سجينة النهوى
بارت 14
بقلم ميمي
سمعت صوت عمامي طبوا للشقة وابويه ديحجي وياهم بقيت واكفة بالمطبخ واعض باظافري ومحتارة كلش ...
سمعته يحجي وياهم بس مبين من صوته يبيع ثكل
كاللهم اي هستوكم يله تذكرتوا عدكم اخو مو ؟ ..
جاوبه عمو ابو علي صدك جذب منك انت طلعت من بيت ابو محمد منو كالك اطلع بلله ؟ وثاني شي نخابرك ماتشيل التليفون لو تليفونك مغلق ..
ها اي وتخابرون عليه شنو الي تغير قابل راح تنطوني حصة ابوي من الورث ادري بيكم ماتسووها وكاتلكم الطمع ....
حجى عمو ابو محمد انت شبيك علوان صدك تحجي انت ماإلك يمنه شي ابد ولا تكول حصة ابوي ما اله حصة الله يرحمه واحنه نبقى اخوة واي شي تحتاجه احنه حاضرين وبيوتنا مفتوحة الك وللبنات وهسه احنه جايين وهذا مو موضوعنه البنات وين ؟
بتوتر كال هاا مو كتلكم اروى وسالي بالمستشفى اروى مصخنة وافلاونزا وخالتهن يمهن تدرون انتوا خالتهن هنا عايشة يمكن ماتدرون بيها بس انه خابرتها وخليتها تبات وياهن .
ظليت افر بيدي جذاب بابا جذاب وحتى ميدري اروى شبيهه يكول افلاونزا .
يحيى : ومشاعر وين ؟
.. صخام هنا موجودة ليش تسأل عنها ..
.. مو وو خابرتني تكول انته مأذيهن ومسلمهن بيد واحد غريب ..
.. هاي الجلبة الطايحة الحظ تريد تتبع امها وهيج تسوي ظلت تنطط من شقة لشقة بالعمارة وتطلب تليفونات وتخابر واني طحت بيها غسلتها طيحت حظها ..
ابو علي : اي بس ترة علي شافها بسيارة ويه واحد غريب وبعدين طكوا بسجينة وذاك هو يسمع حسك بالمستشفى وحالته تعبانه منو هذول الي طكوا ومشاعر جانت شاهدة ؟
.. شبي علي تخبل ؟ وين شافته مشاعر شو هذا يهذرم مايعرف شنو يحجي ؟ مشاعر ماطلعت من الشقة هيانهه هنانه مطمورة جوة عساهه لا كعدت شلعت كلبي حطيت بيها طن كتل ومايفيد لسانها اطول من عدهه اخر شي قررت اكسحها لامها واخلص من عدهه .
يحيى : عمي ترة مشاعر خابرتني قبل كم ساعة وسألتني على علي لعد شون عرفت علي مجروح بسجينة ؟
.. اوو انته الثاني شبيك ؟؟ هيه سألتك على علي ؟ شعدهه ويه علي قابل شو هيه حتى من خطبها رفضته ومارادته لاتخلوني افتح مواضيع هسه ووراي اريد لاروى بالمستشفى ....
ابو محمد : شنوو شنوو وين الربط ؟ ترة علي كال شافهه وهي مخابرة يحيى وكايلتله على علي وهسه انت تكول ماشافته ولا طلعت من الشقة ؟
ابو علي : اي صدك شو شي مايشبه شي علي منو الي ضربه ومشاعر شعدهه هناك بالله صيح مشاعر خله احجي وياها ؟
ابو مشاعر بتوتر : ها اي هسه اصيحلهه ...
اجاني للمطبخ يحك بلحيته واحسه محتار تقرب مني ولزمني من ركبتي من وره حجى بصوت اقرب للهمس
مثل ماوصيتج ديري بالج جفصين نكري كلشي لا والله تنسين عندج خوات والله واذا ماحجيتي شي اصخمج يم امج الكلبة انت وخواتج خوش ؟ يلا هسه ولي يم عمامج ومااحتاج اوصي بعد .... جيبي جاي وتعالي..
