سجينة_نهوة
بقلمي ميمي
بعد ما ضربني كعدت بالكاع وانتجيت ع النخلة ورايه حضنت رجليه لصدري وظليت بس ابجي ..
اجه يمي كتله وخر وخر حقير نذل ظليت ادفر برجلية بالتراب .. لزمني قوي وشالني من الكاع مقيدني ويسحل بيه نزلني قريب للشط ووكفني على حايط يصير ع الشط .. ظل يحجي بوجهي اهدي اهدي خلي احجي وياج .. واني بس ابجي واصيح بوجهه اكرهك اكرهك انوب تضربني اكرهك بعد اكثر اكثر . ..
كال باوعي لعيوني والله احبج بس انت خبيثة واذا صار وتزوجنا ادللج دلال اسويج ملكة صدكيني مشاعر اني حبيتج قبل لا اشوفج بس سمع سمعت عنج وحبيتج ارحميني . ..
وخرت من على الحايط وادفع بي واكوله اكرهك وخر وابجي وما ادري الشط ورايه يريد يلزمني ابتعد عنه وهو يكولي ديري بالج راح تطيحين كلما يقترب بحذر ابتعد بجنون عنه مخبلة وفقدت عقلها قربه يخبلني واكرها ..
وجان اوكع بالشط من فوووك للشط من مكان عالي وكعت .. غصت ليجوة وما اعرف اسبح ظليت اشرب كومة مي وما اكدر اتنفس .. والمي بارد ثلج .
حسيت شي ديرفعني لازمني من بطني ورفعني وخلاني ع الجرف وظل يطلع المي من حلكي كوومة واني متمددة ع الارض وارجف واشوف علي فوكايه ويوصلني صوته بعيد ..
بعد دقايق يله وعيت على حالي بس قوتي تلاشت بردانة حييل ثلللج ،،، كال كومي راح تتمرضين امشي للبيت غيري ملابسج واشربي شي دافي يا خبلة بس والله حلو شكلج وانت مبللة..
اني حموت وهو يباوع لشكلي ،،، مشيت وراه واثنينه مبللين بس اني ارجف هو لا مو هامه ومتعود ..
وصلنه لبيت عمو شافني عمو اجه يركض
سال علي شبيها ؟
كله وكعت بالشط وطلعتها ..
شبيج يا بنتي غير تنتبهين ؟
مجاوبته واجت امي تركض مصدومة اخذتني وتباوع على علي بنظرة كلها شكوك ..
شبيج بنتي ليش هيج مبللة .. مجاوبت الرجيف اخذني
جاوبها علي وكعت بالشط بسرعة اخذيها بدليلها وخل تشرب شي دافي .. امي مجاوبته بس تباوع عليه بنظرة عدم رضى واخذتني جووة ..
شطفت نفسي بمي دافي وانطتني ملابس واجت لمياء مرة محمد انطتني روب قديفة لبسته وكعدت كبال الصوبة ارجف .سوتلي حليب دافي شربت شويه وبعدها الصدمة مسيطرة عليه اجيت اموت اليوم الله ستر الله لاينطيك يا علي ياكلب. خلتلي امي مخدة
بصف الصوبة وجابتلي بطانية لفيت روحي وتمددت واحس عضامي بعدهن ثلج وانفاسي بعدها مليانة بماي الشط ..
غفيت وللظهر امي فزيت على شي بارد نوضع على جبيني ، كتله وخري عني وخري .. كالت ولج حرارتج مرتفعة كلش اهدي خلي اسويلج كمادات ..
___ يمه صدك جذب بروحي الصبح غركانة بالمي البارد تجين تبللين ماريد .. وخرت ايدهه وغصت بالبطانية ..
كامت وخرتها مني وكالت ولج احجيلي شون وكعتي خو ما ابن عمج هذا علي وكعج ؟
كمت كعدت كتلها ماما خلصيني منه فدوة عفية شوفيلي حل ..
