يوميـات زوجيـة 1 ♥️

12

محمد شبح لمكان حداه
اني : وشن بيقعمزني اهني نقعد زي المومياء خلاص تو نقعمز ع سرير
محمد : تعالي
اني : نعم
محمد : اهني
اني : وعلاش
محمد وبنبرة غليضة : فرررح
اني : حاضر
وقعمزت وسكتنا شوية
محمد : وقت يبدا متقوليليش خايفة اصلا انتم بنات الخوف يجري في دمكم 😂
اني : والله 😒 تي اني متفرجه ع كل افلام الرعب بروحي هي حتى فيلم " ايفيل ديد " هاداكا تفرجت عليه بروحي ويخي الدور التاني كان فيه اني بس وتفرجت عليه 😌
محمد : اها اكيد الاضوية كلها تخدم😂
اني : مش ع خاطر شي غر بالصدفة بس
محمد : هاتي اللاب عندي شوية شغل ومديلي نقالي يشرين
اني : وااك كل حياتك شغل
محمد : شغلي اهم شي عندي
وحالة نقاله يشرين بس معاش يبي يسكت كله خدمة ورا خدمة لن بدي الفيلم حتى سكر نقاله وسكر اللاب
___________
قصي كان طول اليوم يفكر في رنا ومشقادر ينساها يبين انه فرحان بس قلبه مكسور
ملاك كانت مجروحة هلبا وتبكي ليل كله
ملك تقرا خايفة من امتحانها
اما ساجدة فكانت حتطير من فرح خاصة بعد كلمها احمد ع ماسنجر 💙
احمد : السلام عليكم ساجدة
ساجدة : اهلين احمد
احمد : كيف الحال
ساجدة : حمدلله وانت
احمد : منغير مقدمات اني نحبك كنت نحسابه مجرد اعجاب في بداية لما شفتك بس معاش قدرت ننساك كل تانية نفكر فيك واني نحبك ومتاكد وحنجيب امي تطلبك
ساجدة : عارف يا احمد اني نحبك وربي نحبك ونعرف عليك كل شي مش اليوم ولا امس ليا فترة ديما نتبع فيك انشاء الله يصير خير عارف فرحانة هلبا 💙
احمد : خلاص غدوا نجيك في جامعة
ساجدة : اي عادي
احمد : خلاص نجيك في الكافيتريا ونتفاهمو تمام حبيبتي
ساجدة : يا حليلي من هادي الكلمة
احمد : نحبك
ساجدة : واني نموت فيك
ساجدة كانت فرحانة هلبا وفرحتها متنعطاش لحد وبدت توتي في حوايج ليها 💙
طبعا اني منحكيلكمش ع العار يلي درته لمحمد تقول اول مرة نفتفرج ع فيلم رعب هو حاولت نشد روحي بس في لقطات يخوفو هلبا وكنت شادة يد محمد خبشت نصها 🌚💔
محمد : اي صار متخافيش
اني : هادا مش خوف راه اني منخافش هي مجرد خلعة بس
محمد : ببووو " خلعني "
اني عيطت
محمد : وهادي خلعة 😂
اني : هي فوبيا بس مش خوف يعني
محمد : فوبيا من فيلم 😂💔
اني : باه
محمد : يا بنت
اني : نعم ليش متنادينيش باسمي 😂 اسمي فرح فاء راء حاء ف ر
محمد : فرح
اني : نعمم ترا عاوده اول مرة تقوله هكي وانت رايق ديما تقولي فرررح وقت تتكنطى بس
محمد : وقت تزعلي شن تديري
اني : شي نمشي ندير كيكة كريم كراميل ونطيبها ونسمع زمزامات
محمد : همك في كرشك 😂
اني : وانت شن تدير ااه نسيت انت اغلب وقتك زعلان ومتعفلق وتفش خلقك في ناس
محمد شبحلي
اني قعدت نخمم من وين جتني الجراءة 😂
اني : ت ت تصبح ع خير بنرقد
محمد : تعالي مكملتش دوة اني
اني : نعم
محمد : قعمزي
اني : نعست
محمد : لا مفيش نوم نرقدو مع بعض
اني : ليش
محمد : بنهدرز معاك
قعمز محمد يسال فيا وني نجاوب ونقاوم في النوم
محمد : اي بس هادي حياتي اني خدمة بس وانتي
اني كنت في احلام اليقظة 😂
محمد : فرح ؛ رقدت
قامني محمد ورقدني وغطاني ورقد
__________
شروق : نكلم فرح نقوللها غدوا مروحين تو تفرح
ابراهيم : لا خليها مفاجاءة وين علي
شروق : رقدته
ابراهيم : هي رقديني اني توا
شروق : غر حول يدك نشوف امك ونجي 😂😍
