هلاووو بنات كيفكم
بارت ١٠
بقيت ميته خوف على اروى وهيه خطية عبالك بغير عالم حالتها تتوسل الرأفة وتصعب ع الكافر ، وينج ماما تشوفين بنتج !!!
سالي دموعها غركت وجهه كتلها يله امشي تروحين ويانه انتي مو ؟
مو ممبدلة خاف يجي هذا مدري شسمه ..
اسمه قيس روحي بالعجل بدلي وامشي ويايه ترا اني اخاف منه وحدي واروى مريضة هيه هاي سوايه تسويها بينا بابا شون تأمن بناتك عند واحد ميعرفوه .
لج هو يمكن يعرفه شمدريج ميعرفه بله يمكن يعرف من زمان .
الله اعلم يله سالي ليجي ..
رايحة ابدل بسرعة ...
راحت تبدل واني بقيت اعض بشفتي واتوسل بنفسي واحجي وي روحي مشاعر انتي قويه وكدهه تدارين اخواتج وتلزمين مكان امج .
ع هالحال اني واندكت الباب كعدت اروى وسندتها بالقنفة ورحت للباب فتحتها شفته قيس .
ظل يباوع بعيوني مركز بيهن كال هلاووو
كتله هلوو ...
كال ها مشاعر جهزتي نفسج واختج المريضة حتى نروح ؟
هجم بيتك شبسرعة حفظت اسمي ؟ حجيت هيج بداخل نفسي وهزيت راسي اله كتله بس دقيقة .
كال تحتاجين مساعدة ؟ اجي اسند اختج وياج خاف مابيها تنزل؟
لا بيها لتعب نفسك بس دقيقه ونجيك مشكور مقصرت .
كال اوكي انتظرج بباب العمارة السيارة وكفتها بالكراج .
اوكي مانتأخر هسه شويه ونجي .
كال .... تمام ونزل
رديت الباب شويه ورحت لسالي لكيتها مبدلة ..
كتلها يله لعد كابليني خلي نسند اروى مابيها فد نوب ..
كالت يله اجيتج ...
اجت وسندناهه طلعنه من الشقة ، بقيت ساندتها اني وسالي راحت سدت الباب واجت سندته من ايدهه اللخ واني من ايدها الثانيه ونزلنه الدرج على كيفنا وخايفين لا توكع .
الف يا الله واسم الله يله نزلنه ، ، لكينه قيس واكف اباب العمارة منطي ظهره للعمارة وبيده جكارة ويدخن ويخابر بعصبية متنه خوف مدري شبي .
ويصيح وين وديت البضاعه ابن الكلب كولي هسه انته وين حيوان ساقط تريد تبلينه بلوة والله اشنقك والله .
احنه متنا خوف بهاي اللحظة اطرافي ظلت ترجف وقلبي انقبض ..
اندار علينا شافنه واكفين انصدم شويه وبعدها صفن بيه شويه واني باوعت بعيونه حتى نسيت نفسي وظليت اباوع عليه مصدومة .. بقلبي اكول شسويت بينه بابا شسويت .. بلحظتها جيت اخذ اخواتي واصعد ليفوك من كد الخوف ..
