفجاءة جاب الباكو يلي خداه من الصايغ
محمد : اممم فرحح
اني : نعم محمد
محمد : امم تفضلي
اني : شنو
خديت باكو فتحته كان في سنسل بسيط يهبللل مكتوب فيه حرف F&M ومعاه قلب كان حلووو هلباااا
اني : محمد محلااااااااه
محمد : ااصبري في شي تاني
مدلي باكو تاني
فتحته كان فيه طاكم يلي عجبني هاداكا
اني حضنت محمد وسكتت من فرحة عاش عرفت شن نقول محمد تغير هلبااا بدي حنين وكويس معاي وتاكدت من مشاعري اتجاهه 💜
__________
محمد
اني نبي نعوض فرح ع جرح يلي درتهوله ونبي نكون مكان بوها صح اني مش حندوملها بس اني جرحتها هلبا ضروري نصلح غلطتي 💜
___________
قعدنا شوية ني ومحمد بعدها نزلنا للعيلة لوطا 💜
محمد : ملاك
ملاك :نعم
محمد : وقعيلي ع هادم الاوراق
ملاك : تاع شن
محمد : طلاقك من اسامة
ملاك : ااا شنوو
محمد : زي م سمعتي طلاقككك
ملاك : محمد تحساب موضوع ساهل ؟!
محمد : ملاك لازم تطلقي
ملاك : انت سالتني ! عارفني شن نبي !
محمد : اسامة مينفعش
ملاك : ونننبي اسكتتتتت منبيش نسمع شي منككك اني اسامة نحبه ونبيه صح هو غلط بس صلح غلطته اسامة حنين هلبا معااي
محمد : محمد : شنو شنو كيف صلح غلطته؟!
ملاك بدت تبكي
ملاك : اني واسامة مسيبناش بعض قاعدين نتكلمو ومستحيل نسيبه نحبه هلباااا باهي ! وطلاق منبيش نقعه واشرب ميته كان تحسابني بنسمع كلامك زي كل مرة تبدا غالططططط باهي !!
محمد : ملااككك
ملاك : شنو ملاك ! اكتر انسان ظالم شفته ف حياتي انتتت ! قلبككك اسود واناني ومشعارفة فرح كيف متحملاتك ! مسكينة وخلاااص ؟ عارف اسامة صح غلط بس صلح غلطته معاي وهو حنين هلبااا معاي مش زيك متعرفش حتى معنى الحنيةة
واني متاكدة معمرك تصرفت بحنية مع فرح تي انت معانا وبالسيف تضحككككك اني نحب اسامة ونبيهههه وطزز فيككك
اني : ملاكك ياسر اهدددي
كلاك بدت تبكي وتعيطط ع محمد
ملاك : حسبي الله ونعم الوكككيل فيككك
لن اغمى عليهاا جينا كلنا شديناها ومحمد ركب داره فوق ركبنا ملاك دارها وحطيناها ع سرير لن فاقت 💜
فرح : اطلعو خلوها ترتاح شوية
ملاك : منبي حد معاي حتى انتي فرح
فرح : تمام
طلعنا وخليناها قصي طلع برا الحوش وباقين توزع كل واحد داره اني خشيت لمحمد وقلبي مكسور لان جديات كلام ملاك يكسر ، لقيته مقعمز ع كنبة وشاد طاسة قهوة ف يده ومطبس راسه ع ارض
اني جيت قعمزت حداه ونحيت طاسة قهوة من يده وشديتها 💜
اني : محممءد
محمد ساكت
اني : راه ملاك متقصددد شي
محمد جاي بيطلع
اني : ديما انت هكي 💔 متبيش تحكيلي يلي فقلبك تهرب بس عادي
محمد جي رجع وقعمز ع ارض وحط راسه ع رجليا وشد يدي
محمد : فررح اني شن درت والله مكنت نبي شي يصير
اني : محمد نعرفك تحب ملاك وكلشي بس ملاك بالغة وتعرف مصلحتها
محمد : والله اسامة مش كوويس
اني : شن عرفك مرات تغير
محمد : فرححح اني فعلا منعرفش معنى الحنية ممكن لان الظروف هكي جبرتني نبدا
اني : لا لا حبيبي انت حنين وهلبااااا 💜 صح ظروف خلاتك تتحمل مسؤؤلية من صغرك
محمد : فرح اني فعلا معذبك وكلام ملاك صح
اني : لو العذاب منك اني راضية طول عمري نكون معاك
محمد : فءءرح
اني : ااسسس توا نوض برا لملاك اكيد هي توا متدمرة وتبيك 💜
محمد : حاضر
______________
في نفس وقت عند ملاك خشتلها امها💜
ام محمد : شن يلي درتيه!
