يوميـات زوجيـة 1 ♥️

16

وهدرزت مع نساوين شوية بعدين روحو جماعة من جامعة ساجدة طول خشت غرفتها
وملك بدلت ونزلت معانا
اني : كلمتي احمد
ملك : لا لا
اني : علاش بري كلميه
ملك : لا لا لن يكلم محمد
اني : كلمه محمد لاكن مردش
ملك : لحظة تو نتصل بيه اهني وين باقين
اني : فوق فوق مش حيسمعو وقصي برا مع صحابه
ملك : ها تو يرد
احمد : السلام عليكم
ملك : ااء ااا
احمد : ملك خيرك
اني : اهلين احمد اني فرح مش ملك
احمد : اه اهلين مدام فرح كيف حالك
اني : كويسة وانت شنصار معاك
احمد : والله من امس نبعت لمحمد في رسائل مردش ؛ وصارحته قتله نبي ملك وجاي بنية حسنة
اني : ومردش
احمد : اي ؛ قولي لملك خاطري نتلاقو ونتكلمو هلبا
ملك هزتلي براسها لا
اني : ملك متبيش
احمد : مش حيصير شي والله
اني : ملك هي بحداي وتسمع
احمد : ملك نبي نتفاهمو لن يرد عليا محمد حتى انتي يا فرح تعالي معاها مهم نشوفها هي نطمن عليها متبيش حتى تدوي تسمعني صوتها
اني : اي خلاص ملك حتجي واني حنكون معاها في كافتيريا تاع جامعة غدوا
احمد : تمام غدوا حنجي مع الواحد هكي
اني : تم مع سلامة
ملك : علاش نخاف
اني : نتفاهمو معاه ونعطوه رقم محمد يكلمه هكي طول او نتصلو بيه يجي غادي احسن متخافيش
ملك : ااه نرتاح هلبا وقت تكوني معاي 😍
اني : خلاص تعالي توا نوتيلك بدلة تمشي بيها مبين جي محمد غدي واتي
واحني طالعين من كوجينة
اني : ساجدة شن تديري اهني
ساجدة : لا شي جيت بنشرب ميه انتم خيركم تقول تتامرو ع حد 😂
اني : اها هي ملك
مشيت اني وملك لداري
وساجدة قعدت لوطا حسيت انها سمعت شي بس هي قعدت تتصرف عادية جدا
خشيت اني وملك لداري وبدينا عاد نجبدلها شعرها ونضحكو شوية ونقرمو شوية 😂 وطلعتلها بدلة حلوة بكل ووشاح وشنطة واهم شي سبيدرو لاني نموت في سبيدروات
خشت علينا بتول
بتول : شن تديرو
اني : نهيجو 😂
بتول :مشاء الله استشوار وفير
اني : قعمزي خالتي بتول هي نرجعلك شبابك شوية حتى انتي
بتول : شنو 😂 هي هي اني قعمزت
قعمزت هي وبديت نجبدلها في شعرها
اني : ها شوفو تي اما انجلينا جولي ترا
بتول : تتسهوكي ي كلبة😂
ملك : حي صوت محمد
اني : اي هيا لمو شعركم خير ميحلقهولكم صلعة
بتول : وعلاش 😂
اني : لا لا شي شي
نزلنا كلنا وبديت نوتي في الغدي
جداي كانت مريضة راقدة قعدت معاها ومتغديتش لا اني ولا هي
حطيت الغدي وركبتلها طول بعدين نزلت شوية نلم ماعين وركبت داري محمد كان في حمام
اتصلت بيا روان
روان : شنو جو يا حيوانة
اني : مش كويسة بعد سمعت صوتك😂
روان : اسمعي خو راجلك هادا بنقتله
اني : خيره قصي الحلو
روان : بكل زفت 😂 وين مانمشي يطلعلي ونهار كله نفكر فيه
اني : اي حب ماه
روان : مصحك نكرهو بعض
اني : بعد كل كره حب راه 😂
روان : يمشي لحبيبته
اني : تعرفيها
روان : اي رنا صاحبتي من بعيد 😂
اني : حيوانة متكلمينيش عليها
روان : شن في علاش
اني حكيتلها القصة
روان : حي ع جو يناري هو مدارلها شي
اني : تعرفي كان ولد غيره راه قتلها
روان : ربي يعاونه
اني : ويزوجك ليه بسرعة باش تعاونيه 😂
روان : تفو عليك امي تعيط ووووه خنمشي نغسل ماعين عليا طيري
اني : اوكي
طلع محمد من حمام
محمد : شنجو جداي
اني : كويسة
محمد : كلهم تغدو
اني : اي
محمد : وانتي
اني : مخاطريش
محمد : شن مخاطركش مفطرتيش راه
اني : يهمك يعني