ابراهيم : غر تعالي بعدين شوفيها
شروق : نعم
__________
ثاني يوم فقت ولقيت روحي في سرير استغربت نزلت طول وتيت الفطور ومشيت نفيق محمد
اني : محمد فيق هيا
محمد راقد
اني : محمد فيق حبيبي هيا
وهو مستمر راقد
اني : شن نخرط اني 😂 اما حبيبي هادي
اني : محمممممد
محمد : اممم اه ها خيرك نفيق بروحي
اني : ساعة سبعة ونص
محمد : باه انزلي تو نجي
اني : باه هي فيق ع حمام قدامي ونمشي
محمد : نفخ
اني : بعدين قولي مفيقتينيش
محمد : ها فقت صباح خير يا انسة
اني : مدام 🌚💔
محمد : مش مهم المهم من رقد ع كتفي
اني : اا شنو مرقدتش ع كتفك ع كنبة
محمد : اي ع كنبة اني جايك هي يا ام شبر ونص
وكيف محمد ناضيلي
اني : الفطور بنوتيه
ونشدها جري لوطا 😂
قعدت نوتي في فطور وتنزل ملك
ملك : صباح الخير
اني : صباح العسل خيره وجهك اصفر
ملك : اممم مرة خوي شوفي اني نوثق فيك هلبا ونرتاح وقت نحكيلك نبي نسالك
اني : تفضلي اسالي
ملك : لما نفكر في شخص ديما في كل ثانية وكل دقيقة وفي الليل نحلم بيه معناها نحبه ؟
اني : مرات اعجاب
ملك : اممم منعرفش اني عندي احساس حلو هلبا اتجاهه يا فرح ومشعارفة بالك اعجاب زي ماقلتي
اني : اعطي فرصة وشوفي روحك تحبيه ولا لا
ع خشت ساجدة
ساجدة : شنرايكم فيني 😍😂
اني : غريبة ساجدة لابسة وشن هالطرحة اليوم
ملك : حي ع مكياج كان يشوفه محمد
ساجدة : مش حنفطر بنهرب طول ع سيارة ترا خمنو شن في اليوم 😂
اني _ ملك : شنو
ساجدة : احمد خو هالة صاحبتي يلي نحبه ووه عليا امس اعترفلي بحبه وقالي نتلاقو في كافتيريا بتاع الجامعة وحيجي يطلبني
وملك طيحت الصواني من يدها تكسرو
اني : اسم الله ملك خيرك ؛ حي سجو مبرووك 😍😂 وهاداكا شن يصير فيه.
قعدت ملك تلم في صواني يلي تكسرو
اني : خليهم ملك تو نلمهم اني
ملك : ااه فرحتلك هلبا ربي يتمم ع خير يا ساجدة ، مرة خوي اني راكبة نبدل
اني حسيت ان ملك تضايقت وحبست دموعها
فطر محمد وقصي وملك وباقي العيلة وساجدة طول هربت ع سيارة مفطرتش وملاك راقدة فوق في دارها
اول ماطلعو مشو جامعة بديت نضم وكملت ضمان دوشت وبدلت وحطيت شوية مكياج ومشيت لملاك لقيتها راقدة ع سرير وتبكي
اني : ملاك ياسر بكي قتلتي روحك راه ميجيش هكي
ملاك : فرح نحبه ونبيه نبيه يا فرح والله نحبه حتى لو مش كويس نحبه
اني : ملاك حيضرك هو وحيجيب ضرر لمحمد
ملاك : عارفة بس والله معاش نقدر
اني : اهدي وكل شي ينحل
خشت علينا بتول
بتول : فروحة تعالي شوفي من جي بسرعة 😍
اني : مني هي شوية ونجي ملاك
وطلعت برا واتفاجاءت كانو عيلتي فرحت هلبا ومشيت لحضن امي
اني : حي كيف روحتو 😍 وليش مقلتوش شن جوكم وشن درتو واهم شي شن جبتولي
امي : فرح خودي نفس شوية 😂
ابراهيم : كيف عاد بنتك اكيد حتكون راديو متحرك
شروق : اي الا فروحتي ايوا
ام محمد : فروحتنا احني 😂
ابراهيم : عاد كيف طنجرة ولقت غطاءها
اني : امي خيرك تاعبة ولا لا شن فيك ؟
امي : لا شي مجرد ارق بنيتي من سفر
قعمزنا نهدرزو ونحكو لن روحو وخشيت ع ملاك لقيتها راقدة
_______
في جامعة عند قصي
قصي شبح البنت يلي بزعت عليه القهوة
قصي : شوية شباب تو نجي
ومشالها بزع عليها الميه
البنت : انت شخص وقح حيوان شن هادا يلي درتته
قصي : وحدة بوحدة
البنت : متخافش مردودة يا استاذ نكرههك
قصي : ع اساس اني ميت فيك
البنت : مرض
قصي : يرفعك