ملاك : اني شن درت!
ام محمد : الكلام يلي قلتيه لخوكك غلطططط محمد يحبك هلبا
ملاك : حتى اني نحبه بس هو وصل في راجليييي يلي نحبه وحنين معاي وعمره مغلطش معاي
ام محمد : متنسيش خوك شن مدايرلك ؟! تخلى ع حياته ع خاطركم
ملاك : وراجلي؟
ام محمد : وخوك ؟؟ يلي معمره خلاك تحتاجي لحاجة طز فيه ؟
ملاك : اممم لا
طق طق طق
وخش محمد 💜
جت ملاك طول حضناته
ملاك : محمممد اني اسفة ع الكلام يلي قلته سامحني مقصديس بيه شي والله تكنطيت بس
محمد : ملاك انتي اختي الكبيرة وحنكون معاك ديما 💜 واني راضي انك تكلمي اسامة ويرجع يقعد معانا
ملاك : شنووو حقااا😍 فرحتي مش حنعطيها لحددد
محمد : كلميه توا اني خاش نرقد تصبحو ع خيير
ملاك : زعلان مني ؟
محمد : مستحيل نزعل منك
___________
ف الفايبر
ملك : اي حبيبي خايفة ومتوترة نراجي امتى يجي الخميس 😂
احمد : كانه طوووول
ملك : نبيككك
احمد : نحبك هلبا
ملك : تتفكر كيف تلاقينا😂؟
احمد : خديت دوش مش زي حد😂
______________
قصي كان يكلم في رنا اما ساجدة ربي هداها وبدت تهتم بقرايتها 💜
____________
اني بدلت حوايجي ودرت شعري وقعدت نساوي ف سريري بنرقد نعست 💜 خش محمد
محمد : وين يا طير
اني : من اني ؟
محمد تلفت ايمين وايسار وقال : ليش في حد تاني معانا 😂
اني : نعسانة بنرقد معاش قادرة نفتح عيوني
محمد : مفيش نوم في فيلم مليح نتفرجو عليه
اني : محمد تفرج انتتت بنننرقد
محمد : اسكتي وتعال
قعمزنا على الكنبة وقعدنا نتفرجو لن معاش حسيت على روحي ورقدت 😭💜
______________
محمد
تاني يوم صبح ساعة سبعة فقت وسكرت المنبه باش فرح متفيقش لان امس رقدت وخلتني نقيمها 😂 وغطيتها زين ونزلت نوتي الفطور اول مرة ف حياتي نخش مطبخ اعذروني مهما كان الشي يلي حيطلع ، شرين نقالي
تن ترررررن تن
الشخص : استاذ محمد سحبو من حساب يلي باسمك بتاع اختك ملاك مبلغ كبير راه
محمد : ملاك ؟
الشخص : جي زوجها وسحب منه
محمد : اوكككي تمام
______________
فرح
اني فقت تاني يوم ساعة تسعة ونضت مخلوعة شن جابني ف سرير ووين محمد نزلت لوطا 😂 نشبح ام محمد وبتول وملك واقفين قدام كوجينة ومصدومين وقفت معاهم 😂 وكليت الصدمة💜 محمد يطيب شكله كان يضحك وهو يطيب وحاط سماعات ودانه 😂 شكله كان يضحككككككك شوية هكي نزل قصي
قصي: من كتر حب فرح ومحمد لن بديت نشوف فرح هي محمد ، قولولي نتخيل ولا شنو
محمد لاد وشبحنا وراه😂
محمد : شني
قصي كان ميت ضحككككك
محمد : خيرك تضحككك
قصي : خووي تسمع اغاني وزيادة زمزامااات😂 وووووو
محمد : اني نسمع زمزامات؟ هادا نقال فرح ملقيتش فيه الا هك
بتول : حي ع كوجينة يلي متفجر فيها لغم
محمد : اي كانكم تاخرتو ع جامعة؟!
