اعتذر ع تأخير حبايب
سجينة النهوى
بارت ١٢
بقلم ميمي
ظليت متشبثة بعلي واجرجر بي وهو لا حول ولا قوة خفت بس لا مات زدت بالصريخ .. شفت ايده لزمتني من كف ايدي .. تأملت يكوم بس ماكدر لان هذولي اقوه منه بهواي وهو هم جريح وهم اعزل بدون سلاح ظلوا يدفرونه ببطنه ويسحبون بيه ومحد بحالي معبالك احنه بشارع عبالك بچول
كوموني من يم علي كمت مرغمة وواحد منهم سد حلكي .
شفت موتي بعيوني كلت هاي هيه خلص حموت والله حمووووت .. حسيت ايده ارتخت وتركني ووكع
التفتت شفت قيس ووياه واحد .
ركضت عليه ظليت اصرخ قيس الحك ابن عمي لحكه
هو كام سد حلكي واخذني سحل للسيارة ظليت ارافس وهو يدفر بيه يريدني اهدأ .. حلكي مسدود اريد اكوله ع علي حتى بلكي يساعده بس هو ولا يمه .
باوع للكاع مكان مااعلي متمدد ع الكاع بصف السيارة
وفتح باب الوره ودفعني بيها واجه يمي جان الولد الي ويه قيس ديضرب باليي اعتدوا على علي وبعدها صاح عليه قيس كام التفت على قيس ضرب ذاكه بالمسدس على وجهه خلا يحير بروحه واجه للسيارة ..
كام قيس اشرله يسوق وهو دخل بمكان السايق
قيس كاله يله سووق خلي اسكت هاي الخبلة
هو جان ساد حلكي بيده ومخليني على صدره واني بس ارافس بس هو اقوه مني لانه رجال مقيدني حييل .
ظل يخض بيه شبيج بنت الكلب بنت القندرة اهدي استجني ابتليت بيج من العصر لهسه.
كال هيج ودفعني صررخت عليه انجب ياامجرم لو ماا اني هسه جان انت خايس بالسجون يااكلب ياساقط .
رجع ضربني حميت نفسي بديه خليتهم على وجهي
الولد الي ديسوق كاله قيس عوف البنية راح تموتها راح تبلي رؤوحك بيهه .
كاله يطبها مرررض
صرخت عليه الله ياخذك وياخذ ابوي واله اكول لعمامي عليكم يطيحوون حظكم .
لزمني من راسي كمش شالي بيده وظل يهزز براسي حييل ..
صررخت عليك ولك ارجع ارجع ابن عمي حيمووت ارررجع واضرب على صدره .
عاطط من بين اسنانه وللج كك*** ياااا ابن عمج ماتكوليلي هذولي مجرمين بيناتهم تعاركوا عليج ابن عمج شجابه هناك .
وخرر مني حقيير علي مومجرم موو مجرم رجعني حراام عليك حراااام .
الولد وكف السيارة والتفت القيس تعال قيس اكعد كدام وعوفها هاي مو حالة ترة لك الناس شتكول شوف حنوصل لهذا التقاطع ونوكف وازدحام هسه انزل وعوفها
تقرب مني قيس كال باعي كااافي عوي تعويين ترة والله تحلمين تشوفين خواتج امرج بيدي وابوج خلاج تحت تصرفي صيري ادمية لا ابتلي بيج افتهمتي ؟
خليت ايدي على صدره ادفع بي ظليت لان كلش قريب عليه واباوعله بخووف وارجف
صاح عليه الولد يلا قيس لاتاخرنا عاد
خزرني قبل لينزل ونزل راح كعد بالصدر وذاكه ظل يسوق