________
ملك كانت مغمومة هلبا ومش مركزة في شي وتمسح في دموعها وخلاص كان هموم الدنيا كلها طايحة عليها
عند ساجدة 💙
ساجدة : اي مصعب خلاص علاقتنا انتهت
مصعب : تي شن تقولي وعلاش
ساجدة : هكي معاش نحبك اني ونحب في ولد تاني
مصعب : لا شن زي ماتبي هي
ساجدة : تي ابعد مني يا كلب وبرا دور بنت تانية هي باي
خشت ساجدة للكافيتريا ولقت احمد جت قعمزت حداه في الطاولة
ساجدة : اهلين حبيبي
احمد : ااه انتي منو ، وين ساجدة ؟
ساجدة : خيرك اني ساجدة
احمد : لا شن تقولي
ساجدة : تي مش امس كنت تقولي تحبني
احمد : اني منحبكش انتي نحب اختك التانية
ساجدة : شنووو ملك انتت
احمد : تي شن هادا ازح شن قاعد يصير توا
ساجدة دموعها نزلو
احمد : اسمعي اختي اسف صار سوء تفاهم بسيط اني منقصدش عليك وهالة وصلت الخبر غلط شكلها
وطلع احمد يجري من جامعة مخلوع وركب سيارته واتصل بهالة باش تجيه
هالة : تي خيرك
احمد : تي شن هادا يلي درتيه جايبتيلي اخت البنت يلي نحبها
هالة : شنو تي مش انت قتلي نحب صاحبتك اخت محمد
احمد : اي تانية مش هادي
هالة : تحب ملك بس اني صاحبتي ساجدة حي ع جو تي شن صاير في ساجدة
احمد : منندري ع شي اني معاش فاهم شي منعرفش بري شوفيها
هالة نزلت ومشت جري لساجدة
__________
اني قعدت مكسدة وفتحت نقالي شوية ع نت وتيت الغدي واستنيت لن يروحو الباقين ونسخن بس
وروحو
خشت ملك تجري ع دارها وساجدة كذالك
اني : قصي خخيرهم شن في
قصي : منعرفش شكلهم مجاوبوش او شي مبلمين هكي من جامعة
اني معاش عرفت لمن نمشي ركبت لساجدة اول شي 💙
اني : ساجدة قوليلي خيرك
ساجدة : 😭💔 خليني
اني : ساجدة غر اهدي معاش تبكي شن في امبكري كنتي فرحانة
ساجدة : اني اصلا هكي معمره حد حيحبني
اني : تي غير قولي شني في
ساجدة حكتلي
اني : خلاص اهدي
ساجدة : كله من ملك نكرهها اني نكرها
اني : ساجدة اسكتي مش منها هي متندريش اصلا
ساجدة : مستحيل منبيش احمد لغيري نبيه ليا يا فرح نبي احمد 😭💔
اني : خلاص توا امسحي دموعك واشربي ميه وارقدي باهي وغداك تو نجيبهولك اهني
قعدت نمسح ع راس ساجدة لن رقدت ومشيت لملك
لقيتها شادة كتاباتها وتخربش
اني : ملك انتي تحبي احمد ولا
ملك : اا لا لا اني اي
اني : اسكتي تحبيه
ملك : وحتى لو نحبه شن حننستفيد غير وجع القلب بس 💔
اني : والله عرفتك من امبكري وقت كسرتي الصواني
ملك : خلاص هو يحب ساجدة وساجدة تحبه منبيش نخش بينهم وخلاص جننساه
اني : لا احمد يحبك انتي
ملك : شنو كيف يحبني
اني حكيتلها ع سوء التفاهم يلي صار
ملك : شنوو احمد يحبني ويبي يطلبني اني ؟؟
اني : اي يبيك انتي
ملك : اممم بس اني منبيشي
اني : شنو علاش
ملك : امم منبيش نجرح قلب ساجدة وخلاص عادي اصلا مش حنموت لو اني وهو ما ارتبطناش
اني : ملك متخسريش حد يحبك وانتي تحبيه
ملك : بس ساجدة لا لا خلاص منبيش اني متاكدة يا فرح
اني : غر زيدي فكري يا ملك
ملك : تي اني نحبه ونبيه والله 😭💔 بس منقدرش
اني : خلاص توا امسحي دموعك واقري اني ماشية نوتي الغدي نسمع في صوت محمد شكله جي
ملك : تمام منبيش نتغدا اني
اني : اوكي
طلعت برا وكيف ببننزل من دروج لقيت محمد راكب
وقف عليا
محمد : وين كنتي
اني : في المنتجع 😂 يعني وين ماه نلود من دار لدار
محمد : اممم ملاك كويسة
اني : خشلها
محمد : اا لا لا شن خشلها هادي