شهكت خليت ايدي على قلبي وعيني بعيونه ...
وهو على وجهه نصف ابتسامة ساخرة
انهاريت وبعدت نظري عنه
اجاني صوته ... يله كولي وين شايفج اني ؟ زين يحيى يدري بيج انت !!
حجيت بصوت راجف وكوه يطلع اني بنت عمه
ظل يضحك يعني هو تزوجج يستر عليج ؟
هو ميدري حباب لتكوله والله غصبا عليه ..
ظليت ابجي بحركة واني اباوع لعيونه
واترجاا..
اختنكت كلش داافتح باب السيارة اريد انزل
مد ايده ولزمني وظل يسحب بيه
عطت وخررر عني لمسته الي مادري شسوت بيه
رعبتني
كال اششش اهدي شووفيهم اجو وين نازلة انتي
يعني مراح تكوووله ،؟
باوعلي بنظرة غريبة وابتسامة مكر خفت منها
كال لا لا لا وركز بعيونه عليه وكال حاليا لا ..
صفنت بوجهه سمعت صوت باب السيارة دتنفتح هو همس بس صوته وصلي كال مسحي دموعج والنه حجي غير مرة نحجي .
شهكت شهكة زغيرة ودرت وجهي ومسحت دموعي بكف ايدي .. طبت مرة محمد ويحيى وكعدوا بالسيارة
حرك ليث سيارته ومرة محمد انشلغت تدور بالعلاكة مالة الادوية وتباوع شنو بيها
همزين انشغلت حتى لا تباوعلي وتشوف دموعي
انوب ليث مدري على شنو ناوي اصر اله ياخذنه لبيتهم خلاني هالشي متت من الخوف باوعتله بالمراية بتوسل هو ابتسم وغمزلي حيرتني تصرفاته مادري يريد يطمني لو مادري شنو يريد
وانوب يحييى مطنكر وجه مايكصه السيف
باوعله ليث وكلامه مبطن بالسخرية
شبيك يحياوي جنك ماراضي اقصد شي مضوجك احجي وكول ولاتستحي
يحيى بتعجرف بعد ما قبض ايده بقوى
كاله لاهيج ماكو شي ودار وجهه ع جامة وحتى صوت حسرته وصلت للكل
اعقبتها نظرة من ليث بمراية السيارة ماعرفت شنو المغزى منها
وصلنه لبيتهم هو نزل من السيارة جانوا يحيى ومرة محمد توهم نازلين ومدري شجانت تكله ناسين علاج
واني واكفة وراهم وابعد عنهم كم خطوة
تقرب مني ليث وهمس حتى نحجي فتخت عيوني مصدومة شنحجي بعد يرربي ماعندي حجي والله اريده بس يتركني اريد اروح لامي
دخلنه لبيتهم جان فخم كلش واسع وكولش حلو الحديقة جبيرة كلش والكراج هم جبير ..
فتحت النه الباب بنيه لابسة تراك وردي ورصاصي وكفشتها مفتوحة كيرلي شعرها لايكلها بيضة حيل
وعيونها لون عيون ليث وبيها من ملامحه عرفتها
تصير اخته .
كاللها ليث هلووو زنوب وفات قللنا
سلمت عليها مرة محمد ويحيى وعرفتني عليها
كالت هاي اخت ليث بنت خالة يحيى تصير