ملك : اني وسجو عندناش 😂 قصي بس
محمد : وقاعد مازال تي اركككب ي فرخ
قصي ويضحك : حاضر شيف منال
وناض قصي يجري 😂
حطينا الفطور ونزلت ساجدة وكنا نفطرو ونضحكو هلبا لن طق الباب 💜
فتح محمد الباب !
اسامة : صباح الخير
قصي : الككككككلببب هادا شن يدير اهنننني
محمد : اسكت تفضل اسامة
ملاك ناضت طول حضنت اسامة 💜
قصي : محمد شن هادا نم تي شن درت
محمد : قصصي مليكش علاقة من اليوم اسامة وملاك رجعو لبعض
قصي ناض متكنطي وطلع بيمشي جامعة
اسامة : اني والله اسف هدبكا فترة مشعارف شن صارلي وربي توا تغيرت ونبي ملاك بس نبيها هي بس تكون معاي اني معنديش حد غيرها
محمد : اسامة وتي روحك باش تجي شركة
محمد ناض من فطور وركب فوق واني لحقته
اني : محممد
محمد : هيوا
اني : ماشي خدمة ؟
محمد : شن تشوفي فيا ندير بري انزلي كملي فطورك
اني: طلعت تعرف تطيب 😂😂
محمد : اسمعي مدة هادي منبيكش تطلعي من دار هلبا وقت اسامة قاعد
اني : وعلااااش
محمد : ديري يلي نقولهولك من غير نقاش باهي ؟!
اني : اممم حاضر حبيبي
محمد : ترا ترا ترا عاودي شوية
اني : محممد نسيت نعطي جداي الدواء
اني جاية بنطلع
محمد : فرررح شن قلت قبل منكمل كلامي متمشيش
اني : حاضر
محمد : عاوي الكلمة يلي قلتيها
اني : محممءءد
محمد قرب مني لن خفت منه
اني : محمد ونبي اهفت تخوف فيا هكي
محمد : ككان تخافي راك قلتيها هيا قوليها
اني : حححبيءءبي
محمد : قولي محمد ومعاها الكلمة هادي
اني : والله!
محمد : هيااااا
اني : محمد حبيبي
محمد : شطورة يلي تسمع ف الكلام😂
_______________
ف جامعة 💜
روان شبحت قصي ف كافتيريا معاه رنا وهو يعطيوفيها ف حاجة
روان : كانه يعطي فيها فلوس
ريان: روانن وقفي فواتتيه
مشت روان تجري لرنا
روان : تعرفي انتي حيوانة وحقيرة وتافههه وتبي فلوسه بسس
رنا بدت تبكي : حرام عليك اني والله نحبه قصي
قصي ناض : رواااان احترمي نفسك انتي يلي طماعة وتبي فللوس بس هادا همك وحتى لو رنا متاع فلوس منبيكش تدخلي فيا باهي !!! فوتيني اني نكرهك نكرهك مش كان ضحكتلك مرة خلاص اقلبي وجهك؟! من حياتي
روان : قءءصيي
قصي : رنا نوضي نطلعو من اهني !
شد قصي رنا وطلعو وروان قعمزت ف كرسي وجتها ريان وشبحهم ايهم جي
ايهم : روان شدي روحك مش هكي عاد
ريان : قتلك فوتيه تي ميحبكش !
روان وتبكي : انتي مسمعتيشي شن قالي يا توامتي 💔؟؟ كسرني ريان خلينا نمشو حوش معاش نبي نشوفه او نكلمه او شي
ايهم : روان
ريان : لو سمحت فوتنا انت وصاحبك برو لشكالات رنا
___________
؟؟؟ : اي يا استاذ محمد حتى اليوم سحبو مبلغ كبير
محمد : تمام