محمد : اكيد
اني شبحتله
محمد : ميهمنيش غر باش متطيحليش
اني : 😂 متخافش منطيحش
محمد : حقاا يا حبووب
اني : حبوب شنوو
محمد غمزلي واني فهمته ع شن يحكي
محمد : حبوب شنو صار 😂
اني : حي جداي جداي بنعطيها الدواء
محمد : لما ندوي معاك اوقفي
اني : تمام سيدي اي اوامر تانية
نقال محمد شرين
محمد : الو شيرين
شيرين : استاد محمد الوراقي كملتهم لمني نسلمهم ؟
محمد : اعطيهم لادم مبين جيت غدوا
شيرين : حاضر
وسكر محمد اني وجهي بدي احمر وتكنطيت
محمد : خيرك
اني : شي
محمد : تي وجهك زي طماطم رايح وتقولي شي
اني : ماه جو نو بس
محمد : اها
اني : باه ممكن تحول مني عندي حاجات نديرها
محمد : تفضلي حبوب
اني : ياسر حقا بنقولك
محمد : نعم
اني : غدوا نبي نمشي حوش اماليا
محمد : باهي تو نوصلك صبح
اني : لا لا نفيق نضم ونطيب بعدين نمشي بروحي
محمد : شن امالا بتسوقي
اني : شن فيها عادي
محمد : يوصلك السواق
اني : لا محمد نبي نمشي بروحي شن يسوق بيا منحبش
محمد : قلنا لا امالا
اني : هيا محمد ونبي شن يوصلني تو ترضى نركب مع راجل غريب
محمد : اممممممم
قعدت نقنع في محمد 😂 لن وافق
محمد : اهو مفتاح سيارة
مهم مر يوم عادي وجي تاني يوم وغقت متحمسة هليا نراجي في الوقت تقول يوم عرسي 😂 طول جريت لملك لقيتها فايقة ومبدلة ومربعة رجليها ومقعمزة في سري،
اني : صباح خير شن تتمحني 😂 تفكري في صغارك ولا شن
ملك : كيف بنقابل احمد بعدين
اني : علاش خيرك
ملك : متحشمة منه بعد يلي درته فيه
اني : تي هو يحبك ويبيك عادي واني معاك
ملك : شكراا هلبا نحبك خليك ديما معاي 😍
اني : هي بنمشي نوتي فطور قبل منفيق محمد
ملك : واتي فيقيه هو بس
اني : اوكي فيقي سجو وقصي
ملك : قصي معنداش اليوم لاكن بيمشي يوصلنا وسجو نعرفش بتمشي او لا تو نفيقها
مشيت اني ع داري وفيقت محمد
اني : محمد محمد صباح الخير
محمد : هااا صوتك زي نم مزعج ياريت لو نتفكى منه كم يوم
اني : متخافش هما كم شهر هكي وتتفكى منه بكل غر فيق توا وقت شغلك
محمد : استغفر الله نفيق ع دوة زي هكي
اني : افف لا حول الله وخلاص
محمد : صبح تتاففي
اني : انت فايق متكنطي واحد يفيق صبح يبتسم شوية
محمد : شن بتعلميني شن ندير وقت نفيق ولا شن
اني : لا بس هادي نصيحة
محمد : يا بنننت
اني : بنمشي نوتيلك فطور
نزلت ع كوجينة لقيت ملاك فايقة تاكل 😂
ملك : سجو فيقي
ساجدة : اووف شن تبي
ملك : نوضي بدلي كان بتمشي
ساجدة : وخيرك طارحة هكي تقولي بتلاقي راجلك 🌚💔 باهي تو نفيق اليوم اكيد بنمشي عاد
ملك : امممم باه بنفيق قصي باش يوصلنا
اني ستفت فطور ع طاولة لن نزلو باقين وقعمزنا
كلينا
محمد : صحتين اني طالع وفرح ردي بالك من طريق
اني : اوكي اوكي
بتول : ليش شن في
محمد : بعدين بتمشي حوش اماليها
بتول : عندي حاجات في سوق تو نمشي معاك امالا
اني : ااا ليش تتعبي روحك اكتبيهملي في ورقة وني نجيبهم
بتول : تمام
محمد : فرح تعال شوية
مشيت اني ومحمد هكي ع جنب بروحنا
محمد : هاك اهمي فلوس خليهم معاك كان نقصك شي
اني : لا لا عندي فلوس محمد
محمد : اس حتى ولو مدة هادي اني راجلك خليهم معاك
اني : اممم اوكي
محمد : متبي شي
اني : سلامتك
طلع محمد وني وليت للعيلة
ملك : هيا قصي
ساجدة : اي هي 🌚💔
قصي : هي

