سجينة النهوى

٢

يمه نظراته اشتعلت نار وشرار اسمر مملوح عيونه رصاصية لابس دشداشة نيلي جسمه خشن رياضي طويل ..

صف الكونية مال التمن ع الحايط واجاني عبالي حيضربني وكفت بمكاني واباوعله بنظرات غضب

خوفني من حجه كتله عليك لعد تضربني واسكُت ؟

غير تباوعين كدامج ؟

مرة عمو كالت صلوا على محمد شبيكم ..
اللهم صل على محمد وال محمد هو كال ويباوعلي مخنزر واني رافعة حاجبي كال نزلي حاجبج ولج ..

ولج شنو اعرفك تعرفني صار ساعة ولج اله ما ولج ..

مرة عمو محمد كالت هذا علي ابن عمج ..

لزمت صفحتي بعدهه توجعني
فتت جوة واني افر بيدي
واكول والله يا الله
واسمعه يحجي معصب هاي اشو ماتحترم كلش ونازعة الحياء منو مكبر راسها وعلى شنو؟

فتت لغرفة البنات
ومتجاهلة الاصوات الي تسألني شبيج ..
قبل اسبوع
اجانه عمو محمد لبغداد
يعزمنا على عرس ابنه عباس ..
بابا عنده ٤ اخوان
بس كلهم مو اخوته الح
لا وانما من ابو وبس
لان جدو متزوج ثنين
ام بابا وام عمامي الاربعة..
عاد رحنه للجنوب نحضر عرس ابن عمو
واستقرينه ابيت عمو محمد ..

بعد ماضربني علي بالكونية بقيت كاعدة بالغرفة شويه يلله راح الالم
اجتي ماما ..
ها بنتي شلونج يكولون مضروبة ؟.
اي ماما هذا الاثول ضربني
اي سمعت وهسه شونها بطنج خو ما متوجعة ؟
شويه بس مو هواي ..
لعد كومي ساعدي البنات خطية ترة
هسه فد شوية ماما .. بس كوليلي هذا الغثيث راح؟
منو هذا ؟
علي الي ضربني
لج عيب ماما عيب احنا خطار هنا احترمي
رفعت ايدي ونزلتها .. جتي فاطمة وطبت للغرفة ظلت تصبغ اظافرها ..
اني اريد اطلع من الغرفة
وجان تصير كبالي وحدة
من نسوان عمي يكلولها ام علي ..
كالت وين طالعة هيج ؟ بلا حجاب روحي ستري نفسج عيني البيت مليان شباب عيب ..
باوعتلها نظرة جانبية ورجعت فتت للغرفة
شمدريني عبالي الشباب برة مايدخلون
اني اصلا محجبة ..
كلت لفاطمة هاي امج مو ؟
اي امي شبيها وياج ؟ هه لاتضوجين بس هيه تحب تحشر نفسها ..
لا مكالت شي نبهتني مجنت اعرف اكو شباب هنا ..
خليت شال على راسي ..
كالت انتظري نطلع سوا ..
طلعنه وصار كبالنه واحد بس شاف فاطمة اجه صوبهه وهو ديمشي يخزر بيها ..
لزمها من اصابعها قوي وجعصهن ..
كللها شنو مخلية بيدج ولج ماتستحين تردين تعرسين ها عود شوفوني حلوة مو ؟
خطية صاحت من الالم لاعفية حباب والله هسه اروح امسحه ..
فد انصغطت بلحظتها كمت جريت ايدها من ايده كتله هي احنا وين عايشين بيا قرن شنو هالحجي ..اذا خلت صبغ لنفسها تريد تطلع حلوة ممخلية لاحد بطلوا هذا التفكير ..

رفع ايده بوجهي وظل يصيح هييه انت منو انت منو وليش تتدخلين انه واختي ..

وفاطمة خاتلة ورة ظهري تبجي واسمع صوت يكول
شنو صاير هنا ؟
والتفتت واشوف هذا علي الغثيث نفسه .. تنفست بضيق ..
باوعلي مقطب حواجبه كال هاي هم انتي ؟ تمشين وتسوين مشاكل ويانه شون وياج مشاعر مدري مشاعل مدري كلوب ..