طلعو هما واني ضميت شوبة الحوش جت ساعة 12 بدلت حوايجي لبست سروال واسع ابيض في الاسود وسورية بيضا وجاكة طويلة كت لونها احمر وكندرة وشنطة ع الاحمر ووشاح اسود وخديت نضاراتي ونقال وطلعت مشيت حوش اماليا
شروق : شن هالجمال اي 😂
امي : خيره محمد مجاش
اني : والله خدمة
امي : اني ماشية للمرا توا باهي
اني : خنودعك من توا شوية وبنمشي اني 😂
امي : ليش اتغدي
اني : لا لا بنمشي الحوش
امي : اي عاد بديتي تحبيهم واني فايتيني
اني مشيت بستها
اني : تي كبف انتي الحب الاول 😂
مشت امي وقعدت اني وشروق حكيتلها ع كل شي واني بنمشي جامعة
شروق : وووه ردي بالك فروحة
اني : انشاء الله خير ؛ عليوة كلب جيت ع خاطره
شروق : بايت مع امي ضارب جو مع صغار خواله 😂
اني : هي توا بنوض
قعدت نلم في صواني
شروق : تي خلي تو نقيمهم ساوي روحك
اني : تو نقولك شن صار
شروق : تمام مع سلامة 😍💙
ركبت سيارة ومشيت للجامعة خشيت للكافتيريا لقيت احمد مقعمز سلمت عليه وقعمزت معاه وشرينت لملك باش تجي وجت سلمت ع احمد وعيونه متحولتش من عليها
احمد : ومحمد قاعد مردش
اني : تو يرد نعطيك رقمه وكلمه خير او براله في شركه
ملك : احممد رد بالك ع روحك
احمد : خووشي واخيرا نطقتي 😂 تي نراجي فيك من امبكري تفتحي فمك
اني : طالعة لخوها بسلامتها
احمد : 😂😂
ملك : ندوي بجد محمد احتمال يضربك
احمد : عادي ننضرب ونولي وننضرب ونولي لن يوافق
قعدنا نهدرزو ونتناقشو شن حيصير
________
ساجدة : الو محمد
محمد : شن في
ساجدة : وينك
محمد : ويني في الديسكو تاع ايطاليا تي شنو وين بنكون يعني
ساجدة : ماه ريت فرح في جاكعة نحسابك معاها زبطت😂
محمد : فرح وفرح شن بيجيبها جامعة يا فالحة شكلك ملخبطة
ساجدة : لا لا مقعمزة هي وملك وولد ممكن احمد هاداكا يلي جانا مرة لحظة تو نصورهملك ونبعتلك فايبر عندي نت شفرة
محمد : شنوو شن تخرطي انتي ترا ابعتي
خشت ساجدة للكافيتيريا وقعمزت في كرسي قريب مننا لاكن مركزناش فيها
في نفس الوقت احمد كان يشوف لملك وهي متوترة وخايفة
احمد حط يده ع يد ملك
احمد : ملك متخافيش كل شي حيكون كويس حبيبتي
وع اللقطة هادي صورتنا ساجدة كم لقطة هكي وطلعت
ساجدة كانت تضحك وانخبطت في بنت
هالة : اسم الله شن ركبك الجن من خسد
ساجدة : معاش في حسد لان معاش في شي اسمه ملك 😂 محمد حيقتلها
هالة : شن تقولي
ساجدة : اي اليوم عزرائيل حيزورنا
هالة : شن تخرطي
ساجدة : ها شوفي هادم صور بعتتهم لمحمد وتو تشوفي شن حيصير راقبي بس يالحب 😂
ومشت ساجدة تضحك وهالة قعدت ترعش
وبعتت ساجدة لمحمد الصور ع فايبر مبين وصلو الصور لمحمد احني كنا بنروحو
احمد : خلاص تو نتصل بمحمد
اني : هي مع سلامة
ملك : فررح اجري ع الحوش قصي اهو جي
اني : هي هي باي
مشيت اني ركبت سيارتي وقايمة خشمي مدايرة فيها جورج كلوني 😂 نحساب روحي درت شي عظيم ومطمنة لان ملك في امان وحيكلمو محمد وفكرت في اجواء العرس وشن بنلبس حتى 😂 مكنتش نحساب ان اليوم حنلبس كفني
__________
هالة : احمد احمد الحقق فرح وين وملك وين حتصير مصيبة
احمد : تي خيرك اشربي مية تنفسي يا خرا شنو في
هالة : يا احمد اليوم فرح وملك حيموتو محمد حيقتلهم
احمد : محمد شبحنا تي وينه
هالة : تي مشبحناش ساجدة صورتكم وانتم في الكافيتيريا وبعتتهم لمحمد وورتهملي يا احمد برا لحوشهم فيسع قبل متصير مشكلة ليها اول مليهاش اخر
احمد : تي اركبي سيارة بسرعة